କୋରାପୁଟ,୧୭।୮(ସ୍ବ.ପ୍ର.): ସୋମବାର କୋରାପୁଟ ଜିଲାରେ ୧୪୬୭.୨ ମିମି ବର୍ଷା ହୋଇଥିବାବେଳେ ଜିଲାର କୋଟପାଡ ବ୍ଲକରେ ସର୍ବାଧିକ ୨୯୩ ମିମି ବର୍ଷା ହୋଇଛି। ପ୍ରଥମ କରି ଜିଲାର ତେଲେଙ୍ଗିରି ପ୍ରକଳ୍ପର ପ୍ରଥମ ଗୋଟିଏ ଗେଟ ଖୋଲାଯାଇଥିବା ଜିଲା ଜରୁରୀ ବିଭାଗ ପକ୍ଷରୁ କୁହାଯାଇଛି ା ସୋମବାର ତେଳେଙ୍ଗିରି ଜଳାଭଣ୍ଡାରରେ ଜଳସ୍ତର ୬୩୧.୫୦ ମିଟରକୁ ବୃଦ୍ଧି ପାଇବାରୁ ତେଳେଙ୍ଗିର ପ୍ରକଳ୍ପର ଗୋଟିଏ ଗେଟ ଖୋଲାଯାଇଥିବା ତେଲେଙ୍ଗିର ଡ୍ୟାମ ଅଧୀକ୍ଷଣ ଯନ୍ତ୍ରୀ ପ୍ରଦୀପ ସେନାପତି କହିଛନ୍ତି। ଜଳଭଣ୍ଡାରର ବିପଦସଙ୍କୁଳ ଜଳସ୍ତର ୬୩୩ ମିଟର ରହିଥିବାରୁ ଡ୍ୟାମର ଥିବା ୩ଟି ଗେଟରୁ ଗୋଟିଏ ଖୋଲାଯାଇଛି। ଗୋଟିଏ ଗେଟରେ ପ୍ରତି ସେକେଣ୍ଡରେ ୪୫ କ୍ୟୁସେକ ଜଳ ନିଷ୍କାସନ କରାଯାଉଛି। ସେହିପରି ସୋମବାର ଜିଲାର ମାଛକୁଣ୍ଡ ଜଳଭଣ୍ଡାରର ୨ଟି ଗେଟ ଖୋଲାଯାଇ ଜଳ ନିଷ୍କାସନ କରାଯାଉଛି। ଜିଲାରେ ପ୍ରବଳ ବର୍ଷା ଯୋଗୁ କୋଟପାଡ ବ୍ଲକର ବହୁ ଅଞ୍ଚଳ ବର୍ଷା ଜଳରେ ବୁଡି ରହିଛି। ମଙ୍ଗଳବାର ଜିଲାପାଳ ଅବଦାଲ ଏମ ଅଖତାର ସମ୍ପୃକ୍ତ ଅଞ୍ଚଳ ପରିଦର୍ଶନ କରି ପରିସ୍ଥିତି ଅନଧ୍ୟାନ କରି ଫେରିଛନ୍ତି। ଏହି ବର୍ଷା ଯୋଗୁଁ ବର୍ତମାନ ଇନ୍ଦ୍ରାବତୀ ଜଳଭଣ୍ଡାର ଜଳସ୍ତର ୬୩୭.୫୦ ମିଟରକୁ ବୃଦ୍ଧି ପାଇଥିବାବେଳେ ଅପର କୋଲାବ ଜଳଭଣ୍ଡାର ଜଳସ୍ତର ୮୫୦.୬୪ ମିଟରକୁ ବୃଦ୍ଧି ପାଇଥିବା ଜଣା ଯାଇଛି। ସେହିପରି ତେଲେଙ୍ଗିର ଜଳଭଣ୍ଡାରର ଜଳସ୍ତର ୬୩୧.୩୦ ମିଟର ରହିଛି ା
