ସ୍ବାସ୍ଥ୍ୟଗତ ସଙ୍କଟ ଓ ଭାରତୀୟଙ୍କ ସୁସ୍ଥତା

ବିଶ୍ବ ଆଜି କରୋନା ଭୂତାଣୁଜନିତ ସଂକ୍ରାମକ ରୋଗକୁ ନେଇ ଶଙ୍କାଗ୍ରସ୍ତ। କେବଳ ଟିକିଏ ସତର୍କତା, ସଚେତନତା ତଥା ସାବଧାନତା ହିଁ ଏହି ମହାମାରୀଠାରୁ ଆମକୁ ଦୂରେଇ ରଖିବ। ସରକାରୀ ନିର୍ଦ୍ଦେଶକୁ ମାନି ଆମକୁ ଆଗକୁ ବଢ଼ିବାକୁ ହେବ। ଏପରି ଏକ ସମୟର ସମ୍ମୁଖୀନ ହେବା ଆମ କଳ୍ପନା ବାହାରେ ଥିଲା। ମଣିଷ ଭାବି ନେଇଥିଲା ସେ ଅପରାଜେୟ। ମାତ୍ର ପ୍ରକୃତି ଜଣେଇ ଦେଇଛି କିଏ ଅଧିକ ଶକ୍ତିଶାଳୀ। ଏ ସମୟ ଚାଲିଯିବ ଭଲ ସମୟ ପୁଣି ଫେରିଆସିବ ଏଥିରେ ସନ୍ଦେହ ନାହିଁ। ତେବେ ଏହି ପରିସ୍ଥିତିରୁ ଗୋଟିଏ କଥା ପ୍ରମାଣିତ ହୋଇଛି ଯେ, ସୁସ୍ଥ ଶରୀର ବା ସ୍ବାସ୍ଥ୍ୟ ହେଉଛି ସବୁରି ମୂଳ। କୌଣସି ରୋଗରେ ଆକ୍ରାନ୍ତ ନ ହେବାକୁ ଆମେ ସୁସ୍ଥତା ବୋଲି ବିଚାର କରିଥାଉ। ହେଲେ ବିଶ୍ବ ସ୍ବାସ୍ଥ୍ୟ ସଂଗଠନ କହିବା ଅନୁସାରେ କେବଳ ରୋଗ ନ ହେବା ସୁସ୍ଥତାକୁ ବୁଝାଇ ନ ଥାଏ; ବରଂ ଶାରୀରିକ, ମାନସିକ ଓ ସାମାଜିକ ରୂପେ ସମ୍ପୂର୍ଣ୍ଣ ଭାବେ ଦକ୍ଷ ରହିବା ହିଁ ସୁସ୍ଥତାର ପଦବାଚ୍ୟ। ସମ୍ପ୍ରତି ଭାରତୀୟଙ୍କ ମାନସିକ ସ୍ବାସ୍ଥ୍ୟ ଦ୍ରୁତ ଗତିରେ ବିଗିଡ଼ି ଚାଲିଛି। ଏଥିପାଇଁ କ୍ରୋଧିତ ଓ ଉଦାସ ଦେଶର ମାନ୍ୟତା ପାଇଛି ଆମ ଦେଶ । ଖୁସି ରହିବା କ୍ଷେତ୍ରରେ ଭାରତ ସାରା ଦୁନିଆରେ ୧୧୮ତମ ସ୍ଥାନରେ ରହିଛି। ପୁଣି ଶାରୀରିକ ସୁସ୍ଥତା କ୍ଷେତ୍ରରେ ଭାରତୀୟଙ୍କ ସ୍ଥିତି ବେଶ୍‌ ଉଦ୍‌ବେଗଜନକ।
ବୟସ ଦୃଷ୍ଟିରୁ ଭାରତ ହେଉଛି ଏକ ଯୁବକ ବହୁଳ ଦେଶ। ଜାତୀୟ ନମୁନା ସର୍ବେକ୍ଷଣ କାର୍ଯ୍ୟାଳୟର ତଥ୍ୟ ଅନୁସାରେ ଭାରତର ମୋଟ ଜନସଂଖ୍ୟାର ୪୭କୋଟିରୁ ଊଦ୍ଧର୍‌ବ ଲୋକ ଶ୍ରମିକ ଶ୍ରେଣୀରେ ଅନ୍ତର୍ଭୁକ୍ତ। କିନ୍ତୁ ଭାରତ ଧୀରେ ଧୀରେ କ୍ଳାନ୍ତ ଓ ରୋଗୀଣା ଲୋକଙ୍କ ଦେଶ ହେବାକୁ ଯାଉଛି। ଡିସେମ୍ବର ୨୦୧୫ର ଲେନସିଟ୍‌ ତଥ୍ୟ ଅନୁଯାୟୀ ସୁସ୍ଥତା ତାଲିକାରେ ୫ଟି ବ୍ରିକ୍ସ ଦେଶ ମଧ୍ୟରୁ ଭାରତ; ବ୍ରାଜିଲ୍‌, ରୁଷିଆ, ଚାଇନା ଓ ଦକ୍ଷିଣ ଆଫ୍ରିକା ଠାରୁ ନିମ୍ନରେ ରହିଛି। ୨୦୧୩ରେ ହୋଇଥିବା ଏକ ସର୍ବେକ୍ଷଣର ତଥ୍ୟ ଅନୁସାରେ ସାରା ଦୁନିଆର ମୋଟ ରୋଗଗ୍ରସ୍ତଙ୍କ ମଧ୍ୟରୁ ୨୦% ହେଉଛନ୍ତି ଭାରତୀୟ। ବର୍ତ୍ତମାନ ଭାରତରେ ପ୍ରାୟ ୭କୋଟିରୁ ଊଦ୍ଧର୍‌ବ ଲୋକ ମଧୁମେହ (ଡାଏବେଟିସ୍‌) ରୋଗରେ ପୀଡ଼ିତ। ଓ୍ବାଲର୍‌ଡ କଂଗ୍ରେସ ଅଫ୍‌ କାର୍ଡିଓଲୋଜିର ତଥ୍ୟ ଅନୁସାରେ ୨୦୨୦ ପରେ ପରେ ୪୦ପ୍ରତିଶତ ଭାରତୀୟଙ୍କ ମୃତ୍ୟୁ ହୃଦ୍‌ ସମ୍ପର୍କିତ ରୋଗ ଦ୍ୱାରା ହେବ। ସମ୍ପ୍ରତି ଭାରତରେ ପ୍ରତି ୧୦ଜଣରେ ଜଣେ ବୃକକ୍‌(କିଡ୍‌ନୀ) ରୋଗରେ ଆକ୍ରାନ୍ତ। ମୋଟାପଣ, ମେଦବହୁଳତା ଓ ଓଜନଯୁକ୍ତ ଲୋକଙ୍କ ସଂଖ୍ୟା ଦୃଷ୍ଟିରୁ ସମଗ୍ର ବିଶ୍ବରେ ଭାରତ ୩ୟ ସ୍ଥାନରେ ରହିଛି। ପୁଣି କମ୍‌ ଓଜନଯୁକ୍ତ ଲୋକଙ୍କ ସଂଖ୍ୟା ମଧ୍ୟ ଭାରତରେ ଅଧିକ। ବିଶ୍ବ ସ୍ବାସ୍ଥ୍ୟ ସଂଗଠନର ତଥ୍ୟ ଅନୁଯାୟୀ ପ୍ରତି ୫ଜଣରେ ଜଣେ ଭାରତୀୟ ସ୍ଫୁର୍ତ୍ତିହୀନତାର ଶିକାର ହୋଇଥାନ୍ତି। ତା’ମାନେ ୨୦% ଭାରତୀୟ ଆଜି ନିରାଶରେ ବଞ୍ଚୁଛନ୍ତି। ଅନ୍ୟ ଏକ ତଥ୍ୟ ଅନୁସାରେ, ପ୍ରତି ବର୍ଷ କର୍କଟ (କ୍ୟାନ୍‌ସର) ରୋଗରେ ପ୍ରାୟ ୬ଲକ୍ଷ ଭାରତୀୟ ଜୀବନ ହାରୁଥିବା ବେଳେ ମଧୁମେହରେ ପ୍ରାୟ ୧୧ଲକ୍ଷ ଲୋକଙ୍କ ପ୍ରାଣ ଯାଉଛି। ରୋଗୀଣା ଲୋକଙ୍କ ଦ୍ୱାରା ଏକ ସୁସ୍ଥ ଓ ସଫଳ ରାଷ୍ଟ୍ର ନିର୍ମାଣ ହେବା ଅସମ୍ଭବ। ତେଣୁ ଆମକୁ ଏସବୁ ରୋଗର କାରଣ ଖୋଜି ତା’ର ଉପଯୁକ୍ତ ବ୍ୟବସ୍ଥା କରିବାକୁ ହେବ।
-ଈପ୍ସିତା ମହାନ୍ତି
ବୈପାରୀଗୁଡ଼ା, କୋରାପୁଟ,
ମୋ: ୬୩୭୦୬୭୯୪୦୫


Enter your email to get our daily news in your inbox.

All Right Reserved By Dharitri.Com

ଗ୍ରହ ସହିତ ରହିଛି ଗଛର ସମ୍ପର୍କ: ଘରେ ଲଗାଇବା ପୂର୍ବରୁ ଜାଣନ୍ତୁ, ନ ହେଲେ ହୋଇପାରେ ସର୍ବନାଶ

ଘରେ ଗଛ ଲଗାଇବା ଶୁଭ ବୋଲି ବିବେଚନା କରାଯାଏ। ବାସ୍ତୁଶାସ୍ତ୍ର ଅନୁଯାୟୀ ଘରେ ଲଗାଇବା ପାଇଁ ମଧ୍ୟ ନିର୍ଦ୍ଦେଶ ଦିଆଯାଇଛି। କଣ୍ଟା ଥିବା ଗଛ ଘରେ...

ଥଣ୍ଡା ପାଇଁ ଘରୋଇ ଚିକିତ୍ସା

ଥଣ୍ଡା ପାଇଁ ଅଧିକାଂଶ ଲୋକେ ଏଲୋପାଥି ଔଷଧ ବ୍ୟବହାର କରିଥାନ୍ତି। ବେଳେବେଳେ ଯେତେ ଔଷଧ ଖାଇଲେ ମଧ୍ୟ ଥଣ୍ଡା ଭଲ ହୋଇ ନ ଥାଏ। ଅଦିନିଆ...

ଶୋଇବା ପୂର୍ବରୁ ପିଅନ୍ତୁ ଉଷୁମ ପାଣି, ମିଳିବ ଏହି ଫାଇଦା

ଗରମଦିନରେ ଥଣ୍ଡାପାଣି ସମସ୍ତଙ୍କର ପ୍ରିୟ ହୋଇଥାଏ। କିନ୍ତୁ ଉଷୁମ ପାଣି ଦେହକୁ ସୁସ୍ଥ ରଖିଥାଏ। ଉଷୁମ ପାଣି ପିଇଲେ ଶରୀରରୁ ବ୍ୟାକ୍ଟେରିଆ ମରି ଯାଇଥାନ୍ତି। ଅଧିକାଂଶ...

କରୋନା ଓ ଡାଇବେଟିସ୍‌

”କରୋନା ଭାଇରସ ବର୍ତ୍ତମାନ ବିଶ୍ୱର ଅଧିକାଂଶ ଦେଶରେ କାୟା ବିସ୍ତାର କରିଛି। ସାଧାରଣ ଲୋକଙ୍କ ତୁଳନାରେ ଡାଇବେଟିସ୍‌ ରୋଗୀଙ୍କଠାରେ ରୋଗ ପ୍ରତିରୋଧକ ଶକ୍ତି କ୍ଷୀଣ ପାଉଥିବାରୁ...

ସିଗାରେଟ୍‌ ପିଉଥିବା ବ୍ୟକ୍ତିଙ୍କ ପିଲାମାନଙ୍କ ଶୁକ୍ରାଣୁ ହୋଇଥାଏ କମ୍‌

ନିଶାଦ୍ରବ୍ୟ ସେବନର ଭୟାବହତା ବିଷୟରେ ମାତ୍ରାଧିକ ସମସ୍ତେ ଜାଣିଥିଲେ ସୁଦ୍ଧା ଅନେକ ଏହାକୁ ନିଜର ଜୀବନଚର୍ଯ୍ୟାରେ ସାମିଲ କରିଥାନ୍ତି। ବିଶେଷକରି ପୁଅମାନେ ଏଥିପ୍ରତି ଆକୃଷ୍ଟ ହେବା...

 କାର୍ଯ୍ୟଦକ୍ଷତା ବୃଦ୍ଧି କରିବାକୁ ଚାହୁଁଥିଲେ …

ସୁସ୍ଥ ଏବଂ ନିରୋଗ ଶରୀର ସମସ୍ତେ ଚାହିଁଥାନ୍ତି। ସେଥିପାଇଁ କିଏ ବ୍ୟାୟାମ କରନ୍ତି ତ ଆଉ କିଏ ଭିଟାମିନ ବଟିକା ଖାଇଥାନ୍ତି। ତେବେ ସୁସ୍ଥ ରହିବା...

ଏକ୍ସାଇଟେଡ ଡେଲିରିଅମ ହୋଇପାରେ ବି କ୍ଷତିକାରକ…

ଏକ୍ସାଇଟେଡ ଡେଲିରିଅମ ନାମକ ସମସ୍ୟ ଯୋଗୁ କେତେକଙ୍କର ସାଧାରଣ ଜୀବନ ଶୈଳୀରେ ପ୍ରଭାବ ପଡ଼ିଥାଏ। ଏହି ସମସ୍ୟାକୁ ଡାକ୍ତର ଏଜିଟେଟେଡ ଡେଲିରିଅମ ମଧ୍ୟ କହିଥାନ୍ତି। ଏଭଳି...

ବାସ୍ତୁ ଅନୁସାରେ ସଜାନ୍ତୁ ଅଫିସ୍‌ ଡେସ୍କ

ଅନେକ ଏମିତି ଅଛନ୍ତି, ଯେଉଁମାନେ ନିଜର ଅଫିସ୍‌ ଡେସ୍କକୁ ସଜାଇ ରଖିବାକୁ ଖୁବ୍‌ ପସନ୍ଦ କରନ୍ତି। ସେଥିପାଇଁ ସେମାନେ ଡେସ୍କ ଉପରେ ଛୋଟ ଛୋଟ ଇନ୍‌ଡୋର୍‌...

Advertisement

BGU

Archives

Model This Week

Why Dharitri