ଗୁପ୍ଚୁପ୍, ସବୁ ଝିଅମାନଙ୍କର ପସନ୍ଦ। ପ୍ରତିଦିନ ଝିଅମାନେ ଏହାକୁ ଖାଇବାକୁ ପସନ୍ଦ କରନ୍ତି। ହେଲେ ସବୁଦିନ ଗୁପ୍ଚୁପ୍ ଖାଇବାକୁ ଯାଇ ଶେଷରେ ବିକାଳୀଙ୍କ ପ୍ରେମରେ ପଡ଼ିଲେ ଜଣେ ନାବାଳୀକା। ଗୁପ୍ଚୁପ୍ ବିକାଳିଙ୍କ ପ୍ରେମରେ ସେ ଏମିତି ପାଗେଳି ହୋଇଗଲେ ଯେ, ତାଙ୍କ ସହ ଘରଛାଡି ଚାଲିଯିବାକୁ ମଧ୍ୟ ପଛାଇଲେ ନାହିଁ। ଏମିତି ଘଟଣା ଘଟିଛି ଉତ୍ତରପ୍ରଦେଶର ମିର୍ଜାପୁର ସହରରେ।
ଝାନ୍ସୀର ଜଣେ ଯୁବକ ମୁର୍ଜାପୁରରେ ରହି ଗୁପ୍ଚୁପ୍ ବ୍ୟବସାୟ କରୁଥିଲେ। ହାଇସ୍କୁଲରେ ପଢ଼ୁଥିବା ଜଣେ ୧୭ ବର୍ଷର ନାବାଳିକା ପ୍ରତିଦିନ ତାଙ୍କ ପାଖକୁ ଗୁପ୍ଚୁପ୍ ଖାଇବାକୁ ଯାଉଥିଲେ। ଧୀରେ ଧୀରେ ସେମାନଙ୍କ ମଧ୍ୟରେ କଥାବାର୍ତ୍ତା ଓ ପରେ ପ୍ରେମ ସମ୍ପର୍କ ଗଢ଼ିଉଠିଲା। ଏହା ପରେ ଉଭୟ ଘରୁ ଚାଲିଯିବାକୁ ନିଷ୍ପତ୍ତି ନେଲେ। ନାବାଳିକା ଘରକୁ ନ ଫେରିବାରୁ ପରିବାର ଲୋକେ ବହୁ ଖୋଜାଖୋଜି ପରେ ମଧ୍ୟ ଝିଅକୁ ପାଇଲେ ନାହିଁ। ଶେଷରେ ସେମାନେ ନିକଟସ୍ଥ କଛଓ୍ବା ଥାନାରେ ଅଭିଯୋଗ ଗଲେ। ଏହା ପରେ ପୋଲିସ ତଦନ୍ତ ଆରମ୍ଭ କଲା। ଗୁପ୍ଚୁପ୍ ବିକାଳି ମଧ୍ୟ ଗତ ୨ ଦିନ ହେବ ଘରେ ନ ଥିବା ପୋଲିସ ଜାଣିବାକୁ ପାଇଲା। ପରେ ପୋଲିସ ଭୟଙ୍କୁ ଯୁବକଙ୍କ ଗାଁ ଝାନ୍ସୀରୁ ଉଦ୍ଧାର କଲା। ଉଭୟ ପରସ୍ପରରକୁ ଭଲ ପାଉଥିବା ପୋଲିସକୁ କହିଥିଲେ। ହେଲେ ପୋଲିସ ନାବାଳିକାଙ୍କୁ ଉଦ୍ଧାକରି ପରିବାର ଲୋକଙ୍କ ହସସ୍ତାନ୍ତର କଲା ଏ ନେଇ କଛଓ୍ବା ପୋଲିସ କୌଣସି ମାମଲା ରୁଜୁ କରି ନ ଥିବା ଥାନା ଅଧିକାରୀ ସୁଭାଷ ଚନ୍ଦ୍ର ରାୟ ସୂଚନା ଦେଇଛନ୍ତି।
