ପିଲା କମିଲେ, ଶିକ୍ଷକ ବଢ଼ିଲେ

ଯାଜପୁର ଅଫିସ,୧।୩: ରାଜ୍ୟର ସରକାରୀ ପ୍ରାଥମିକ ଓ ଉଚ୍ଚ ପ୍ରାଥମିକ ବିଦ୍ୟାଳୟରେ ଗତ ୫ ବର୍ଷ ମଧ୍ୟରେ ଛାତ୍ରୀଛାତ୍ରଙ୍କ ସଂଖ୍ୟା ୮ ଲକ୍ଷ ୭ ହଜାର କମିଛି। ଏଥିରୁ ସରକାରୀ ସ୍କୁଲ ପ୍ରତି ଆଗ୍ରହ କମିବା ଓ ଡ୍ରପ୍‌ଆଉଟ ଛାତ୍ରୀଛାତ୍ରଙ୍କ ସଂଖ୍ୟା ବୃଦ୍ଧି ମୁଖ୍ୟ କାରଣ ବୋଲି କୁହାଯାଇଛି। ଏହାସହ ଜଣେ ପିଲାଙ୍କ ନାମ ଏକାଧିକ ଥର ଦର୍ଶାଇ ଏମ୍‌ଡିଏମ୍‌ ଚାଉଳ ହଡ଼ପ ହେଉଥିବା ନେଇ ଯାଞ୍ଚ କଡ଼ାକଡ଼ି ହେବା ପରେ ସଂଖ୍ୟା ହ୍ରାସ ପାଉଥିବା ମତପ୍ରକାଶ ପାଇଛି। ଅନ୍ୟପକ୍ଷରେ ଉକ୍ତ ୫ ବର୍ଷରେ ଉଚ୍ଚ ପ୍ରାଥମିକ ବିଦ୍ୟାଳୟରେ କେଉଁ କାରଣରୁ ଶିକ୍ଷକ ସଂଖ୍ୟାା ବୃଦ୍ଧି ଘଟିଛି, ତାହା ସାଧାରଣରେ ପ୍ରଶ୍ନବାଚୀ ସୃଷ୍ଟି କରିଛି।
ସ୍କୁଲ ଓ ଗଣଶିକ୍ଷା ବିଭାଗରୁ ମିଳିଥିବା ତଥ୍ୟ ଅନୁସାରେ ୨୦୧୫-୧୬ରେ ୩୬,୭୬୦ ପ୍ରାଥମିକ ସ୍କୁଲରେ ୧୮,୯୪,୦୦୦ ଛାତ୍ରୀଛାତ୍ର ଅଧ୍ୟୟନ କରୁଥିଲେ। ୨୦୧୯-୨୦୨୦ରେ ୩୩,୬୦୩ ପ୍ରାଥମିକ ସ୍କୁଲରେ ୧୪,୭୮,୦୦୦ ଛାତ୍ରୀଛାତ୍ର ଅଧ୍ୟୟନ କରୁଛନ୍ତି। ଏହି ୫ ବର୍ଷ ମଧ୍ୟରେ ୪ ଲକ୍ଷ ୧୬ ହଜାର ଛାତ୍ରୀଛାତ୍ର ସଂଖ୍ୟା ହ୍ରାସ ପାଇଛି। ବିଦ୍ୟାଳୟ ମିଶ୍ରଣ ଯୋଜନାରେ ୩୧୫୭ ପ୍ରାଥମିକ ସ୍କୁଲ ବନ୍ଦ ହୋଇଥିବା ଜଣାପଡ଼ିଛି। ବନ୍ଦ ସ୍କୁଲଗୁଡ଼ିକରୁ ନିକଟସ୍ଥ ସ୍କୁଲକୁ ଛାତ୍ରୀଛାତ୍ର ନ ଯାଇ ଡ୍ରପ୍‌ଆଉଟ ହୋଇଥିବା ଏଥିରୁ ସନ୍ଦେହ କରାଯାଉଛି। ଗତ ୫ ବର୍ଷ ମଧ୍ୟରେ ପ୍ରାଥମିକ ସ୍କୁଲରେ ଛାତ୍ରୀଛାତ୍ର ସଂଖ୍ୟା ହ୍ରାସ ପାଉଛିି। ୨୦୧୫-୧୬ରେ ୧୮.୯୪ ଲକ୍ଷ, ୨୦୧୬-୧୭ରେ ୧୭.୮୯ ଲକ୍ଷ, ୨୦୧୭-୧୮ରେ ୧୬.୪୬ ଲକ୍ଷ, ୨୦୧୮-୧୯ରେ ୧୪.୭୭ ଲକ୍ଷ, ୨୦୧୯-୨୦ରେ ୧୪.୭୮ ଲକ୍ଷ ଛାତ୍ରୀଛାତ୍ର ଅଧ୍ୟୟନ କରିଛନ୍ତି। ସେହିପରି ଉଚ୍ଚ ପ୍ରାଥମିକ ବିଦ୍ୟାଳୟରେ ଗତ ୫ ବର୍ଷରେ ଛାତ୍ରୀଛାତ୍ରଙ୍କ ସଂଖ୍ୟା ୩.୯୧ ଲକ୍ଷ ହ୍ରାସ ପାଇଛି। ୨୦୧୫-୧୬ରେ ୨୨,୭୯୫ ଉଚ୍ଚ ପ୍ରାଥମିକ ବିଦ୍ୟାଳୟରେ ୩୧.୯୪ ଲକ୍ଷ ଛାତ୍ରୀଛାତ୍ର ଅଧ୍ୟୟନ କରୁଥିଲାବେଳେ ୨୦୧୯-୨୦ରେ ଉକ୍ତ ସଂଖ୍ୟା ୨୮,୭୫,୦୦୦କୁ ହ୍ରାସ ପାଇଛି।
ଅନ୍ୟପକ୍ଷରେ ୨୦୧୫-୧୬ରେ ୧ ଲକ୍ଷ ୩୧ ହଜାର ୩୨୦ ଶିକ୍ଷକ ନିୟୋଜିତ ରହିଥିଲାବେଳେ ୨୦୧୯-୨୦ ବର୍ଷରେ ତାହା ବୃଦ୍ଧି ପାଇ ୧ ଲକ୍ଷ ୩୭ ହଜାର ୧୫୭ରେ ପହଞ୍ଚିଛି। ଅର୍ଥାତ୍‌ ଏହି ୫ ବର୍ଷରେ ୫,୮୩୭ ଉଚ୍ଚ ପ୍ରାଥମିକ ସ୍କୁଲର ଶିକ୍ଷକ ସଂଖ୍ୟା ବୃଦ୍ଧି ଘଟିଛି।
ସରକାରୀ ସ୍କୁଲଗୁଡ଼ିକରେ ଶିକ୍ଷାଦାନ ବ୍ୟବସ୍ଥା ନିମ୍ନଗାମୀ ହେଉଥିବାରୁ ଛାତ୍ରୀଛାତ୍ର ସଂଖ୍ୟା ହ୍ରାସ ପାଉଥିବା ମତପ୍ରକାଶ ପାଇଛି। ଏ ସଂକ୍ରାନ୍ତରେ ଯାଜପୁର ଜିଲା ଶିକ୍ଷାଧିକାରୀ କୃଷ୍ଣଚନ୍ଦ୍ର ନାୟକଙ୍କୁ ପଚାରିବାରେ ସେ କହିଛନ୍ତି, ବିଭିନ୍ନ କାରଣରୁ ଛାତ୍ରୀଛାତ୍ର ସଂଖ୍ୟା ହ୍ରାସ ପାଉଛି। ତେବେ ଏଥିପାଇଁ ଶିକ୍ଷା ବିଭାଗ ପକ୍ଷରୁ ଆବଶ୍ୟକ ପଦକ୍ଷେପ ଗ୍ରହଣ କରାଯାଇ ସରକାରୀ ସ୍କୁଲରେ ନାମଲେଖା ପ୍ରକ୍ରିୟାକୁ ସୁଦୃଢ଼ କରାଯାଉଛି।


Enter your email to get our daily news in your inbox.

All Right Reserved By Dharitri.Com

ରିଟେନ୍ସନ ପୂର୍ବରୁ SRH ଫ୍ୟାନ୍‌ଙ୍କୁ ବଡ଼ ଝଟକା! IPL ୨୦୨୭ରୁ ବାଦ୍‌ ପଡ଼ିଲେ ଷ୍ଟାର୍‌ ଓପନର୍‌, ଜାଣନ୍ତୁ କାହିଁକି…

ନୂଆଦିଲ୍ଲୀ,୧୭।୧୧: IPL ୨୦୨୭ ପୂର୍ବରୁ ସନରାଇଜର୍ସ ହାଇଦ୍ରାବାଦ (SRH)କୁ ଲାଗିଛି ବଡ଼ ଝଟକା। ଦଳର ଷ୍ଟାର୍‌ ଓପନର୍‌ ଟ୍ରାଭିସ ହେଡ୍‌ ଆଗାମୀ ସିଜିନରେ ଖେଳିବେ ନାହିଁ। ବ୍ୟସ୍ତ…

ମୃତ୍ୟୁକୁ ଆମନ୍ତ୍ରଣ କରୁଛି ଖୋଲା ଟ୍ରାନ୍ସଫର୍ମର, ତେଜୁଛି ଜନଅସନ୍ତୋଷ

କର୍ଲାମୁଣ୍ଡା:୧୭।୧୧(ସୁଶାନ୍ତ ମଲ୍ଲିକ): କଳାହାଣ୍ଡି ଜିଲା କର୍ଲାମୁଣ୍ଡା ବ୍ଲକ ଅଧୀନ ଗଜବାହାଲ ପଞ୍ଚାୟତ ଅବୁଜବାହାଲ ଗାଁ ବସ୍ତିକୁ ସଂଯୋଗ କରୁଥିବା ମୁଖ୍ୟ ରାସ୍ତାରେ ଏକ ବିଦ୍ୟୁତ୍‌ ଟ୍ରାନ୍ସଫର୍ମର ବିନା…

ବରଗଡ଼ରେ କିଷାନ୍ ମହାପଞ୍ଚାୟତ: ରାଲିରେ ସାମିଲ ହେଲେ ରାଷ୍ଟ୍ରୀୟ କୃଷକ ନେତା

ବରଗଡ଼,୧୭।୧୧(ପ୍ରେମାନନ୍ଦ ଖମାରୀ):କୃଷକଙ୍କ ହକ୍, ଅଧିକାର ପାଇଁ ମଙ୍ଗଳବାର ବରଗଡ଼ ସହରରେ କିଷାନ୍ ମହାପଞ୍ଚାୟତ ଆୟୋଜିତ ହୋଇଛି। ଏଥିରେ ଅନେକ ରାଷ୍ଟ୍ରୀୟ କୃଷକ ନେତାଙ୍କ ସମେତ ହଜାର ହଜାର…

‘ଆଜି ବିଶ୍ୱକୁ ଅଧିକ ଶାନ୍ତି, ସ୍ଥିରତା ଏବଂ ନିଶ୍ଚିତତାର ଆବଶ୍ୟକତା ରହିଛି,’ ୨୩ତମ ଆସିଆନ-ଭାରତ ଶିଖର ସମ୍ମିଳନୀରେ ମୋଦି

ମନିଲା,୧୭।୧୧: ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ୨୩ତମ ଆସିଆନ-ଭାରତ ଶିଖର ସମ୍ମିଳନୀରେ ଅଂଶଗ୍ରହଣ କରୁଛନ୍ତି। ମଙ୍ଗଳବାର (ନଭେମ୍ବର ୧୭) ସମ୍ମିଳନୀର ଆରମ୍ଭରେ ସେ କହିଲେ ଯେ ଆମ ପାଖରେ…

ଇକୋ ରିଟ୍ରିଟ ବୁଲିଲେ କନ୍ଧମାଳ ସାଂସଦ: ଶୁଣିଲେ ଲୋକଙ୍କ ଅଭିଯୋଗ, ଦେଲେ ବଡ଼ ପ୍ରତିଶ୍ରୁତି

ଦାରିଙ୍ଗବାଡ଼ି, ୧୭।୧୧ (ଅରୁଣ ସାହୁ): ଓଡ଼ିଶାର କଶ୍ମୀର ଭାବେ ପରିଚିତ ଦାରିଙ୍ଗବାଡ଼ିର ପର୍ଯ୍ୟଟନ ଭିତ୍ତିଭୂମି ଓ ବିକାଶ ସମ୍ଭାବନାକୁ ନେଇ ଆଲୋଚନା କରିଛନ୍ତି କନ୍ଧମାଳ ସାଂସଦ ସୁକାନ୍ତ…

୫୮ ବର୍ଷ, ୨୫ ଟେଷ୍ଟ, ମାତ୍ର ୫ଟି ବିଜୟ, ନ୍ୟୁଜିଲ୍ୟାଣ୍ଡରେ ଭାରତୀୟ ଦଳର ରେକର୍ଡ ଅତ୍ୟନ୍ତ ନୈରାଶ୍ୟଜନକ

ନୂଆଦିଲ୍ଲୀ,୧୭।୧୧: T20 ସିରିଜରେ ଚମତ୍କାର ପ୍ରଦର୍ଶନ ପରେ, ଭାରତୀୟ ଦଳ ODI ସିରିଜରେ ମଧ୍ୟ ନିଜର ଦମଦାର ଫର୍ମ ବଜାୟ ରଖି ୩-୧ରେ ସିରିଜ ଜିତିନେଇଛି। ତେବେ,…

IPL ୨୦୨୭ରେ ମହମ୍ମଦ ସାମିଙ୍କୁ ମିଳିପାରେ ନୂଆ ଟିମ; ଏହି ଫ୍ରାଞ୍ଚାଇଜ ସହ ଚାଲିଛି ଆଲୋଚନା

ନୂଆଦିଲ୍ଲୀ,୧୭।୧୧: ମହମ୍ମଦ ସାମି, ଯିଏ ନିକଟରେ ଟେଷ୍ଟ କ୍ରିକେଟରୁ ବିଦାୟ ନେଇଛନ୍ତି, ସେ ଘରୋଇ କ୍ରିକେଟରେ କ୍ରମାଗତ ଭାବେ ଭଲ ପ୍ରଦର୍ଶନ କରିଆସୁଛନ୍ତି। ଆଇପିଏଲ (IPL) ରେ…

ଭଞ୍ଜନଗର ପ୍ରଶାସନ ତତ୍ପର: ପାହାଡ଼-ନଦୀକୂଳରେ ରହିବେନି ଲୋକେ

ଭଞ୍ଜନଗର, ୧୭।୧୧ (ବାବୁଲା ପ୍ରଧାନ):ବାତ୍ୟା ଅର୍ଣ୍ଣବ ଗଞ୍ଜାମ ଜିଲାବାସୀଙ୍କ ଆର୍ଥିକ ମେରୁଦଣ୍ଡକୁ ଦୋହଲାଇ ଦେଇଛି। ଏହି ବାତ୍ୟାଜନିତ ବନ୍ୟାର ୨୦ ଦିନ ନ ପୂରୁଣୁ ଆଉ ଏକ…

Advertisement

ଧରିତ୍ରୀ କାର୍ଟୁନ

Archives

 

Dharitri-Rashifala


ଛୁଟିଦିନ
ପିଲାଙ୍କ ଧରିତ୍ରୀ
Trending
Let's Pledge For A 'Plastic Free' Odisha Join The Movement Of 'Plastic Free' Odisha

Akash Das Nayak, supports a Plastic Free Odisha. Do you?