ଟିଭିରେ ନିଜ ମନପସନ୍ଦର କାର୍ଟୁନ ଦେଖିବାକୁ ଅନେକ ଶିଶୁ ଭଲପାଆନ୍ତି। କେବେ କେବେ କାର୍ଟୁନ କ୍ୟାରେକ୍ଟରକୁ ନକଲ କରନ୍ତି ତ ଆଉ କେବେ ଆକ୍ସନ ଜରିଆରେ ପରିବାର ଲୋକଙ୍କ ମନୋରଞ୍ଜନ କରନ୍ତି। ଏହି ନକଲ କରିବା ବେଳେବେଳେ ମାତାପିତାଙ୍କୁ ମହଙ୍ଗା ପଡ଼ିଥାଏ। ଏମିତି ଏକ ଭିଡିଓ ଏବେ ସୋସିଆଲ ମିଡିଆରେ ଭାଇରାଲ ହେଉଛି।
ଭାଇରାଲ ହୋଇଥିବା ଭିଡିଓରେ ଜଣେ ଶିଶୁ ଏକ କାର୍ଟୁନ କ୍ୟାରେକ୍ଟରଙ୍କୁ ନକଲ କରୁଥିବାର ନଜର ଆସିଛି। ମାତ୍ର ଶିଶୁଟି ଟିଭି ଦେଖୁଦେଖୁ ଏମିତି କିଛି କଲା ଯାହା ଦେଖି ସମସ୍ତେ ଆଶ୍ଚର୍ଯ୍ୟ ହୋଇଯାଇଛନ୍ତି। ଭିଡିଓଟି ଚାଇନାର। ଯେଉଁଥିରେ ଶିଶୁଟି ହଠାତ୍ କୌଣସି ଏକ ସୁପରହିରୋଙ୍କ ନକଲ କରୁଥିଲା। ଏହା ମଧ୍ୟରେ ପାଖରେ ପଡ଼ିଥିବା ଏକ ଜିନିଷ ଉଠାଇ ଟିଭି ଉପରକୁ ଫିଙ୍ଗିଦେଲା। ଫଳର ଟିଭିର ସ୍କ୍ରିନ୍ ଫାଟିଗଲା। ପ୍ରଥମେ ଶିଶୁଟି ଏକ ପ୍ଲାଷ୍ଟିକ୍ ଖେଳନା ଫିଙ୍ଗିଲା। ପରେ ଷ୍ଟୁଲ ଏବଂ ଆଉ କିଛି ଜିନିଷ ନେଇ ଗୋଟିଏ ପରେ ଗୋଟିଏ ଟିଭି ଉପରକୁ ଫିଙ୍ଗି ଚାଲିଲା।
ସୁପରହିରୋ ହେବା ଚକ୍କରରେ ଟିଭିକୁ ଭାଙ୍ଗିଦେଲା ଏହି ଶିଶୁ ଜଣକ। ଏସବୁ ପୂରା ଘଟଣା ଘରେ ଲାଗିଥିବା ସିସିଟିଭିରେ କଏଦ ହୋଇଛି। ସବୁଠୁ ମଜାଦାର କଥା ହେଲା ଭିଡିଓରେ ଶିଶୁଟି ଯେପରି ପ୍ଲାଷ୍ଟିକ୍ ସାମଗ୍ରୀ ଉଠାଇ ଟିଭି ଉପରକୁ ଫିଙ୍ଗୁଛି ତାହା କୌଣସି ସୁପରହିରୋଠାରୁ କମ୍ ନୁହେଁ।
