ସମ୍ବଲପୁର,୧୦ା୫(ବ୍ୟୁରୋ): ଝାରସୁଗୁଡ଼ା ବିଧାନସଭା ଉପନିର୍ବାଚନ ବୁଧବାର ଅନୁଷ୍ଠିତ ହେବ। ତେବେ ପ୍ରଚାର ଲାଗି କଟକଣା ରହିଥିବା ବେଳେ ମଙ୍ଗଳବାର ସ୍ଥାନୀୟ ନେତାମାନେ ଭିତିରିଆ ପ୍ରଚାର କରୁଥିବା ଅଭିଯୋଗ ହୋଇଛି। ଏହାକୁ ନେଇ ଉତ୍ତେଜନା ପ୍ରକାଶ ପାଇଥିଲା। କୋଲାବିରା ବ୍ଲକ ଜମିଦାରପଡାର ଜଣଙ୍କ ଘରୁ ଫ୍ଲାଇଂ ସ୍କ୍ବାଡ୍ ୪୦୦ ଖଣ୍ଡ ଶାଢ଼ି ଜବତ କରିଛି। ସ୍କ୍ବାଡ୍ର ଜଣେ ଅଧିକାରୀଙ୍କ ସୂଚନା ଅନୁଯାୟୀ କିଣାଯାଇଥିବା ଶାଢ଼ିର ଜିଏସ୍ଟି ବିଲ୍ ମେସର୍ସ ସ୍ନେହା ମଲ୍ଟିମିଡ଼ିଆ ନାମରେ ରହିଛି। ଅପରପକ୍ଷେ ଭୋଟରଙ୍କୁ ପ୍ରଭାବିତ କରିବା ପାଇଁ ଶାଢ଼ି ବାଣ୍ଟିବାକୁ ଅଣାଯାଇଥିବା ଅଭିଯୋଗ ହୋଇଥିଲା। ହେଲେ ଶାଢ଼ି କିଣିଥିବା ବ୍ୟକ୍ତି ଦୋକାନରେ ବିକ୍ରି କରିବା ପାଇଁ କିଣା ହୋଇଥିବା କହିଛନ୍ତି। ନିର୍ବାଚନ ପରେ ତଦନ୍ତ କରାଯାଇ ପଦକ୍ଷେପ ଗ୍ରହଣ କରାଯିବ ବୋଲି ଅଧିକାରୀ ଜଣକ କହିଥିଲେ ା
ଅନ୍ୟପଟେ ଉପନିର୍ବାଚନ ଲାଗି ଜିଲା ପ୍ରବେଶ ପଥ ଓ ସହରର ବିଭିନ୍ନ ସ୍ଥାନରେ ଯାନବାହନ ଅଟକାଇ କଡ଼ା ଯାଞ୍ଚ କରାଯାଇଥିଲା। ଜିଲା ପୋଲିସ ମୁଖ୍ୟାଳୟରେ ଅତ୍ୟାଧୁନିକ କଣ୍ଟ୍ରୋଲ ରୁମ ଖୋଲାଯାଇଛି। ଏସ୍ପି ପରମାର ସ୍ମିଥ୍ ସୂଚନା ଦେଇ କହିଛନ୍ତି, ଭୋଟରଙ୍କୁ ସୁରକ୍ଷା ଦେବା ଓ ନିରପେକ୍ଷ ନିର୍ବାଚନ କରାଇବା ଆମର ଲକ୍ଷ୍ୟ।
