ସୋର,୨।୩(ଜନ୍ମେଜୟ ମିଶ୍ର): ଭଦ୍ରକ ଜିଲା ପ୍ରଶାସନ, ଏକ କାଳୀନ ୧୯ଟି ବେଆଇନ ବାଲି ଗାଡି ଜବତ କରିଛି। ଉପ ଜିଲାପାଳଙ୍କ ନିର୍ଦ୍ଦେଶରେ ଖଣି ଅଧିକାରୀ ଓ ସୋର ଅତିରିକ୍ତ ତହସିଲଦାର ସୋର ପୋଲିସ ରାତିଅଧିଆ ଚଢ଼ାଉ କରିଛି। ସୋର ଥାନା ୧୬ ନମ୍ବର ଜାତୀୟ ରାଜପଥ ସୋର କଲେଜ ଛକ ନିକଟ ଓଡିଶା ଢ଼ାବା ସମ୍ମୁଖରୁ ୧୯ଟି ହାଇୱା ବାଲିଗାଡି ଜବତ କରିଛି । ବାଲିଗାଡି ଗୁଡିକ ଭଦ୍ରକରୁ ବାଲେଶ୍ୱର ଅଭିମୁଖେ ଯାଉଥିବା ବେଳେ ବିଳମ୍ବିତ ରାତିରେ ଏହି ଚଢ଼ାଉ କରାଯାଇଛି। ସେମାନଙ୍କ ନିକଟରୁ ଫାଇନ ଆଦାୟ ପରେ ଗାଡି ଗୁଡିକୁ ଛଡାଯିବ ବୋଲି ସୂଚନା ମିଳିଛି । ଖଣି ବିଭାଗ ଗାଡ଼ି ଜବତ ପରେ ଡ୍ରାଇଭରମାନେ ଘଟଣାସ୍ଥଳରୁ ପଳାଇ ଯାଇଥିବାରୁ ଅଧିକାରୀ ଓ କର୍ମଚାରୀମାନେ ରାତି ତମାମ ଗାଡିକୁ ଜଗି ରହିଥିଲେ। ସକାଳ ହେବା ପରେ ଅନ୍ୟ ଡ୍ରାଇଭରମାନଙ୍କ ଦ୍ୱାରା ଗାଡିକୁ ଅଣାଯାଇଛି ।
