ହାଇଦ୍ରାବାଦ,୧୧।୧୧: ତେଲେଙ୍ଗାନାର ହାଇଦ୍ରାବାଦରେ ଏକ ଅଭାବନୀୟ ଘଟଣା ଘଟିଛି। ଏଠାରେ ଜଣେ ଯୁବକ ବିବାହ ପାଇଁ ରାଜି ନ ହେବାରୁ ପ୍ରେମିକାଙ୍କୁ ଛୁରି ଭୁସି ହତ୍ୟା ଉଦ୍ୟମ କରିଛନ୍ତି। ଯୁବକ ଜଣଙ୍କ ଏତେ ରାଗି ଥିଲେ ଯେ, ପ୍ରେମିକାଙ୍କୁ ୧୮ଥର ଛୁରି ଭୁସି ଥିଲେ।
ପୋଲିସ ସୂତ୍ର ଅନୁଯାୟୀ, ଏକ ଘରୋଇ କମ୍ପାନୀରେ କାର୍ଯ୍ୟ କରୁଥିବା ୨୩ ବର୍ଷୀୟ ଯୁବକ ଏବଂ ଜଣେ ଯୁବତୀ ପରସ୍ପରକୁ ପ୍ରେମ କରି ବସିଥିଲେ। ଉଭୟ ବିକାରବାଦ ଜିଲାର ଦୌଲତାବାଦର ବାସିନ୍ଦା। ପ୍ରାୟ ତିନିମାସ ପୂର୍ବରୁ, ସମ୍ପୃକ୍ତ ଯୁବତୀଙ୍କ ଅନ୍ୟ ପୁରୁଷଙ୍କ ସହ ନିର୍ବନ୍ଧ ଶେଷ ହୋଇଥିଲା। ଏହାପୂର୍ବରୁ ଯୁବତୀଜଣଙ୍କ ନିଜ ପ୍ରେମିକଙ୍କ ବିବାହ ପ୍ରସ୍ତାବକୁ ପ୍ରତ୍ୟାଖ୍ୟାନ କରିଥିଲେ। ଏଥିରେ ରାଗିଯାଇ ଯୁବକ ଜଣଙ୍କ ତାଙ୍କ ପ୍ରେମିକାଙ୍କୁ ଛୁରି ଭୁସି ହତ୍ୟା କରିଥିଲେ। ଏଥିରେ ଯୁବତୀ ଜଣଙ୍କ ଗୁରୁତର ଆହତ ହୋଇଛି। ତାଙ୍କୁ ଚିକିତ୍ସା ପାଇଁ ଡାକ୍ତରଖାନାରେ ଭର୍ତ୍ତି କରାଯାଇଛି। ଏଥିସହ ଅଭିଯୁକ୍ତଙ୍କ ବିରୋଧରେ ମାମଲା ରୁଜୁ କରାଯାଇ କରାଯାଇଛି।
