ଫୁଲବାଣୀ ଅଫିସ,୫।୬(ଡି.ଏନ୍.ଏ.): କନ୍ଧମାଳ ଜିଲା ଫୁଲବାଣୀ ସହର ଦିନକୁ ଦିନ ଅସ୍ବଚ୍ଛ ହେବାରେ ଲାଗିଛି ା ସହରର ଅନେକ ସ୍ଥାନ ଅଳିଆ ଆବର୍ଜନାରେ ଭର୍ତ୍ତି ହୋଇ ରହିଛି। ବ୍ଲକ ଓ ତହସିଲ କାର୍ଯ୍ୟାଳୟ ସମ୍ମୁଖକୁ ଦେଖିଲେ କେହି ବିଶ୍ୱାସ କରିପାରିବ ନାହିଁ। ପୌର ପରିଷଦ ଅଧିକାରୀଙ୍କଠାରୁ ଆରମ୍ କରି ବିଡିଓ, ତହସିଲଦାର ସବୁ ଦେଖୁଥିଲେ ହେଁ କ’ଣ ପାଇଁ ଚୁପ ବସିଛନ୍ତି ତାହା ପ୍ରଶ୍ନବାଚୀ ସୃଷ୍ଟି କରୁଛି। ବ୍ଲକ କାର୍ଯ୍ୟାଳୟ ସମ୍ମୁଖ ଏତେ ଅପରିସ୍କାର ଅପରିଚ୍ଛନ ହୋଇଛି ଯେ, ସେଠାରେ ଜଣେ ମୂହୂର୍ତ୍ତ ପାଇଁ ଠିଆ ହୋଇ ପାରିବ ନାହିଁ ା ଅନ୍ୟପଟେ ରାତିରେ ଲୋକେ ଏହା ରାସ୍ତା ପାଖ ଏବଂ ପଡିଥିବା ସିମେଣ୍ଟ ବେଞ୍ଚରେ ବସିବାକୁ ଯାଇ ହଟହଟା ହେଉଛନ୍ତି। ଗୋଡଠାରୁ ଆଣ୍ଠୁ ତଳକୁ ଡ୍ରେସ ଆବର୍ଜନା ପାଣିରେ ଭିଜି ଯାଉଛି ା କେହି କେହି ଅସାବଧାନ ବସଃତ ତଳେ ପଡି ଯାଉଛନ୍ତି। କେନ୍ଦ୍ର ଓ ରାଜ୍ୟରକାର ‘ସ୍ବଚ୍ଛ ଭାରତ ଅଭିଯାନ’କୁ ଗୁରୁତ୍ୱ ଦେଉଛନ୍ତି। ଫୁଲବାଣୀ ପୌର ପରିଷଦ ଏହି ସ୍ବଚ୍ଛ ଭାରତ ଅଭିଯାନର ବହୁ ଦୁରରେ । ଏଠାରେ ୭୦ ଜଣ ସଫେଇ କର୍ମଚାରୀ ଥିଲେ ମଧ୍ୟ ସଫେଇ କାର୍ଯ୍ୟ ଠିକ୍ ହେଉ ନ ଥିବା ଅଭିଯୋଗ ହେଇଛି। ଜିଲାର ଅଧିକାଂଶ କାର୍ଯ୍ୟାଳୟ ପାଖରେ କୁଢ କୁଢ ଆବର୍ଜନା ପଡ଼ି ରହିଛି। ଫୁଲବାଣୀ ବ୍ଲକ ଓ ତହସିଲ ମୁଖ୍ୟ ଗେଟ ସମ୍ମୁଖ ରାସ୍ତା ପାର୍ଶ୍ୱରେ ଥିବା ଡ୍ରେନ୍ ବହୁଦିନ ଧରି ପୋତି ହୋଇ ରହିଛି। ଫଳରେ ରାସ୍ତା ଉପର ପାଣି ନିଷ୍କାସନ ହୋଇ ନ ପାରି ଜମି ରହୁଛି। ଦିର୍ଘ ଦିନ ହେବ ଏହି ସ୍ଥାନକୁ ସଫେଇ କରାଯାଉନାହିଁ ା ଆଗକୁ ବର୍ଷା ଋତୁ ା ସଫେଇ କେବେ ହେବ ବୋଲି ସହରବାସୀ ପ୍ରଶ୍ନ କରିଛନ୍ତି। ଏ ନେଇ ପୌର ପରିଷଦ ଯନ୍ତ୍ରୀ ନୀଳକଣ୍ଠ ନାୟକଙ୍କୁ ପଚାରିବାରୁ ସେଠାରେ ଡ୍ରେନ ଅଛି କି ନାହିଁ ଜଣାପଡୁନି ା ପୂର୍ବରୁ ରାସ୍ତା ବେଳେ ଡ୍ରେନ୍ ପ୍ଲାନିଂ ପୂର୍ତ୍ତ ବିଭାଗ କରିଥିଲା। ତାଙ୍କ ଯନ୍ତ୍ରୀଙ୍କୁ ଏ ବିଷୟରେ ଜଣାଇ ଦିଆଯାଇଛି। ସେମାନେ ଆସି ଅନୁଧ୍ୟାନ କରିଛନ୍ତି ା ଶୀଘ୍ର କାର୍ଯ୍ୟ କରାଯିବ ବୋଲି କହିଛନ୍ତି।
