ଗଞ୍ଜାମ,୨୭ା୮(ବିଦ୍ୟାଧର ସାହୁ): ଗଞ୍ଜାମ ସହର ସ୍ଥିତ ଋଷିକୂଲ୍ୟା ବ୍ରିଜଠାରେ ରବିବାର ସରସ୍ବତୀ ଶିଶୁ ବିଦ୍ୟା ମନ୍ଦିରର ଶିକ୍ଷକ ମନୋଜ ପାଢ଼ୀ ଦୁର୍ଘଟଣାରେ ଆହତ ହୋଇଛନ୍ତି। ଗୁରୁଜୀ ମନୋଜ ଏକ ବାଇକ୍ ଯୋଗେ ଭଉଣୀ ଘର ନୂଆଗାଁ ଯାଇ ଫେରୁଥିଲେ। ସେତିକିବେଳେ ଜଣେ ସାଇକେଲ ଆରୋହୀ ରାସ୍ତା ଉପରକୁ ଚାଳିଆସିବାରୁ ତାଙ୍କୁ ବଞ୍ଚାଇବାକୁ ଯାଇ ସେ ବାଇକରୁ ଖସି ପଡ଼ିଥିଲେ। ଏଥିରେ ସାଇକେଲ ଆରୋହୀ ମଧ୍ୟ ସାମାନ୍ୟ ଆହତ ହୋଇଥିବା ଜଣାପଡିଛି।
ସେତିକିବେଳେ ଉକ୍ତ ରାସ୍ତାରେ ଆସୁଥିବା ବିଜେଡି ଯୁବ ସଭାପତି ସୁଧୀର କୁମାର ପାଢ଼ୀ ତାଙ୍କୁ ଉଦ୍ଧାର କରି ନିଜ ଗାଡ଼ିରେ ଗଞ୍ଜାମ ମେଡିକାଲ ଆଣିଥିଲେ। ତାଙ୍କୁ ଧରଣୀ ସାହୁ, ଆଶିଷ ମହାପାତ୍ର, ଋତୁରାଜ ମହାପାତ୍ର, ବାପୁନି ପଣ୍ଡା ପ୍ରମୁଖ ସହଯୋଗ କରି ଗୁରୁଜୀ ମନୋଜଙ୍କୁ ମେଡିକାଲରେ ଭର୍ତ୍ତି କରିଥିଲେ।
