ସଙ୍କଟରେ ବଜେଟ ହୋଟେଲ ଶିଳ୍ପ: ନିଯୁକ୍ତି ହରାଇଲେଣି ୨୦ ହଜାର କର୍ମଚାରୀ

ଭୁବନେଶ୍ୱର,୨୭।୭(ବ୍ୟୁରୋ): କରୋନା ଓ ଲକ୍‌ଡାଉନ୍‌ ପାଇଁ ଟ୍ରାଭେଲ ଓ ହସ୍ପିଟାଲିଟି ଶିଳ୍ପ ବିଶେଷଭାବେ କ୍ଷତିଗସ୍ତ ହୋଇଛି। ୩ମାସରୁ ଊର୍ଦ୍ଧ୍ୱ ସମୟ ଧରି ଏହି ଶିଳ୍ପରେ ତାଲା ଝୁଲୁଥିବାବେଳେ ଗତ ପ୍ରାୟ ମାସେ ହେବ ରାଜ୍ୟ ସରକାର ୩୦% ଅକୁପାନ୍ସିରେ ହୋଟେଲ ଖୋଲିବାକୁ ଅନୁମତି ଦେଇଛନ୍ତି। ତେବେ ଏହାପରେ ମଧ୍ୟ ହୋଟେଲ ଶିଳ୍ପ ସଙ୍କଟ ମଧ୍ୟଦେଇ ଗତିକରୁଛି। ବିଶେଷକରି ରାଜ୍ୟରେ ଥିବା ବଜେଟ ହୋଟେଲ ଏବଂ ଗେଷ୍ଟ୍‌ ହାଉସ୍‌ଗୁଡ଼ିକ କରୋନା ପାଇଁ ସର୍ବାଧିକ କ୍ଷତିଗ୍ରସ୍ତ ହୋଇଛନ୍ତି। ମାଲିକମାନେ କୋଟି କୋଟି ଟଙ୍କାର କ୍ଷତି ସହିଥିବାବେଳେ ୨୦ ହଜାରରୁ ଊର୍ଦ୍ଧ୍ୱ କର୍ମଚାରୀ ନିଯୁକ୍ତି ହରାଇଛନ୍ତି। କେବଳ ଭୁବନେଶ୍ୱରରୁ ୫ ହଜାର କର୍ମଚାରୀ ଛଟେଇ ହୋଇଥିବା ରାଜ୍ୟ ବଜେଟ ହୋଟେଲ ଆଣ୍ଡ୍‌ ଗେଷ୍ଟ୍‌ହାଉସ୍‌ ଓନର୍ସ ଆସୋସିଏଶନ ତଥ୍ୟରୁ ଜଣାପଡିଛି।
ଆସୋସିଏଶନ କହିଛି ଯେ, ରାଜ୍ୟ ସରକାର ହୋଟେଲ ଖୋଲିବା ପାଇଁ ଯେଉଁ ଗାଇଡ୍‌ଲାଇନ୍‌ ଜାରି କରିଛନ୍ତି ତାହା କେବଳ ତାରକା ହୋଟେଲ ପାଇଁ ଉପଯୁକ୍ତ। ବଡ଼ ବଡ଼ ହୋଟେଲଗୁଡ଼ିକରେ ଅଧିକ ସଂଖ୍ୟକ ରୁମ୍‌ ଥିବାରୁ ୩୦% ଖୋଲିବା ଦ୍ୱାରା ସେମାନେ କ୍ଷତି ସହିବେ ନାହିଁ। ମାତ୍ର ବଜେଟ୍‌ ହୋଟେଲଗୁଡ଼ିକ ୧୦ରୁ ୨୦ଟି ରୁମ୍‌ ଥିବା ଛୋଟ ଛୋଟ ୟୁନିଟ୍‌ ହୋଇଥିବାରୁ ୩୦% ଅନୁସାରେ ଖୋଲିଲେ ମାତ୍ର ୨ରୁ ୪ଟି ରୁମ୍‌କୁ ନେଇ ବ୍ୟବସାୟ କରିବା ସମ୍ଭବ ନୁହେଁ। ମିଳୁଥିବା ଅର୍ଥରେ ଘରଭଡ଼ା ମଧ୍ୟ ଦେଇହେଉ ନାହିଁ। ତେଣୁ ୩୦%ରେ ଖୋଲିବା ଅପେକ୍ଷା ସମ୍ପୂର୍ଣ୍ଣ ବନ୍ଦ ରଖିବାକୁ ଅଧିକାଂଶ ହୋଟେଲ ମାଲିକ ଉଚିତ ମଣୁଛନ୍ତି। ବାଧ୍ୟହୋଇ କର୍ମଚାରୀଙ୍କୁ ଛଟେଇ କରୁଛନ୍ତି। ଓଡ଼ିଶାରେ ଏବେ ପଞ୍ଜୀକୃତ ପ୍ରାୟ ୫ ହଜାର ବଜେଟ ହୋଟେଲ ଥିବାବେଳେ ଅଣପଞ୍ଜୀକୃତକୁ ମିଶାଇଲେ ୭୫୦୦ ହୋଟେଲ ଓ ଗେଷ୍ଟ୍‌ହାଉସ୍‌ ରହିଛି। ଏଥିରୁ ଲକ୍ଷାଧିକ ଲୋକ ରୋଜଗାର ପାଉଥିଲେ। ବିଶେଷକରି ପଛୁଆ ତଥା ଆଭ୍ୟନ୍ତରୀଣ ଅଞ୍ଚଳର ବହୁ ଗରିବ ପିଲା ଏହି ରୋଜଗାରରେ ନିଜ ସହ ପରିବାର ଚଳାଉଥିଲେ। ମାତ୍ର ଲକ୍‌ଡାଉନ୍‌ ଯୋଗୁ ଏହି ପିଲାମାନେ ଏବେ ବେରୋଜଗାର ହୋଇ ଘରେ ବସିଛନ୍ତି।
ଆସୋସିଏଶନ ସଭାପତି ମନୋଜ କୁମାର ବିଶ୍ୱାଳ କହିଛନ୍ତି, ବଜେଟ ହୋଟେଲଗୁଡ଼ିକ ସାଧାରଣତଃ ଲିଜ୍‌ ବିଲ୍ଡିଂରେ ଚାଲିଥାଏ। ଆମ ବ୍ୟବସାୟ ବନ୍ଦ ଥିଲେ ମଧ୍ୟ ଘରମାଲିକମାନେ ଭଡ଼ା କାଟୁନାହାନ୍ତି। ଏପଟେ କୋଭିଡ୍‌ ଗାଇଡ୍‌ଲାଇନ୍‌ ଅନୁକରଣ କରି ଯଦି ଆମେ ହୋଟେଲ ଚଲାଉଛୁ ତା’ହେଲେ ସାନିଟେଶନ ଖର୍ଚ୍ଚ ସହ ଅନ୍ୟାନ୍ୟ ଖର୍ଚ୍ଚ ବଳିଯାଉଛି। ସେହିଭଳି ବାରମ୍ବାର ଦୌଡ଼ିଲେ ବି ବିଏମ୍‌ସି ଟ୍ରେଡ୍‌ ଲାଇସେନ୍ସ ଦେଉନି। କର୍ମଚାରୀ ନାହାନ୍ତି କହି ଆମକୁ ଭୁଆଁ ବୁଲାଉଛନ୍ତି। ଏନେଇ ଆମେ ରାଜ୍ୟ ପର୍ଯ୍ୟଟନ ମନ୍ତ୍ରୀ ଓ ନିର୍ଦ୍ଦେଶକଙ୍କୁ ଭେଟି ଅଭିଯୋଗ କରିଥିଲେ ବି ଏପର୍ଯ୍ୟନ୍ତ କୌଣସି ପଦକ୍ଷେପ ନିଆଯାଇନି। ବଜେଟ ହୋଟେଲଗୁଡ଼ିକୁ ସମ୍ପୂର୍ଣ୍ଣଭାବେ ଖୋଲିବାକୁ ସରକାର ଅନୁମତି ଦିଅନ୍ତୁ। ଘରଭଡ଼ା କିଛି ସମୟ ପାଇଁ ନ ମାଗିବାକୁ ଘରମାଲିକଙ୍କୁ କୁହାଯାଉ। ନଚେତ୍‌ ଏଭଳି ପରିସ୍ଥିତି ଲାଗିରହିଲେ ଆହୁରି ଅଧିକ କର୍ମନିଯୁକ୍ତି ପ୍ରଭାବିତ ହେବ ବୋଲି ବିଶ୍ୱାଳ କହିଛନ୍ତି।


Enter your email to get our daily news in your inbox.

All Right Reserved By Dharitri.Com

ଉଚ୍ଛେଦ ନ କରି ପଟ୍ଟା ଦେବାକୁ ଦାବି

ଫୁଲବାଣୀ ଅଫିସ, ୬ା୧୨- ଖଜୁରିପଡା ବ୍ଲକ ପାଖ ସୁରାଦେଇ ଗ୍ରାମରେ ସରକାରୀ ଜାଗା ଜବରଦଖଲ କରିଥିବା ୮୫ ପରିବାରକୁ ଉଚ୍ଛେଦ କରାଯିବ। ତେଣୁ ଜାଗା ଛାଡି...

ବଢ଼ୁନି ଏସ୍କାଲେଶନ ଫି’: ଅଡୁଆରେ ଠିକା ସଂସ୍ଥା

ଭୁବନେଶ୍ୱର,୧୯।୩ (ବ୍ୟୁରୋ): ଭୁବନେଶ୍ୱର ମହାନଗର ନିଗମ (ବିଏମ୍‌ସି) ୨୦୧୩-୧୪ରେ ସଫେଇ କର୍ମଚାରୀଙ୍କ ମଜୁରି ୧୫୦ ଟଙ୍କା ଧାର୍ଯ୍ୟ କରିଥିଲା। ଇତିମଧ୍ୟରେ ୬ବର୍ଷ ବିତିଥିଲେ ମଧ୍ୟ ତାହା...

ସ୍ବତନ୍ତ୍ର ପରୀକ୍ଷାର୍ଥୀଙ୍କୁ ମିଳିବ ଯୁକ୍ତ ୩ ନାମଲେଖା ସୁଯୋଗ

ଭୁବନେଶ୍ୱର, ୪।୯(ବ୍ୟୁରୋ): ଉଚ୍ଚ ମାଧ୍ୟମିକ ଶିକ୍ଷା ପରିଷଦ ଦ୍ୱାରା ପରିଚାଳିତ ଯୁକ୍ତ୨ ସ୍ବତନ୍ତ୍ର ପରୀକ୍ଷା ଦେଉଥିବା ଛାତ୍ରୀଛାତ୍ରଙ୍କ ପାଇଁ ଯୁକ୍ତ ୩ ନାମଲେଖା ନିମନ୍ତେ ଆଉ...

୪ ଦିନ ହେଲା ପାନୀୟଜଳ ଯୋଗାଣ ବନ୍ଦ

କେନ୍ଦୁଝର, ୨୮ା୧୨(ସ୍ବ.ପ୍ର.) କେନ୍ଦୁଝର ସହରର ବିଭିନ୍ନ ଅଞ୍ଚଳକୁ ୪ ଦିନ ହେଲା ପାନୀୟ ଜଳ ଯୋଗାଣ ବନ୍ଦ ରହିଥିବାରୁ ସାହିବାସୀ ନାହିଁ ନ ଥିବା ଅସୁବିଧାର...

କେନ୍ଦ୍ରାପଡ଼ା ଅର୍ବାନ ବ୍ୟାଙ୍କରେ ଅନିୟମିତତା: ନିର୍ଦ୍ଦେଶ ଦେଲେ ରେଜିଷ୍ଟ୍ରାର

କେନ୍ଦ୍ରାପଡା ଅଫିସ, ୨୧।୯: କେନ୍ଦ୍ରାପଡା ଅର୍ବାନ ବ୍ୟାଙ୍କର ନିଯୁକ୍ତି ଓ ମୁଖ୍ୟ କାର୍ଯ୍ୟ ନିର୍ବାହୀଙ୍କ କାର୍ଯ୍ୟରେ ଅନିୟମିତତା ଦର୍ଶାଇ ସଭ୍ୟ ସ୍ମୃତିରଞ୍ଜନ ବେହେରା ଗତ ୭...

ଆପଣ-ଶାଶୁ ଯେମିତି ଭଲରେ ଅଛନ୍ତି, ଆମକୁ ସେମିତି ରହିବାକୁ ଦିଅନ୍ତୁ: ତପସ୍ବିନୀ

ବ୍ରହ୍ମପୁର ଅଫିସ,୪।୧: ଯାହା ଚାହୁଁଥିଲେ ତାହା ହିଁ ହେଲା। ଦୀର୍ଘ ୪୪ ଦିନ ଧାରଣାରେ ବସିବା ପରେ ଛତ୍ରପୁର କୋର୍ଟଙ୍କ ରାୟ ତପସ୍ବିନୀ ଦାଶଙ୍କ ସପକ୍ଷରେ...

ରାଜ୍ୟ ମୁଖ୍ୟ ସୂଚନା କମିଶନର ହେଲେ ଜଳଦ ତ୍ରିପାଠୀ

ଭୁବନେଶ୍ୱର,୨୩।୯(ବ୍ୟୁରୋ): ତାମିଲନାଡ଼ୁ ପୂର୍ବତନ ପୋଲିସ ଡିଜି ତଥା ୧୯୮୫ ବ୍ୟାଚ୍‌ର ଅବସରପ୍ରାପ୍ତ ଆଇପିଏଲ୍‌ ଜଳଦ କୁମାର ତ୍ରିପାଠୀଙ୍କୁ ଓଡ଼ିଶାର ପରବର୍ତ୍ତୀ ମୁଖ୍ୟ ସୂଚନା କମିଶନର ଭାବେ...

ବର୍ଷା ଛାଡ଼ିଲା, ବଢ଼ିବ ଥଣ୍ଡା; ୩ ଦିନ ପ୍ରବଳ କୁହୁଡ଼ି ସମ୍ଭାବନା

ଭୁବନେଶ୍ୱର,୫।୧(ବ୍ୟୁରୋ)-ଗତ ଦୁଇଦିନ ହେବ ରାଜ୍ୟର ବିଭିନ୍ନ ସ୍ଥାନରେ ଝିପି ଝିପି ବର୍ଷା ସାଙ୍ଗକୁ କୋହଲା ପାଗ ଥଣ୍ଡା ପରିବେଶ ସୃଷ୍ଟି କରିଛି । ବର୍ଷା ଛାଡିଯାଇଥିଲେ...

Advertisement


Archives

Model This Week