ସୋସିଆଲ ମିଡିଆରେ ଏକ ବିବାହ ଭିଡିଓ ଭାଇରାଲ ହେଉଛି। ଯାହାକୁ ଦେଖିଲେ ଆପଣ ହସି ହସି ଗଡ଼ିବେ। ଭିଡିଓରେ ବିବାହ ବେଦୀରେ ଅଗ୍ନି ସାମ୍ନାରେ ବସିଛନ୍ତି ବରକନ୍ୟା। ପଣ୍ଡିତ ବିବାହ ମନ୍ତ୍ର ଉଚ୍ଚାରଣ କରୁଛନ୍ତି। ଶେଷରେ ପଣ୍ଡିତ ମନ୍ତ୍ର ପଢ଼ି ପଢ଼ି ଥକି ପଡ଼ିବାରୁ କିଛି ସମୟ ଆରାମ କରିବାରେ ଲାଗିଲେ। ବେଦୀରେ ବସିଥିବା ବରକନ୍ୟା ଉପାୟ ନ ପାଇ ଟାଇମ୍ ପାସ୍ କରିବାରେ ଲାଗିଲେ।
ଭିଡିଓରେ ଦେଖିବେ ବରକନ୍ୟା ବିବାହ ବେଦୀରେ ବସିଥିବା ବେଳେ ଆଖପାଖରେ କିଛି ଲୋକ ବସିଛନ୍ତି। ବରକନ୍ୟା ବେଦୀରେ ଏତେ ସମୟ ବସି ବସି ବୋର୍ ହୋଇଗଲେଣି। ପଣ୍ଡିତ ଥକି ବସିପଡ଼ିବାରୁ ସେମାନେ ମଧ୍ୟ ଏକ ବୋତଲ ଆଣି ଖେଳିବାରେ ଲାଗିଲେ। ସୋସିଆଲ ମିଡିଆରେ ଏହି ଭିଡିଓ ଖୁବ୍ ଭାଇରାଲ ହେଉଛି। ଲୋକେ ବାରମ୍ବାର ଏହି ଭିଡିଓକୁ ଦେଖୁଛନ୍ତି।
ୟୁଜରମାନେ ଭିଡିଓ ଦେଖି ମଜାଳିଆ କମେଣ୍ଟ୍ ବିି ସବୁ ଦେଇଛନ୍ତି। ଭିଡିଓଟିକୁ ବର୍ତ୍ତମାନ ସୁଦ୍ଧା ୬୮ ହଜାରରୁ ଅଧିକ ଲୋକ ଦେଖିସାରିଲେଣି। ଜଣେ ୟୁଜର ଲେଖିଛନ୍ତି, ବାସ୍ ଏଇଆ ହିଁ କରିବାର ଥିଲା। ଆଉ ଜଣେ ୟୁଜର ଲେଖିଛନ୍ତି, ଆମେ ତ ଚଢ଼େଇ ଉଡ଼ିଯିବା ଖେଳ ଖେଳିବୁ।
