ଭଦ୍ରକ,୧।୧୨(ସନାତନ ରାଉତ)- ଭଦ୍ରକ୧୬ ନଂ ଜାତୀୟ ରାଜପଥ ଗେଲପୁର ଛକ ନିକଟରେ ସଡ଼କ ଦୁର୍ଘଟଣାରେ ଜଣକର ମୃତ୍ୟୁ ଘଟିଥିବା ବେଳେ ୪ ଗୁରୁତର ହୋଇଛନ୍ତି l ସୂଚନା ମୁତାବକ, ଭଦ୍ରକ ପୁରୁଣାବଜାରରୁ ଏକ କାର ଯୋଗେ ୫ ଜଣ ଧାମନଗର ଦୋବଲ ଅଭିମୁଖେ ଯାଉଥିଲେ। ଭଦ୍ରକ ଗ୍ରାମାଞ୍ଚଳ ଥାନା ଅଧୀନ ୧୬ ନମ୍ବର ଜାତୀୟ ରାଜପଥ ଗେଲପୁର ଛକ ନିକଟରେ ରାସ୍ତାକ ଠିଆ ହୋଇଥିବା ଟ୍ରକ୍କୁ କାରଟି ଧକ୍କା ଦେଇଥିଲା। କାରରେ ଥିବା ରିଆଜ ଖାଁ, ଏସ କେ କଲ୍ଲୁ, ଏସ କେ ସୋନି, ସେକ ମଣ୍ଟୁଙ୍କ ସମେତ ଗୁରୁତର ଆହତ ହୋଇଥିଲେ। ସମସ୍ତ ଆହତଙ୍କୁ ଭଦ୍ରକ ମୁଖ୍ୟ ଚିକିତ୍ସାଳୟରେ ଭର୍ତ୍ତି କରାଯାଇଥିଲା l ସେମାନଙ୍କ ମଧ୍ୟରୁ ୪ ଗୁରୁତରଙ୍କୁ କଟକ ସ୍ଥାନାନ୍ତର ବେଳେ ରାସ୍ତାରେ ଏସ କେ କଲ୍ଲୁଙ୍କ ମୃତ୍ୟୁ ଘଟିଥିଲା l
