ନୂଆଦିଲ୍ଳୀ: ସୌର ମଣ୍ଡଳର ସବୁଠାରୁ ବୃହତ୍ତମ ଗ୍ରହ ବୃହସ୍ପତିର ବରଫାବୃତ ଚନ୍ଦ୍ର ୟୁରୋପାରୁ ଏଲିଅନ୍ମାନଙ୍କ ଖୋଜ୍ କରିବାକୁଯାଉଛି ନାସା। ନାସାର ସଦ୍ୟ ଗବେଷଣା ଅନୁସାରେ ୟୁରୋପାରେ ଜୀବନ ନିର୍ବାହର ସୁଯୋଗ ରହିଛି। ବର୍ତ୍ତମାନ ସମୟରେ ଏଲିଅନ୍ମାନଙ୍କ ଅବସ୍ଥିତି ବିଷୟରେ ତଥ୍ୟ ସଂଗ୍ରହ କରିବା ବୈଜ୍ଞାନିକଙ୍କ ପାଇଁ ବଡ଼ ଚ୍ୟାଲେଞ୍ଜ ପାଲଟିଥିବାବେଳେ ୟୁରୋପା ଗବେଷକଙ୍କ ମନରେ ଏ ନେଇ ଆଶା ସଞ୍ଚାର କରିଥିବା କୁହାଯାଇପାରିବ। ଏଲିଅନ୍ଙ୍କୁ ନେଇ ଥିବା ବିଭିନ୍ନ ଦ୍ୱନ୍ଦ୍ୱର ସମାଧାନ ୟୁରୋପାରୁ ମିଳିବ ବୋଲି ନାସା ପକ୍ଷରୁ କୁହାଯାଇଛି।
ଜଳକଣିକା ମାଧ୍ୟମରେ ସମୁଦ୍ର ଜଳ ସ୍ଥାନାନ୍ତର ହେବା ସହ ପୃଷ୍ଠଭାଗରେ ପହଞ୍ଚୁଥିବା କଲରାଡେଶ ସାଉଥ୍ଓ୍ବେଷ୍ଟ ରିସର୍ଚ୍ଚ ଇନ୍ଷ୍ଟିଚ୍ୟୁଟର ମୁଖ୍ୟ ବୈଜ୍ଞାନିକ ଆଲିସା ରୋହେନ୍ କହିଛନ୍ତି। ତେବେ ବରଫ କଣିକାରେ ଜଳର ଅବସ୍ଥିତିର ପ୍ରମାଣ ମିଳିବା ନିହାତିଭାବେ ବୈଜ୍ଞାନିକଙ୍କ ପାଇଁ ଏକ ବଡ଼ ଉପଲବ୍ଧି । ପୃଥିବୀ ପୃଷ୍ଠର ଜଳବାୟୁ ଓ ପାରିପାର୍ଶ୍ୱିକ ସ୍ଥିତି ସହିତ ବୃହସ୍ପତିର ପରିବେଶ ଆଂଶିକ ଭାବେ ସମାନ ହୋଇଥିବାବେଳେ ଏହି ବୃହତ୍ତମ ଗ୍ରହରେ ଜୀବନ ନିର୍ବାହ କରିବା ସମ୍ଭବ ବୋଲି ୟୁ.ସି. ବର୍କିଲିର ଆର୍ଥ ଆଣ୍ଡ ପ୍ଲାନେଟୋରୀ ସାଇନ୍ସ ଡିପାର୍ଟମେଣ୍ଟର ଭୌଗୋଳିକବିଦ୍ ମାଇକେଲ ମାଙ୍ଗା କହିଛନ୍ତି। ଏଲିଅନ୍ମାନଙ୍କ ସ୍ଥିତି ପରଖିବା ପାଇଁ ନାସା ୨୦୨୪ ଅକ୍ଟୋବର ୧୦ରେ ‘ୟୁରୋପା କ୍ଲିପର୍’ ନାମରେ ଏକ ଅର୍ବିଟର ଲଞ୍ଚ କରିବ, ଯାହା ୟୁରୋପା ବିଷୟରେ ସମସ୍ତ ତଥ୍ୟ ସଂଗ୍ରହ କରିବାରେ ବୈଜ୍ଞାନିକଙ୍କୁ ସାହାଯ୍ୟ କରିବ।
