ପୁଣେ,୨୮ା୧୧: ଏମିତି ଏକ ପରିବାର, ଯାହାର ପ୍ରତ୍ୟେକ ସଦସ୍ୟ ଡେଙ୍ଗା। ସେମାନେ ଯେଉଁଆଡ଼େ ଯାଆନ୍ତି ଯେତେ ଜନଗହଳି ହୋଇଥାଉନା କାହିଁକି ସମସ୍ତଙ୍କ ଭିତରେ ବାରି ହୋଇପଡ଼ନ୍ତି। ଏହି ପରିବାରର ମୁଖିଆ ହେଉଛନ୍ତି ଶରଦ କୁଲକର୍ଣ୍ଣି। ବୟସ ୫୨ ହୋଇଥିବା ବେଳେ ତାଙ୍କ ଉଚ୍ଚତା ୭ ଫୁଟ ଦେଢ଼ ଇଞ୍ଚ, ସେହିପରି ୪୬ ବର୍ଷୀୟା ସ୍ତ୍ରୀ ସଂଯୋତଙ୍କ ଉଚ୍ଚତା ୬ ଫୁଟ ଅଢ଼େଇ ଇଞ୍ଚ,ତାଙ୍କର ଦୁଇ ଝିଅ ୨୨ ବର୍ଷୀୟା ଶ୍ରୀଗୁଳା ଏବଂ ୧୬ ବର୍ଷୀୟା ସାନିଆ। ସେମାନଙ୍କ ଉଚ୍ଚତା ଯଥାକ୍ରମେ ୬ ଫୁଟ ୧ ଇଞ୍ଚ ଏବଂ ଏବଂ ୬ ଫୁଟ ୪ ଇଞ୍ଚ।
୧୯୮୯ରେ ବିବାହ କରିବା ପରେ ଲିମ୍କା ବୁକ ଅଫ୍ ରେକର୍ଡସ ଦ୍ୱାରା ଏହି ଦମ୍ପତି ଭାରତର ଉଚ୍ଚତମ ଦମ୍ପତି ଭାବେ ମୁକୁଟ ପିନ୍ଧିଥିଲେ।
ଶରଦ କହିଛନ୍ତି, ବିବାହ ପାଇଁ ପ୍ରଥମେ ସମସ୍ୟା ଦେଖା ଦେଇଥିଲା। ଏପରିକି ତାଙ୍କୁ ଏହି ଡେଙ୍ଗା ଯୋଗୁ ଥଟ୍ଟା ପରିହାସର ଶିକାର ହେବାକୁ ପଡ଼ିଥିଲା। ଶରଦ କିଶୋର ଅବସ୍ଥାରେ ନିଜର ଶକ୍ତି କ୍ରୀଡ଼ାରେ ଲଗାଇ ଦେଶ ପାଇଁ ବାସ୍କେଟବଲ ଖେଳିବା ଶେଷ କରିଥିଲେ। କିନ୍ତୁ ସଂଯୋତ ଗାଁରେ ରହୁଥିଲେ। ଏହି ଦୁହିଁଙ୍କ ମଧ୍ୟରେ ଦେଖାସାକ୍ଷାତ ହେବା ପରେ ପ୍ରେମ ହୋଇଥିଲା। ପରେ ବିବାହ ବନ୍ଧନରେ ବାନ୍ଧି ହୋଇଥିଲେ। ତାଙ୍କର ଦୁଇ ଝିଅ ଜନ୍ମ ହେଲେ। ସେମାନେ ଯେତେବେଳେ ବଢ଼ିଲେ ତାଙ୍କର ଉଚ୍ଚତା ମଧ୍ୟ ବଢ଼ିବାକୁ ଲାଗିଲା। ଶରଦ କୁହନ୍ତି, ଏବେ ଆଉ ଲାଜ ଲାଗୁନି କି କାହା ଥଟ୍ଟା ପରିହାସକୁ ଖାତିର ନାହିଁ। ଆମେ ନୂତନ ଆଶା ପାଇଁ ଏବେ ଉତ୍ସାହିତ। ଏବେ ଗିନିଜ୍ ବୁକ୍ ଅଫ୍ ରେକର୍ଡରେ ନାଁ ରଖିବାକୁ ଚେଷ୍ଟା ଚଳାଇଛୁ।
