ନୂଆଦିଲ୍ଲୀ, ୩।୯ : ସୀମା ସୁରକ୍ଷା ବଳ (ବିଏସଏଫ)ପକ୍ଷରୁ ଏକ ସ୍ବତନ୍ତ୍ର ଡ୍ରୋନ ପ୍ରସ୍ତୁତ କରାଯାଇଛି। ଏହୀ ଡ୍ରୋନ୍ ଆକାଶରେ ଉଡ଼ିବୁଲି ଦଙ୍ଗାକାରୀଙ୍କ ଉପରେ ଲୁହବୁହା ଗ୍ୟାସ ସେଲ ପକାଇବ। ବିଏସଏଫ ଅନୁଯାୟୀ, ଦଙ୍ଗାକାରୀ ଏବଂ ବିକ୍ଷୋଭକାରୀଙ୍କୁ ନିୟନ୍ତ୍ରଣ କରିବା ପାଇଁ ପୋଲିସ ଏହାକୁ ବ୍ୟବହାର କରିପାରିବ। ସୀମା ସୁରକ୍ଷା ବଳର ଜଣେ ବରିଷ୍ଠ ଅଧିକାରୀଙ୍କ ଅନୁଯାୟୀ, ଡ୍ରୋନରୁ ଲୁହବୁହା ଗ୍ୟାସ ସେଲ ପକାଇବା ପାଇଁ ଡ୍ରୋନରୁ ଟିୟର ସ୍ମୋକ୍ ଲଞ୍ଚର୍ ବ୍ୟବହାର କରାଯାଇପାରିବ। ଏହି ଡ୍ରୋନ ମାଧ୍ୟମରେ ୨୫୦-୩୦୦ ମିଟର ବ୍ୟାସାର୍ଦ୍ଧରେ ଲୁହବୁହା ଗ୍ୟାସ ସେଲ ପକାଯାଇପାରିବ ।
ବିଏସଏଫ ଅଧିକାରୀଙ୍କ ଅନୁଯାୟୀ, ଏହି ଡ୍ରୋନକୁ ସଫଳତାର ସହିତ ପରୀକ୍ଷା କରାଯାଇଛି। ଖୁବ ଶୀଘ୍ର ପୋଲିସ ବିଭାଗ ଏବଂ ସଶସ୍ତ୍ର ପୋଲିସ ଫୋର୍ସ ଏହି ଟେକ୍ନୋଲୋଜି ବ୍ୟବହାର କରୁଥିବା ଦେଖିବାକୁ ମିଳିବ। ଏହା ଦ୍ୱାରା ସୁରକ୍ଷା ବ୍ୟବସ୍ଥାରେ ନିୟୋଜିତ କର୍ମଚାରୀମାନେ ସୁରକ୍ଷିତ ରହିବେ, ଯେଉଁମାନେ ଭିଡ଼କୁ ନିୟନ୍ତ୍ରଣ କରିବା ସମୟରେ ବେଳେବେଳେ ସେମାନଙ୍କ କ୍ରୋଧର ଶିକାର ହେବାକୁ ପଡିଥାଏ। ୨ରୁ ୬ ଟି ଲୁହବୁହା ଗ୍ୟାସ ସେଲ ଡ୍ରୋନରେ ଲୋଡ ହୋଇ ଟାର୍ଗେଟ ଅଞ୍ଚଳରେ ପକାଯାଇପାରିବ।
