ମେଗାଷ୍ଟାର ଚିରଞ୍ଜୀବି ଏବଂ ରାମଚରଣଙ୍କ ଫିଲ୍ମ ‘ଆଚାର୍ଯ୍ୟ’ ଆସନ୍ତା ଏପ୍ରିଲ ୨୯ ତାରିଖରେ ପ୍ରେକ୍ଷାଳୟରେ ରିଲିଜ ହେବାକୁ ଯାଉଛି। ଏହା ସହିତ ମହେଶ ବାବୁଙ୍କ ଅଭିନୀତ ଫିଲ୍ମ ‘ସରକାରୁ ଭାରି ପଟ୍ଟା’ର ରିଲିଜ୍ ତାରିଖ ମେ ୧୨ ତାରିଖକୁ ଧାର୍ଯ୍ୟ କରାଯାଇଛି। ଏ ନେଇ ସମସ୍ତ ସିନେମାର ପ୍ରଯୋଜନା ସଂସ୍ଥା ପକ୍ଷରୁ ସୋସିଆଲ ମିିଡିଆରେ ଫିଲ୍ମର ପୋଷ୍ଟର ସହିତ ରିଲିଜ୍ ତାରିଖ ପୋଷ୍ଟ କରିଛନ୍ତି।
ଆଚାର୍ଯ୍ୟ ଫିଲ୍ମରେ ଚିରଞ୍ଜୀବିଙ୍କ ସହିତ ପୁଅ ରାମଚରଣ,ଅଭିନେତ୍ରୀ ପୂଜା ହେଗ୍ଡେ ଏବଂ କାଜଲ ଅଗ୍ରୱାଲ ମଧ୍ୟ ନଜର ଆସିବେ। ଫେବୃୟାରୀ ୪ ତାରିଖରେ ଫିଲ୍ମ ଆଚାର୍ଯ୍ୟ ରିିଲିଜ୍ ହେବାର ଥିଲା। ତେବେ କୋଭିଡ୍ ପାଇଁ ଏହାକୁ ସ୍ଥଗିତ ରଖାଯାଇଥିଲା। କିନ୍ତୁ ବର୍ତ୍ତମାନ କୋଭିଡ୍ ପରିସ୍ଥିତିରେ ସୁଧାର ଆସିବା ପରେ ଏହାକୁ ଏପ୍ରିଲ ୨୯ ତାରିଖରେ ରିଲିଜ୍ କରିବାକୁ ନିଷ୍ପତ୍ତି ନିଆଯାଇଛି।
