Posted inଜାତୀୟ

ବଦଳୁଛି ଗଙ୍ଗା ଗତିପଥ

ନୂଆଦିଲ୍ଲୀ, ୧୯ା୧୧:ଜଳବାୟୁ ପରିବର୍ତ୍ତନର ଭୟଙ୍କର ପ୍ରଭାବ ଆମ ପରିବେଶ ଉପରେ ପଡ଼ୁଛି। ଜୀବଜଗତ ଗୋଟିଏ ପରେ ଗୋଟିଏ ପ୍ରାକୃତିକ ବିପର୍ଯ୍ୟୟର ସମ୍ମୁଖୀନ ହେଉଛନ୍ତି। ଏବେ ଆହୁରି ଚିନ୍ତାରେ ପକାଇବା ଭଳି ଏକ ଅନୁସନ୍ଧାନ ରିପୋର୍ଟ ସାମ୍‌ନାକୁ ଆସିଛି। ଇଣ୍ଡିଆନ ଇନଷ୍ଟିଚ୍ୟୁଟ୍‌ ଅଫ୍‌ ସାଇନ୍ସ (ଆଇଆଇଏସ୍‌ସି) ଏବଂ ଇଣ୍ଡିଆନ୍‌ ଇନ୍‌ଷ୍ଟିଚ୍ୟୁଟ୍‌ ଅଫ୍‌ ଟେକ୍ନୋଲୋଜି(ଆଇଆଇଟି) କାନପୁର ପକ୍ଷରୁ ହୋଇଥିବା ଏକ ଅନୁସନ୍ଧାନ ଅନୁସାରେ, ମାନବୀୟ କାର୍ଯ୍ୟକଳାପ ଏବଂ ଜଳବାୟୁ ପରିବର୍ତ୍ତନ ଯୋଗୁ ଗଙ୍ଗା ନଦୀ ପ୍ରବାହର ଦିଗ ବଦଳୁଛି। ଆଗକୁ ଏହା ପ୍ରଳୟଙ୍କାରୀ ବନ୍ୟାକୁ ଡାକି ଆଣିବ ବୋଲି ସାଇଣ୍ଟିଫିକ୍‌ ରିପୋର୍ଟ ଜର୍ନାଲରେ ପ୍ରକାଶିତ ଏହି ଅଧ୍ୟୟନ ରିପୋର୍ଟରୁ ଜଣାପଡ଼ିଛି।
ବିନାଶକାରୀ ମାନବୀୟ କାର୍ଯ୍ୟକଳାପ ଯୋଗୁ ନଦୀ ଭଳି ପ୍ରାକୃତିକ ଉତ୍ସ କ୍ରମାଗତ ଭାବେ ପ୍ରଭାବିତ ହେବାରେ ଲାଗିଛି। ଏବେ ପ୍ରଦୂଷଣର ମାତ୍ରା ବୃଦ୍ଧି ସିଧାସଳଖ ଭାବେ ଗଙ୍ଗାନଦୀର ଗତି ପଥ ବଦଳାଇଦେଇଛି। ନଦୀରେ ବନ୍ଧ ନିର୍ମାଣ ମଧ୍ୟ ଏହାର ପ୍ରମୁଖ କାରଣ ପାଲଟିଛି। ଦେବପ୍ରୟାଗଠାରେ ଏକତ୍ରିତ ହୋଇ ଗଙ୍ଗା ସୃଷ୍ଟି କରିଥିବା ଭାଗୀରଥୀ ଏବଂ ଅଳକାନନ୍ଦା ନଦୀ ଉପରେ ମଧ୍ୟ ଅଧ୍ୟୟନ କେନ୍ଦ୍ରୀଭୂତ ହୋଇଛି ଏବଂ ମଣିଷ କାର୍ଯ୍ୟ ଯୋଗୁ ପର୍ବତାଞ୍ଚଳ କିପରି କ୍ଷତିଗ୍ରସ୍ତ ହୋଇଛି ତାହା ରିପୋର୍ଟରେ ଦର୍ଶାଯାଇଛି। ଗଙ୍ଗୋତ୍ରୀ ଗ୍ଲେସିୟରରୁ ବାହାରି ଥିବା ଭାଗୀରଥୀ ଏବଂ ସତୋପନ୍ଥ ଗ୍ଲେସିୟରରୁ ବାହାରିଥିବା ଅଳକାନନ୍ଦା ଦେବପ୍ରୟାଗଠାରେ ଗଙ୍ଗା ସହ ମିଶିଛନ୍ତି। ଗଙ୍ଗା ଉପରେ ଜଳବାୟୁ ପରିବର୍ତ୍ତନର ପ୍ରଭାବ ଜାଣିବା ପାଇଁ ଗବେଷକମାନେ ଋଷିକେଶ ପର୍ଯ୍ୟନ୍ତ ଉପର ଗଙ୍ଗା ବେସିନ୍‌କୁ ଅଧ୍ୟୟନ କରିଥିଲେ। ଏଥିରେ ଉଲ୍ଲେଖ କରାଯାଇଛି, ଭାଗୀରଥୀ ବେସିନ୍‌ରେ୪ଟି ଡ୍ୟାମ୍‌ ୨୦୧୦ ପୂର୍ବରୁ ଆରମ୍ଭ ହୋଇଥିବାବେଳେ ୨୦୧୫ ପରେ ଅଳକାନନ୍ଦା ବେସିନ୍‌ରେ ୨ଟି ଡ୍ୟାମ ହୋଇଥିଲା। ୧୯୯୫ରୁ ୨୦୦୫ ମଧ୍ୟରେ ଅଳକାନନ୍ଦା ବେସିନ୍‌ରେ ପାଣି ପ୍ରବାହ ଦୁଇଗୁଣା ହୋଇଛି। ପାଣି ପ୍ରବାହ ହାର ବୃଦ୍ଧି ବନ୍ୟା ଆଶଙ୍କାକୁ ଆହୁରି ବଢ଼ାଇଥିବା କୁହାଯାଇଛି। ଜଳବାୟୁ ପରିବର୍ତ୍ତନ ସହିତ ଅଳକାନନ୍ଦା ଅଞ୍ଚଳରେ ବନ୍ଧ ନିର୍ମାଣ ଜଳ ପ୍ରବାହର ଦିଗ ବଦଳାଇ ଦେଇଛି। ଅତ୍ୟାଧୁନିକ ଜ୍ଞାନକୌଶଳ ବ୍ୟବହାର କରାଯାଇ ନଦୀ ଗତିପଥ ଉପରେ ପଡ଼ୁଥିବା ପ୍ରଭାବକୁ ରୋକି ହୋଇପାରିବ ବୋଲି ଏଥିରେ ପରାମର୍ଶ ଦିଆଯାଇଛି। ଏଥିସହ ନଦୀଗୁଡ଼ିକରେ ମନୁଷ୍ୟ କାର୍ଯ୍ୟକଳାପ ବନ୍ଦ ନ ହେଲେ ଏହାର ସୁଦୂରପ୍ରସାରୀ ପରିଣାମ ଦେଖିବାକୁ ମିଳିବ ବୋଲି ରିପୋର୍ଟରେ ଚେତାବନୀ ଦିଆଯାଇଛି।


Enter your email to get our daily news in your inbox.

All Right Reserved By Dharitri.Com

ବିରୋଧି କେବଳ ଡରାଉଥିଲେ, ଦଙ୍ଗା କରୁଥିଲେ ଗୁଣ୍ଡାରାଜ ଚଳାଇଥିଲେ, ମୁରାଦାବାଦରେ ଗର୍ଜିଲେ ଶାହା

ମୁରାଦାବାଦ,୧୨।୪: ଲୋକ ସଭା ନିର୍ବାଚନ ୨୦୨୪ପାଇଁ ପ୍ରଥମ ପର୍ଯ୍ୟାୟ ମତଦାନ ପୂର୍ବରୁ କେନ୍ଦ୍ର ସ୍ବରାଷ୍ଟ୍ରମନ୍ତ୍ରୀ ଅମିତ ଶାହା ଶୁକ୍ରବାର ଉତ୍ତରପ୍ରଦେଶର ମୁରଦାବାଦରେ ଏକ ନିର୍ବାଚନ ରାଲିରେ...

କାରରୁ ମିଳିଲା ୨୨ ଲକ୍ଷ ଟଙ୍କା କେହି ନାହାନ୍ତି ଦାବିଦାର

ନୂଆଦିଲ୍ଲୀ,୧୨।୪: ଉତ୍ତରପ୍ରଦେଶ ପୋଲିସ ବ୍ୟାରିକେଡ ସ୍ଥାପନ କରି ଲଗାତାର ତଦନ୍ତ କରୁଛି। ଏହି ସମୟରେ ଦିଲ୍ଲୀର ନମ୍ବର ଥିବା ଏକ ଟାଟା ପଞ୍ଚ କାର ପହଞ୍ଚିଥିଲା।...

ହିମାଚଳକୁ ମାଡି ଆସୁଛି ବିପଦ

ଶିମଲା,୧୨।୪: ପୁଣିଥରେ ହିମାଚଳ ପ୍ରଦେଶକୁ ମାଡି ଆସୁଛି ବିପଦ। ଏଠାରେ ୩ ଦିନ ପାଇଁ ଅରେଞ୍ଜ ଆଲର୍ଟ ଜାରି କରାଯାଇଛି। ପାଣିପାଗ ବିଭାଗ ଅନୁମାନ କରିଛି...

ନିର୍ବାଚନ ଲଢିବା ପାଇଁ ନିଜ ଷ୍ଟାର୍ଟଅପ୍‌ କମ୍ପାନୀ ଛାଡିଦେଇଥିଲେ ରାହୁଲ ଗାନ୍ଧୀ!

ନୂଆଦିଲ୍ଲୀ,୧୨।୪: ନିର୍ବାଚନ ପାଖେଇ ଆସୁଥିବାବେଳେ ସବୁଦଳ ଏବେ ନିର୍ବାଚନୀ ପ୍ରଚାର ପାଇଁ ଅଣ୍ଟା ଭିଡିଲେଣି। ଗ୍ରାଉଣ୍ଡ ଲେଭଲରୁ ଦଳୀୟ କର୍ମୀଙ୍କ ଠାରୁ କୁଜି ନେତା ଯାଏଁ...

ବରୁଣଙ୍କ ଗଡରେ ଗର୍ଜିଲେ ଅଖିଳେଶ

ପିଲଭିତ,୧୨।୪: ସମାଜବାଦୀ ପାର୍ଟି (ଏସପି) ର ରାଷ୍ଟ୍ରୀୟ ସଭାପତି ତଥା ପୂର୍ବତନ ମୁଖ୍ୟମନ୍ତ୍ରୀ ଅଖିଳେଶ ଯାଦବ ଶୁକ୍ରବାର ପୁରାଣପୁରରେ ନିର୍ବାଚନ ରାଲିରେ ଯୋଗ ଦେଇ ଭାଜପା...

ଭାଜପା ରାଜରେ ୧ ଲକ୍ଷ କୃଷକ କରିଛନ୍ତି ଆତ୍ମହତ୍ୟା, ପ୍ରିୟଙ୍କା କହିଲେ କଂଗ୍ରେସ ସରକାର ଗଢିଲେ…

ନୂଆଦିଲ୍ଲୀ,୧୨।୪: କଂଗ୍ରେସର ସାଧାରଣ ସମ୍ପାଦକ ପ୍ରିୟଙ୍କା ଗାନ୍ଧୀ ଭଦ୍ରା କୃଷକ ପ୍ରସଙ୍ଗରେ ଭାଜପାକୁ ଟାର୍ଗେଟ କରିଛନ୍ତି। ଶୁକ୍ରବାର ପ୍ରିୟଙ୍କା କହିଛନ୍ତି ଯେ ଭାଜପା ନେତୃତ୍ୱାଧୀନ ଏନଡିଏ...

ସିସୋଡିଆଙ୍କୁ ପୁଣି ଲାଗିଲା ଝଟ୍‌କା

ନୂଆଦିଲ୍ଲୀ,୧୨।୪: ମନୀଷ ସିସୋଡିଆଙ୍କୁ କୋର୍ଟ ଏକ ବଡ ଝଟ୍‌କା ଦେଇଛନ୍ତି। ଦିଲ୍ଲୀର ପୂର୍ବତନ ଉପମୁଖ୍ୟମନ୍ତ୍ରୀ ମଧ୍ୟବର୍ତ୍ତୀକାଳୀନ ଜାମିନ ପାଇଁ ଆବେଦନ କରିଥିଲେ, ଯାହାର ଶୁଣାଣି ସ୍ଥଗିତ...

ଏତେ ବଡ଼ ନିମନ୍ତ୍ରଣ କାର୍ଡ, ଯାହାକୁ ନେବା ପାଇଁ ଆବଶ୍ୟକ ପଡ଼ିଲା ଟ୍ରକ୍‌, ଏଥିରେ ଲେଖାଅଛି ଏମିତି…

ପୁଣେ,୧୨ା୪: ବର୍ତ୍ତମାନ ବିବାହ ଋତୁ ସାଙ୍ଗକୁ ଲୋକ ସଭା ନିର୍ବାଚନର ପରିବେଶ ବେଶ୍‌ ପ୍ରାଧାନ୍ୟ ବିସ୍ତାର କରିଛି। ସବୁ ସ୍ଥାନରେ ନିର୍ବାଚନ ପ୍ରଚାର ଏବଂ ରାଲି...

Advertisement

ଧରିତ୍ରୀ କାର୍ଟୁନ

Archives
Model This Week

ପିଲାଙ୍କ ଧରିତ୍ରୀ

Why Dharitri