ଥିରୁଭାନନ୍ତପୁରମ,୨୬।୧୨ : କଂଗ୍ରେସ ଏମପି ଶଶି ଥରୁର ତାଙ୍କର ବିବାଦୀୟ ବିବୃତ୍ତି ନେଇ ପୁଣି ଥରେ ରାଜନୀତିରେ ଉତ୍ତେଜନା ସୃଷ୍ଟି କରିଛନ୍ତି। ସେ ସିଧାସଳଖ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କୁ ଚ୍ୟାଲେଞ୍ଜ କରିଛନ୍ତି। ସେ କହିଛନ୍ତି ମୋଦି ଥିରୁଭାନନ୍ତପୁରମରୁ ମୋ ବିରୋଧ ନିର୍ବାଚନ ପ୍ରତିଦ୍ୱନ୍ଦ୍ୱିତା କଲେ ମୁଁ ଜିତିବି ପ୍ରଧାନମନ୍ତ୍ରୀ ହାରିଯିବେ। ବାସ୍ତବରେ, ଯେତେବେଳେ ଏକ ଟିଭି ସାକ୍ଷାତକାର ସମୟରେ ଥରୁରଙ୍କୁ ତାଙ୍କର ଭବିଷ୍ୟତ ଯୋଜନା ବିଷୟରେ ପଚରାଯାଇଥିଲା, ସେତେବେଳେ ସେ ଏହି ବିବୃତ୍ତି ଦେଇଥିଲେ ।
ଥିରୁଭାନନ୍ତପୁରମରୁ ତିନିଥର ଏମପି ଥିବା ଥରୁର କହିଛନ୍ତି ୨୦୨୪ ଲୋକସଭା ନିର୍ବାଚନ ତାଙ୍କର ଶେଷ ନିର୍ବାଚନ ହୋଇପାରେ। ସେ ଚତୁର୍ଥ ଥର ପାଇଁ ଥିଥିରୁଭାନନ୍ତପୁରମରୁ ନିର୍ବାଚନ ଲଢ଼ିବାକୁ ଯାଉଛନ୍ତି। ପ୍ରଧାନମନ୍ତ୍ରୀ ମୋଦି ତାଙ୍କ ସହ ଲଢ଼ିଲେ ବି ସେ ଜିତିବେ। ମୁଁ ୨୦୨୪ରେ ଥିରୁଭାନନ୍ତପୁରମରୁ ଲୋକସଭା ନିର୍ବାଚନରେ ପ୍ରତିଦ୍ୱନ୍ଦ୍ୱିତା କରିବି। ତେବେ ଚୂଡାନ୍ତ ନିଷ୍ପତ୍ତି କଂଗ୍ରେସ ଦଳର ହାତରେ। ଯଦି ଦଳ ମୋତେ ନିର୍ବାଚନ ଲଢ଼ିବାକୁ କୁହେ ତେବେ ମୁଁ ପ୍ରତିଦ୍ୱନ୍ଦ୍ୱିତା କରିବି।
ମୁଁ ମୋର ରେକର୍ଡ ଆଧାରରେ ନିର୍ବାଚନ ଲଢୁଛି, କିନ୍ତୁ ଥିରୁଭାନନ୍ତପୁରମର ଲୋକଙ୍କର ମୋ ବଦଳରେ ଅନ୍ୟ କାହାକୁ ନିର୍ବାଚନରେ ଜିତାଇବାକୁ ଅଧିକାର ଅଛି। ଯେତେବେଳେ ମୁଁ ପ୍ରଥମ ଥର ପାଇଁ ଏଠାରୁ ନିର୍ବାଚନରେ ପ୍ରତିଦ୍ୱନ୍ଦ୍ୱିତା କଲି, ମୁଁ କେନ୍ଦ୍ର ମନ୍ତ୍ରୀ ହେବାକୁ ଚାହୁଁଥିଲି କିନ୍ତୁ ତାହା ହୋଇପାରିଲା ନାହିଁ। ତେବେ ବର୍ତ୍ତମାନ ଏହି ନିଷ୍ପତ୍ତି ଲୋକଙ୍କ ହାତରେ ଅଛି। ଏହା ସହିତ, ଯେତେବେଳେ କେରଳ ବିଧାନସଭା ନିର୍ବାଚନରେ ପ୍ରତିଦ୍ୱନ୍ଦ୍ୱିତା କରିବାକୁ ଥରୁରଙ୍କୁ ପଚରାଯାଇଥିଲା, ସେ କହିଥିଲେ ବର୍ତ୍ତମାନ ମୋର ସମ୍ପୂର୍ଣ୍ଣ ଧ୍ୟାନ ଲୋକସଭା ନିର୍ବାଚନ ଉପରେ ଅଛି କିନ୍ତୁ ଏହା ପରିସ୍ଥିତି ଉପରେ ନିର୍ଭର କରେ, ଯେତେବେଳେ ସମୟ ଆସିବ ସେ ବିଷୟରେ ସେ ନେଇ ଚିନ୍ତା କରାଯିବ।
ସୂଚନାଯୋଗ୍ୟ, ଶଶି ଥରୁର ୨୦୦୯ ରେ ପ୍ରଥମ ଥର ପାଇଁ ଥିରୁଭାନନ୍ତପୁରମରୁ ଲୋକସଭା ନିର୍ବାଚନରେ ପ୍ରତିଦ୍ୱନ୍ଦ୍ୱିତା କରିଥିଲେ ଏବଂ ସେ ଏକ ଲକ୍ଷ ଭୋଟ ବ୍ୟବଧାନରେ ଏକ ବିଜୟ ହାସଲ କରିଥିଲେ। ୨୦୧୪ ଏବଂ ୨୦୧୯ ରେ ଦ୍ୱିତୀୟ ତଥା ତୃତୀୟ ଥର ପାଇଁ ଥରୁର ଏଠାରୁ ଲୋକସଭା ନିର୍ବାଚନରେ ପ୍ରତିଦ୍ୱନ୍ଦ୍ୱିତା କରିଥିଲେ, ଉଭୟ ଥର ସେ ବିପୁଳ ଭୋଟରେ ଜିତିଥିଲେ।
"जब मैंने पहली बार चुनाव लड़ा तो मेरी इच्छा विदेश मंत्री बनने की थी"
◆ कांग्रेस नेता शशि थरूर ने कहा @ShashiTharoor #Congress | #LokSabhaElections pic.twitter.com/7TMBE4qeOY
— News24 (@news24tvchannel) December 26, 2023
