ଭୁବନେଶ୍ୱର,୧୯ା୫(ବ୍ୟୁରୋ): ରାଜଧାନୀସ୍ଥିତ ଇନଫୋସିସ୍ ଥାନା ଅନ୍ତର୍ଗତ ଶିଖରଚଣ୍ଡୀ ପାହାଡ଼ ତଳୁ ଜଣେ ଯୁବକଙ୍କ ଅର୍ଦ୍ଧଦଗ୍ଧ ମୃତଦେହ ଜବତ ହୋଇଛି। ମୃତକ ଜଣକ ନନ୍ଦନକାନନ ଥାନା ବାଲିପଡ଼ା ଗାଁର ଲଲାଟେନ୍ଦୁ ପ୍ରଧାନଙ୍କ ପୁଅ ଅବିନାଶ ପ୍ରଧାନ(୨୨) ବୋଲି ଜଣାପଡ଼ିଛି।
ସୂଚନାନୁଯାୟୀ, ବୁଧବାର ରାତିରେ କେହି ଦୁର୍ବୃତ୍ତ ଅବିନାଶଙ୍କୁ ନନ୍ଦନକାନନ ଅଞ୍ଚଳରେ ହତ୍ୟା କରିଥିଲେ। ପରେ ଶିଖରଚଣ୍ଡୀ ପାହାଡ଼ ତଳେ ଫିଙ୍ଗି ଦେଇଛନ୍ତି। ଗୁରୁବାର ସକାଳୁ ଅବିନାଶଙ୍କ ଅର୍ଦ୍ଧଦଗ୍ଧ ମୃତଦେହ ଇନ୍ଫୋସିସ୍ ପୋଲିସ ଜବତ କରି ବ୍ୟବଚ୍ଛେଦ ପାଇଁ ପଠାଇଛି। ତେବେ ଅବିନାଶଙ୍କୁ କିଏ କାହିଁକ ହତ୍ୟା କରିଛନ୍ତି ତାହା ଜଣା ପଡ଼ି ନ ଥିବା ବେଳେ ପୋଲିସ ଏନେଇ ଅଧିକ ତଦନ୍ତ କରୁଛି।
