ସଜନାଗଡ,୧୩|୧୨(ଡି.ଏନ.ଏ.) ବାଲେଶ୍ୱର ଜିଲା ସେରଗଡ଼, ଭାୟା-ନୀଳଗିରି, ଉଦଳା, ମୟୂରଭଞ୍ଜ ଜିଲାକୁ ସଂଯୋଗ କରୁଥିବା ୧୯ନଂ. ରାଜ୍ୟ ରାଜପଥ ସଜନାଗଡ଼ ଦେଇ ଯାଇଥିବା ଘାଘରା ନଦୀ ଉପରେ ସେତୁ ନିର୍ମାଣ କାର୍ଯ୍ୟ ଆରମ୍ଭ ହୋଇଛି। ତେବେ ଠିକାଦାର ସେତୁର ଉଭୟ ପାର୍ଶ୍ୱରେ ସିମେଣ୍ଟ ଖୁଣ୍ଟ ପକାଇ ହମ୍ପସ୍ ତିଆରି କରିବାକୁ ନେଇ ସାଧାରଣରେ ଅସନ୍ତୋଷ ପ୍ରକାଶ ପାଇଛି। ଏହି ହମ୍ପସ୍ରେ ରବିବାର ୫ଟି ଦୁର୍ଘଟଣା ଘଟିଥିବା ବେଳେ ୨ଜଣ ଗୁରୁତର ହୋଇଥିବା ସୂଚନା ମିଳିଛି। ଅବ୍ୟବହୃତ ସିମେଣ୍ଟ ଖୁଣ୍ଟକୁ ଆଣି ରାସ୍ତା ମଝିରେ ପକାଇ ତା’ ଉପରେ ମାଟି ପକାଇ ହମ୍ପସ ତିଆରି କରାଯାଇଥିବାରୁ ଏଥିରେ ପିଟି ହୋଇ ବାଇକ୍ ଓ ସାଇକେଲ ଆରୋହୀ ଦୁର୍ଘଟଣାର ସମ୍ମୁଖୀନ ହେଉଛନ୍ତି। ହମ୍ପସ ଥିବା ସ୍ଥାନରେ କୌଣସି ସଙ୍କେତ ମଧ୍ୟ ଦିଆ ଯାଇନାହିଁ ା ଅଞ୍ଚଳବାସୀ ଏହାକୁ ତୀବ୍ର ବିରୋଧ କରିଛନ୍ତି।
