ମୁମ୍ବାଇ,୨୯।୧୦ : ମହାରାଷ୍ଟ୍ରରେ ଭାଜପା ଏବଂ ଶିବସେନା ପୁଣି ଏକାଠି ହେବେ! ଉଦ୍ଧବ ଠାକରେ ଦେବେନ୍ଦ୍ର ଫଡନାଭୀସଙ୍କୁ ନେଇ ଦେଇଥିବା ବଡ଼ ସଙ୍କେତରୁ ରାଜ୍ୟ ରାଜନୀତିରେ ଚର୍ଚ୍ଚା ଆରମ୍ଭ ହୋଇଛି। ଉଦ୍ଧବଙ୍କ ବିବୃତ୍ତି ଏବେ ଆଲୋଡ଼ନ ସୃଷ୍ଟି କରିଛି। ମହାରାଷ୍ଟ୍ର ରାଜନୀତିରେ ଶିବସେନା ଏବଂ ଭାରତୀୟ ଜନତା ପାର୍ଟି ମଧ୍ୟରେ ବିବାଦ ଦେଖାଦେଇଥିଲେ ମଧ୍ୟ ଉଦ୍ଧବ ଠାକରେ ଏବଂ ଦେବେନ୍ଦ୍ର ଫଡନାଭୀସ ପୁଣି ଥରେ ରାଜନୈତିକ ସମ୍ପର୍କର ନରମ ମନୋଭାବ ପ୍ରଦର୍ଶନ କରିଛନ୍ତି।
ନିକଟରେ ରାଜନୀତିରେ ତିକ୍ତତା ଦୂର କରିବା ପାଇଁ ଫଡନାଭୀସ ମନ୍ତବ୍ୟ ଦେଇଥିଲେ। ଏହାପରେ ବର୍ତ୍ତମାନ ଶିବସେନା ମୁଖପତ୍ର ସାମନା ମାଧ୍ୟମରେ ଉଦ୍ଧବ ଫଡନାଭୀସଙ୍କ ଏହି ବିବୃତ୍ତିକୁ ସ୍ବାଗତ କରିଛନ୍ତି। ଉଦ୍ଧବ ଠାକରେ ଏଭଳି ଏକ ବଡ ବିବୃତ୍ତି ଦେଇ ଭାଜପା ପାଇଁ ନିଜର ଆଭିମୁଖ୍ୟକୁ ପରିବର୍ତ୍ତନ କରି କୋମଳତା ଆଣିଛନ୍ତି। ତାଙ୍କ ମୁଖପାତ୍ର ସାମନାରେ ଏକ ସମ୍ପାଦକୀୟରେ ଉଦ୍ଧବ ଭାଜପା ସହ ବୁଝାମଣାକୁ ସ୍ବାଗତ କରିଛନ୍ତି।
