ସାଓ ପାଓଲୋ,୨୭।୫: ବ୍ରାଜିଲରେ ଭୟଙ୍କର ବନ୍ୟା ପରିସ୍ଥିତି ସୃଷ୍ଟି ହୋଇଛି। ଏପ୍ରିଲ ୨୯ରେ ରାଜ୍ୟରେ ପ୍ରବଳ ବନ୍ୟା ପରିସ୍ଥିତି ସୃଷ୍ଟି ହୋଇଥିଲା, ସେବେଠାରୁ ଅନେକ ଲୋକଙ୍କର ମୃତ୍ୟୁ ହୋଇଛି। ଦକ୍ଷିଣ ବ୍ରାଜିଲର ରିଓ ଗ୍ରାଣ୍ଡେ ଡୋ ସୁଲ ରାଜ୍ୟରେ ବର୍ଷା ଓ ବନ୍ୟାରେ ୧୬୯ଜଣଙ୍କର ମତ୍ୟୁ ଘଟିଛି। ସିଭିଲ ଡିଫେନ୍ସ ଏଜେନ୍ସି ଏହି ସୂଚନା ଦେଇଛନ୍ତି।
ଏହା ବ୍ୟତୀତ ଗତ ୨୪ଘଣ୍ଟା ମଧ୍ୟରେ ଆଉ ତିନୋଟି ମୃତଦେହ ଉଦ୍ଧାର ହୋଇଥିବାବେଳେ ୫୬ଜଣ ନିଖୋଜ ଅଛନ୍ତି। ଆଇଏନଏସର ସଦ୍ୟତମ ରିପୋର୍ଟ ଅନୁଯାୟୀ, ଏହା ରାଜ୍ୟରେ ଘଟିଥିବା ସବୁଠାରୁ ଭୟଙ୍କର ପ୍ରାକୃତିକ ବିପର୍ଯ୍ୟୟ। ଆପଣଙ୍କ ସୂଚନା ପାଇଁ, ବନ୍ୟା ଏବଂ ଜଳପୂର୍ଣ୍ଣ ନଦୀ ଯୋଗୁଁ ୨.୩ ନିୟୁତରୁ ଅଧିକ ବାସିନ୍ଦା ବିସ୍ଥାପିତ ହୋଇଛନ୍ତି।
ରାଜ୍ୟ ରାଜଧାନୀ ପୋର୍ଟୋ ଆଲେଗ୍ରେ ଏବଂ ୪୬୯ ଅନ୍ୟାନ୍ୟ ପୌରସଂସ୍ଥାର ଭିତ୍ତିଭୂମି ଖରାପ ହୋଇଯାଇଛି। ସେଗୁଡିକର ପୁନଃ ନିର୍ମାଣ ପାଇଁ ଅତିକମରେ ଏକ ବର୍ଷ ଲାଗିବ ବୋଲି କୁହାଯାଉଛି। ରିଓ ଗ୍ରାଣ୍ଡେ ଡୋ ସୁଲ ରାଜ୍ୟପାଳ ଏଡୁଆର୍ଡୋ ଲାଇଟ ଏହି ସୂଚନା ଦେଇଛନ୍ତି। କୁହାଯାଉଛି ଯେ ଏହି ସପ୍ତାହରେ ପୋର୍ଟୋ ଆଲେଗ୍ରେ ଏବଂ ରାଜ୍ୟର ଅନ୍ୟାନ୍ୟ ପ୍ରମୁଖ ସହରରେ ବର୍ଷା ହୋଇପାରେ। ଏହାକୁ ଦୃଷ୍ଟିରେ ରଖି ରାଜ୍ୟ ସରକାର ୪୮ଘଣ୍ଟା ପାଇଁ ସ୍କୁଲ ବନ୍ଦ ଘୋଷଣା କରିଛନ୍ତି।
