କୋଲକାତା,୯।୫: ପଶ୍ଚିମବଙ୍ଗରେ, ଭାଜପା ନେତା ଶୁଭେନ୍ଦୁ ଅଧିକାରୀ ଶନିବାର, ୯ ମଇ, ୨୦୨୬ ରେ ମୁଖ୍ୟମନ୍ତ୍ରୀ ଭାବରେ ଶପଥ ନେଇଛନ୍ତି। ରାଜ୍ୟରେ ଏହି କ୍ଷମତା ପରିବର୍ତ୍ତନ ମଧ୍ୟରେ, ତୃଣମୂଳ କଂଗ୍ରେସ ମୁଖ୍ୟ ମମତା ବାନାର୍ଜୀଙ୍କ ସମ୍ପର୍କରେ କଳ୍ପନାଜଳ୍ପନା ମଧ୍ୟ ତୀବ୍ର ହୋଇଛି। ଉଲ୍ଲେଖଯୋଗ୍ୟ, ବିଧାନସଭା ନିର୍ୱାଚନ ଫଳାଫଳ ଘୋଷଣା ପରେ ମଧ୍ୟ, ମମତା ବାନାର୍ଜୀ ତାଙ୍କ ସୋସିଆଲ ମିଡିଆ ପ୍ଲାଟଫର୍ମ, X ର ବାୟୋ ସେକ୍ସନରେ ନିଜକୁ ପଶ୍ଚିମବଙ୍ଗର ମୁଖ୍ୟମନ୍ତ୍ରୀ ଭାବରେ ପରିଚୟ ଦେଇ ଆସୁଛନ୍ତି। ତାଙ୍କ ବାୟୋରେ ଏବେ ବି ସେ ତୃଣମୂଳ କଂଗ୍ରେସର ପ୍ରତିଷ୍ଠାତା ଏବଂ ପଶ୍ଚିମବଙ୍ଗର ମୁଖ୍ୟମନ୍ତ୍ରୀ ବୋଲି ଲେଖାଯାଇଛି।
ଏହି ବିଷୟ ରାଜନୈତିକ ମହଲରେ ଆଲୋଚନାର ବିଷୟ ପାଲଟିଛି। ର୍ନିବାଚନରେ ପରାଜୟ ପରଠାରୁ, ମମତା ବାନାର୍ଜୀ ର୍ନିବାଚନ ପ୍ରକ୍ରିୟା ସମ୍ପର୍କରେ ନିରନ୍ତର ପ୍ରଶ୍ନ ଉଠାଇ ଆସୁଛନ୍ତି। ସେ ଅଭିଯୋଗ କରିଛନ୍ତି ଯେ ର୍ନିବାଚନ ଜାଲିଆତି ହୋଇଥିଲା ଏବଂ ତାଙ୍କ ପରାଜୟ ସୁନିଶ୍ଚିତ କରିବା ପାଇଁ ଏକ ଷଡ଼ଯନ୍ତ୍ର କରାଯାଇଥିଲା। ମମତା ବାନାର୍ଜୀ ଭାଜପାକୁ ଟାର୍ଗେଟ କରି ଚାଲିଛନ୍ତି, ର୍ନିବାଚନ ନିରପେକ୍ଷ ଭାବରେ କରାଯାଇ ନଥିଲା ବୋଲି ଦାବି କରୁଛନ୍ତି। ତଥାପି, ର୍ନିବାଚନ କମିଶନ ଏପର୍ଯ୍ୟନ୍ତ ଏହି ଅଭିଯୋଗଗୁଡ଼ିକର କୌଣସି ସରକାରୀ ପ୍ରତିକ୍ରିୟା ଜାରି କରିନାହାଁନ୍ତି।
