ଯେତେବେଳେ ବି କ୍ରିକେଟ କଥା ଆସେ, ସଚିନ ତେନ୍ଦୁଲକରଙ୍କ ନାମ ସର୍ବାଗ୍ରେ ଆସେ। ସଚିନଙ୍କୁ କ୍ରିକେଟର ଭଗବାନ ଆଖ୍ୟା ଦିଆଯାଇଛି। ସାରା ବିଶ୍ୱରୁ ଅନେକ କିମ୍ବଦନ୍ତୀ କ୍ରିକେଟରଙ୍କ ସହ ଖେଳିଥିବା ସଚିନ ତାଙ୍କ ବ୍ୟାଟିଂରେ ନିଜର ପରିଚୟ ସୃଷ୍ଟି କରି ବିଶ୍ୱ କ୍ରିକେଟରେ ନିଜର ଏକ ସ୍ବତନ୍ତ୍ର ପରିଚୟ ସୃଷ୍ଟି କରିଛନ୍ତି। ସଚିନ ଅନ୍ତର୍ଜାତୀୟ କ୍ରିକେଟରୁ ଅବସର ଗ୍ରହଣ କରିବାର ଆଠ ବର୍ଷରୁ ଅଧିକ ସମୟ ବିତିଗଲାଣି, କିନ୍ତୁ ଆଜି ମଧ୍ୟ ତାଙ୍କ ନାମରେ ଏପରି ଅନେକ ରେକର୍ଡ ଅଛି ଯାହାକୁ କେହି ଭାଙ୍ଗି ପାରି ନାହାନ୍ତି। ମାତ୍ର ୧୬ ବର୍ଷ ବୟସରେ ଭାରତ ପାଇଁ ଡେବ୍ୟୁ କରିଥିବା ସଚିନ ଆଜି ତାଙ୍କର ୪୯ ତମ ଜନ୍ମଦିନ ପାଳନ କରୁଛନ୍ତି। ଏହି ଅବସରରେ ତାଙ୍କର ବିଶେଷ ରେକର୍ଡଗୁଡ଼ିକ ଉପରେ ନଜର ପକାଇବା…।
ସର୍ବାଧିକ ଅର୍ଦ୍ଧଶତକ
ଅଧିକାଂଶ ଥର ଅନ୍ତର୍ଜାତୀୟ କ୍ରିକେଟରେ ସର୍ବାଧିକ ଅର୍ଦ୍ଧଶତକ ହାସଲ କରିଛନ୍ତି ସଚିନ। ସେ ଅନ୍ତର୍ଜାତୀୟ କ୍ରିକେଟ୍ରେ ୨୬୪ ଥର ଅର୍ଦ୍ଧଶତକ ହାସଲ କରିଛନ୍ତି। ଏଥିରେ ଦିନିକିଆରେ ୧୪୫ ଥର ଏବଂ ଟେଷ୍ଟ କ୍ରିକେଟରେ ୧୧୯ ଥର ସେ ୫୦ରୁ ଅଧିକ ରନ ସଂଗ୍ରହ କରିଛନ୍ତି।
ଅନ୍ତର୍ଜାତୀୟ କ୍ରିକେଟରେ ସର୍ବାଧିକ ରନ
ଉଭୟ ଦିନିକିଆ କିମ୍ବା ଟେଷ୍ଟ କ୍ରିକେଟରେ ସର୍ବାଧିକ ରନ ସ୍କୋର କରିବାରେ ସଚିନ ରେକର୍ଡ ରଖିଛନ୍ତ। ସେ ତାଙ୍କ କ୍ୟାରିୟରରେ ମୋଟ ୩୪୩୫୭ ରନ ସ୍କୋର କରିଥିଲେ। ସେ ଟେଷ୍ଟରେ ୧୫୯୨୧ ରନ ଏବଂ ଦିନିକିଆରେ ୧୮୪୨୬ ରନ ସ୍କୋର କରିଥିଲେ।
ସର୍ବାଧିକ ଅନ୍ତର୍ଜାତୀୟ ମ୍ୟାଚ ଖେଳିବାର ରେକର୍ଡ
ସଚିନ ତେନ୍ଦୁଲକର ତାଙ୍କ ଅନ୍ତର୍ଜାତୀୟ କ୍ୟାରିୟରରେ ମୋଟ ୬୬୪ ମ୍ୟାଚ ଖେଳିଥିଲେ। ଏଥିରେ ସେ ୨୦୦ ଟେଷ୍ଟ ମ୍ୟାଚ ଏବଂ ୪୬୩ଟି ଦିନିକିଆ ଖେଳିଥିଲେ। ଯେକୌଣସି କ୍ରିକେଟରଙ୍କ ଦ୍ୱାରା ଖେଳିଥିବା ଏହା ହେଉଛି ବିଶ୍ୱ ରେକର୍ଡ।
ଯେକୌଣସି ଗୋଟିଏ ସ୍ଥାନରେ ବ୍ୟାଟିଂ କରି ସର୍ବାଧିକ ରନ୍
ବ୍ୟାଟିଂ କ୍ରମରେ ଯେକୌଣସି ଗୋଟିଏ ସ୍ଥାନରେ ଖେଳିବାବେଳେ ସଚିନ ତାଙ୍କ କ୍ୟାରିୟରରେ ସର୍ବାଧିକ ରନ ସ୍କୋର କରିବାର ରେକର୍ଡ ମଧ୍ୟ ରଖିଛନ୍ତି। ଭାରତୀୟ ଦଳ ପାଇଁ ଚତୁର୍ଥ ସ୍ଥାନରେ ବ୍ୟାଟିଂ କରି ମାଷ୍ଟର ବ୍ଲାଷ୍ଟର ୨୭୫ ଇନିଂସରେ ହାରାହାରି ୫୪.୪୦ରେ ୧୩୪୯୨ ରନ ସଂଗ୍ରହ କରିଥିଲେ।
ଟେଷ୍ଟ କ୍ରିକେଟରେ ସର୍ବାଧିକ ଚୌକା
ଟେଷ୍ଟ କ୍ରିକେଟରେ ସଚିନ ତେନ୍ଦୁଲକର ୨୦୦୦ରୁ ଅଧିକ ଚୌକା ମାରିଥିଲେ। ଏହି ଫର୍ମାଟରେ ଯେକୌଣସି ଖେଳାଳିଙ୍କ ଦ୍ୱାରା ଏହା ସର୍ବାଧିକ ଚୌକା। ସଚିନ ଟେଷ୍ଟ କ୍ରିକେଟରେ ମୋଟ ୨୦୫୮ଟି ଚୌକା ମାରିଛନ୍ତି।
ଦିନିକିଆରେ ସର୍ବାଧିକ ‘ମ୍ୟାନ ଅଫ ଦି ସିରିଜ’ ଜିତିବା ରେକର୍ଡ
ସଚିନ ତାଙ୍କ ଦିନିକିଆ କ୍ୟାରିୟରରେ ୧୫ ଥର ମ୍ୟାନ ଅଫ ଦି ମ୍ୟାଚ ସିରିଜ ପୁରସ୍କାର ଜିତିଥିଲେ। ସେ ମୋଟ ୧୦୮ ସିରିଜର ଏକ ଅଂଶ ଥିଲେ।
ଦିନିକିଆରେ ସର୍ବାଧିକ ‘ମ୍ୟାନ ଅଫ ଦି ମ୍ୟାଚ’ ଜିତିବା ରେକର୍ଡ
ତେନ୍ଦୁଲକର ତାଙ୍କ ଦିନିକିଆରେ କ୍ୟାରିୟରରେ ୬୨ ଥର ମ୍ୟାନ ଅଫ ଦି ମ୍ୟାଚ ପୁରସ୍କାର ପାଇଥିଲେ, ଯାହାକି ଅନ୍ୟ କ୍ରିକେଟରଙ୍କ ଅପେକ୍ଷା ଅଧିକ।
