Advertisement

ଜରାଜୀର୍ଣ୍ଣ ଯାତ୍ରୀ ନିବାସ, ଅସୁରକ୍ଷିତ ଅତିଥି

ଭୁବନେଶ୍ୱର,୧୫।୧୧(ବ୍ୟୁରୋ):ଭୁବନେଶ୍ୱର ମହାନଗର ନିଗମ(ବିଏମସି) ଦ୍ୱାରା ପରିଚାଳିତ ସ୍ଥାନୀୟ କଟକ ରୋଡ଼ସ୍ଥିତ ଯାତ୍ରୀ ନିବାସ ଏବେ ଜରାଜୀର୍ଣ୍ଣ ଅବସ୍ଥାରେ। କେଉଁଠି ଛାତରୁ ସିଲିଂ ଖସି ରଡ୍‌ ଦେଖାଯାଉଛି ତ ଆଉ କେଉଁଠି ଖଣ୍ଡଖଣ୍ଡ ପଲସ୍ତରା ବିପଦପୂର୍ଣ୍ଣ ଭାବେ ଝୁଲି ରହିଛି। କେଉଁ କୋଠରୀର କବାଟ, ଝରକା ନାହିଁ ତ ଆଉ କେଉଁଟା ମାଲ୍‌ଖାନା ଭଳି ଦୃଶ୍ୟମାନ ହେଉଛି। କାନ୍ଥ ଓ ଛାତ ଫାଟି ଆଁ ମେଲିଥିବାବେଳେ କୋଠାର ବିଭିନ୍ନ ସ୍ଥାନରେ ଗଛ ଉଠି ବଢ଼ିବାକୁ ଲାଗିଛି। ଫଳରେ ଅସୁରକ୍ଷିତ ଅବସ୍ଥାରେ ଅତିଥି ରହୁଥିଲେ ମଧ୍ୟ ଆବଶ୍ୟକ ମରାମତି ନ କରି ଦଦରା ଭିତ୍ତିଭୂମିରେ ବିଏମ୍‌ସିକୁ ରୋଜଗାର ନିଶା ଘାରିଛି। ସହରର ପ୍ରମୁଖ ସ୍ଥାନରେ ଥିବା ଏହି ଯାତ୍ରୀ ନିବାସରେ ରାଜ୍ୟ ତଥା ବାହାରୁ ଆସୁଥିବା ପର୍ଯ୍ୟଟକ ଆଶ୍ରୟ ନେଇଥା’ନ୍ତି। ବିଶେଷକରି ପ୍ରଦର୍ଶନୀ ପଡ଼ିଆରେ ବିଭିନ୍ନ ମେଳା ଓ ପ୍ରଦର୍ଶନୀ ଆୟୋଜିତ ହେଲେ ଏଠାରେ ଯାତ୍ରୀଙ୍କ ସଂଖ୍ୟା ବଢ଼ିଥାଏ। ଅନ୍ୟ ହୋଟେଲ ଓ ଲଜ୍‌ ତୁଳନାରେ କମ୍‌ ଭଡ଼ା ସହ ଅଧିକ ସୁବିଧା ଆଶାରେ ଲୋକେ ଏଠାରେ ରହିବାକୁ ଆଗ୍ରହ ପ୍ରକାଶ କରିଥାନ୍ତି। ମାତ୍ର ଇତିମଧ୍ୟରେ ବିଏମ୍‌ସି ଯାତ୍ରୀ ଭଡ଼ା ବଢ଼ାଇଥିଲେ ମଧ୍ୟ ସେଭଳି ସେବା ପ୍ରଦାନ କରୁ ନ ଥିବା ଅଭିଯୋଗ ହେଉଛି। ବିଏମ୍‌ସି ନିର୍ଦ୍ଧାରିତ ଦେୟ ନେଉଥିଲେ ମଧ୍ୟ ଆବଶ୍ୟକ ସୁବିଧା ଯୋଗାଇ ଦେଉ ନ ଥିବାରୁ ପର୍ଯ୍ୟଟକ ବା ଯାତ୍ରୀମାନେ ଅସନ୍ତୋଷ ପ୍ରକାଶ କରୁଛନ୍ତି।
ଅନ୍ୟପକ୍ଷରେ ଯାତ୍ରୀନିବାସ ଅଗଣାରେ ଅତିଥିମାନେ କିଛି ସମୟ ବିତାଇ ମନକୁ ହାଲ୍‌କା କରିଥାନ୍ତି। ହେଲେ ଏବେ ସେଠାରେ ପାର୍କ ସାମଗ୍ରୀ ଗଦା ହୋଇ ରହିଛି। କୋଭିଡ୍‌ କାଳରେ ଏହାକୁ କୋଭିଡ୍‌ ସେଣ୍ଟର କରାଯାଇଥିବାବେଳେ ଯାତ୍ରୀ ନିବାସର ହଲରେ କୋଭିଡ୍‌ ସରଞ୍ଜାମ ଭରି ରହିଛି। କେତେକ କୋଠରୀରେ ଯାତ୍ରୀ ରହୁଥିବାବେଳେ ସନ୍ଧ୍ୟା ହେବା ମାତ୍ରେ ମଶାଙ୍କ ପ୍ରାଦୁର୍ଭାବ ସହିବାକୁ ପଡ଼ୁଛି। ତଳ ମହଲାରେ ଥିବା ୧୪ଟି କୋଠରୀ ଓ ହଲ୍‌ ରହିଥିବାବେଳେ ଏଠାରେ ବିଏମ୍‌ସି ଓ୍ବାର୍ଡ ନଂ.୩୧, ୩୨ ଓ ୩୩ର ଓ୍ବାର୍ଡ ଅଫିସ୍‌ ଚାଲିଛି। ଯାତ୍ରୀଙ୍କ ପାଇଁ ଉଦ୍ଦିଷ୍ଟ ଉପର ମହଲାର ୧୪ଟି କଠୋରୀ ମଧ୍ୟରୁ ଗୋଟିଏରେ ଯାତ୍ରୀନିବାସ କାର୍ଯ୍ୟାଳୟ ରହିଛି। ସହରର ବିଭିନ୍ନ ବ୍ୟବସାୟ ପ୍ରତିଷ୍ଠାନରୁ ଜବତ ହୋଇଥିବା ପଲିଥିନ୍‌ ସହ ଆହାର କେନ୍ଦ୍ରର ସରଞ୍ଜାମ ଗଦା ହୋଇ ରହିଛି। ତଳ ମହଲାରେ ପ୍ରତି କୋଠରୀ ସଂଲଗ୍ନ ଶୌଚାଳୟ ରହିଥିବାବେଳେ ଉପର ମହାଲାରେ ଏ ସୁବିଧା ନାହିଁ। କିନ୍ତୁ ତଳ ମହଲା ପରିବର୍ତ୍ତେ ଉପର ମହଲାରେ ହିଁ ଅଧିକାଂଶ ଯାତ୍ରୀଙ୍କୁ ରଖାଯାଉଥିବାରୁ ସେମାନେ ହଇରାଣ ହେଉଛନ୍ତି। ପୁଣି ଶୌଚାଳୟରେ ଅନେକ ସମୟରେ ପାଣି ଓ ମଳ ନିସ୍କାସନଜନିତ ସମସ୍ୟା ଉପୁଜୁଛି। ଅନ୍ୟପଟେ କୋଭିଡ୍‌ ପରବର୍ତ୍ତୀ ସମୟରେ ଏଠାରେ ଭଡ଼ା ବୃଦ୍ଧି କରାଯାଇଛି। ପୂର୍ବରୁ ଯେଉଁ କୋଠରୀରେ ଶଯ୍ୟା ପିଛା ୧୨ ଘଣ୍ଟା ପାଇଁ ୫୦୦ ଟଙ୍କା ଦେବାକୁ ପଡ଼ୁଥିଲା, ତାହା ବର୍ତ୍ତମାନ ୧୦୦୦ ଟଙ୍କାକୁ ବୃଦ୍ଧି ପାଇଛି। ସେହିପରି ୩୫୦ ଟଙ୍କାରେ ଉପଲବ୍ଧ ହେଉଥିବା ଶଯ୍ୟାର ଦେୟ ୫୦୦ଟଙ୍କାକୁ ବର୍ଦ୍ଧିତ କରାଯାଇଛି। ଯାତ୍ର୍ରୀ ନିବାସକୁ ଅସୁରକ୍ଷିତ ଘୋଷଣା କରିବା ପାଇଁ ଯନ୍ତ୍ରୀ ଖଣ୍ଡ-୧ ଏବଂ ରାଜ୍ୟସରକାରଙ୍କ ରାସ୍ତା ଓ ଗୃହନିର୍ମାଣ ବିଭାଗକୁ ଅବଗତ କରାଯାଇଥିବା ସୂଚନା ମିଳିଥିଲେ ମଧ୍ୟ ଏନେଇ ବିଏମ୍‌ସି ଅଧିକାରୀ ମୁହଁ ଖୋଲୁନାହାନ୍ତି।


Enter your email to get our daily news in your inbox.

All Right Reserved By Dharitri.Com

ବସନ୍ତରେ ବୈଶାଖ ତାତି

ବରଗଡ଼ ଅଫିସ୍‌,୧୧।୩: ବସନ୍ତ ସରିନାହିଁ। ହେଲେ ବୈଶାଖର ତାତି ପରିଲକ୍ଷିତ ହେଲାଣି। ଦିନ ୧୧ଟାରୁ ତାତିର ପ୍ରକୋପ ଜଣାପଡୁଛି। ରାସ୍ତାଘାଟରେ ଲୋକଙ୍କ ଯାତାୟାତ କମିଯାଉଛି। ଗତପ୍ରାୟ...

ଶହୀଦ ମନୋଜଙ୍କ ପ୍ରତିମୂର୍ତ୍ତି ଉନ୍ମୋଚିତ

ନିଆଳି, ୧୫।୨ (ଡି.ଏନ୍‌.ଏ.): ଜମ୍ମୁ-କଶ୍ମୀରର ପୁଲଓ୍ବାମା ଜିଲାର ଲେଥ୍‌ପୋରାରେ ୨୦୧୯ ଫେବୃୟାରୀ ୧୪ରେ ଆତଙ୍କବାଦୀଙ୍କ ଆକ୍ରମଣରେ ଓଡ଼ିଆ ଯବାନ କଟକ ଜିଲା ନିଆଳି ବ୍ଲକ ଅନ୍ତର୍ଗତ...

ଅଣସରରେ ହୁଅନ୍ତି ନୂଆ ଦଇତାପତି

ପୁରୀ ଅଫିସ, ୨୫।୬: ଦଇତାପତି। ଶ୍ରୀମନ୍ଦିରର ସେବକ। ବର୍ଷର ବିଭିନ୍ନ ସମୟରେ ମହାପ୍ରଭୁଙ୍କ ସେବା ଥିଲେ ମଧ୍ୟ ଏମାନଙ୍କ ମୁଖ୍ୟସେବା ଜ୍ୟେଷ୍ଠ ଶୁକ୍ଳ ତ୍ରୟୋଦଶୀରୁ ନିଳାଦ୍ରୀବିଜେ...

ଅପରାହ୍ନ ୫ରେ ବାହାରିଲା ପ୍ରସାଦ

ପୁରୁଣା ଭୁବନେଶ୍ୱର,୨୨ା୮(ଡି.ଏନ୍‌.ଏ.): ଶ୍ରୀଲିଙ୍ଗରାଜଙ୍କ ନୀତି ୫ଘଣ୍ଟା ବିଳମ୍ବ ହେବାରୁ ବୁଧବାର ଠାକୁରଙ୍କ ପ୍ରସାଦ ବାହାରିବାରେ ବିଳମ୍ବ ହୋଇଥିଲା। ଏନେଇ ଶ୍ରଦ୍ଧାଳୁଙ୍କ ମଧ୍ୟରେ ଅସନ୍ତୋଷ ପ୍ରକାଶ ପାଇଥିଲା।...

ସାତ୍‌ସପନ ହେଇଛେ ସରକାରୀ ସାହାଯ୍‌: ଗୁଟେ ପରିବାର: ୪ ଭିନ୍ନକ୍ଷମ ଭାଇବହେନ୍‌

  ପର୍ଲା, ୧୦ା୯ (ଡି.ଏନ୍‌.ଏ.): କଳାହାଣ୍ଡି ଜିଲା ଧର୍ମଗଡ଼ ବ୍ଲକ ଦଣ୍ଡପାଟ ଅଂଚଲର ଧଅଁରପୁର ପଁଚେତ୍‌ ଅଧୀନ ଭାଲୁଚୁଆ ଗଁାରେ ଗୁଟେ ପରିବାରର ୪ ଭାଇବହେନ୍‌...

ନିଖୋଜ ପୂର୍ବତନ କାଉନସିଲରଙ୍କ ମୃତଦେହ ଉଦ୍ଧାର: ହତ୍ୟା ସନ୍ଦେହ

ବୌଦ୍ଧ,୩ା୧: ବୌଦ୍ଧ ବିଜ୍ଞାପିତ ଅଞ୍ଚଳ ପରିଷଦର ପୂର୍ବତନ କାଉନସିଲର ଅଗସ୍ତୀ ମହାକୁଡଙ୍କ ମୃତଦେହ ଏକ ବିଲରୁ ରବିବାର ଉଦ୍ଧାର ହୋଇଛି । ତାଙ୍କୁ ହତ୍ୟା କରାଯାଇଥିବା...

ଖୁସି ଖବର: ‘କୋଭିସିଲ୍‌ଡ’ ପରେ ରାଜ୍ୟରେ ପହଞ୍ଚିଲା ‘କୋଭାକ୍ସିନ’

ଭୁବନେଶ୍ୱର, ୧୩।୧(ବ୍ୟୁରୋ): ଗତ ୨ ଦିନ ହେଲା ରାଜ୍ୟବାସୀଙ୍କୁ ମିଳୁଛି ଆଶ୍ୱସ୍ତିକର ଖବର। ମଙ୍ଗଳବାର ଓଡ଼ିଶାରେ କରୋନା ଟିକା ‘କୋଭିସିଲ୍‌ଡ’ ପହଞ୍ଚିଥିବା ବେଳେ ବୁଧବାର ସକାଳେ...

ବର୍ଷାଭାବ ବିଗାଡ଼ୁଛି ଚାଷ

ଆଠମଲ୍ଲିକ,୬ା୮(ଡି.ଏନ.ଏ.) ଚାଷ ସମୟ ଗଡ଼ିଯାଉଛି। ହେଲେ ରୁଆ, ବେଉଷଣ ପାଇଁ ଜମିରେ ପାଣି ନାହିଁ। ଚଳିତ ବର୍ଷ ବର୍ଷା ପରିମାଣ କମ୍‌ ରହିଥିବାରୁ ଅନୁଗୋଳ ଜିଲା...

Advertisement
Archives

Model This Week