ବମ୍ବେ: ଜନ୍ମ ନ କରି ବି ତୁଲାଇଛନ୍ତି ପିତାମାତାଙ୍କ କର୍ତ୍ତବ୍ୟ। ବଲିଉଡ୍ରେ ଏଭଳି ଅନେକ କଳାକାର ଅଛନ୍ତି ଯେଉଁମାନେ ଅନାଥ ଛୁଆଙ୍କୁ କୋଳେଇ ନେଇ କରିଛନ୍ତି ଲାଳନପାଳନ। ଦେଇଛନ୍ତି ନିଜର ପରିଚୟ ଶିକ୍ଷା ଏବଂ କରିଛନ୍ତି ବିବାହ। ଏହି ତାଲିକାରେ ଅଛନ୍ତି ସୁସ୍ମିତା ସେନ୍ଙ୍କଠାରୁ ଆରମ୍ଭ କରି ପ୍ରିତି ଜିଣ୍ଟା, ସନି ଲିଓନଙ୍କ ଭଳି ଅଭିନେତ୍ରୀ। ଆସନ୍ତୁ ସେ ବିଷୟରେ ଜାଣିବା:
-ସଲିମ ଖାଁ: ଅନାଥ ଶିଶୁକୁ କୋଳେଇ ନେବା ତାଲିକାର ପ୍ରଥମ ନାମ ସଲମାନଙ୍କ ବାପା ସଲିମ ଖାଁ। ସେ ଆୟୁଷ ଶର୍ମାଙ୍କୁ ବିବାହ କରିଥିବା ଅର୍ପିତା ଖାଁଙ୍କୁ ପୋଷ୍ୟ ସନ୍ତାନ ଭାବେ ଗ୍ରହଣ କରିଥିଲେ।
-ସୁସ୍ମିତା ସେନ: ଏହି ବିଶ୍ୱସୁନ୍ଦରୀ ଜଣେ ନୁହେଁ ବରଂ ଦୁଇଜଣ ଝିଅଙ୍କୁ ପୋଷ୍ୟ ସନ୍ତାନ ଭାବେ ଗ୍ରହଣ କରିଥିଲେ। ଏବେ ଦୁହେଁ ବଡ଼ ହେଉଥିବା ବେଳେ ସୁସ୍ମିତା ତାଙ୍କର ଲାଳନପାଳନ ଜଣେ ମା’ ଭାବେ କରି ଆସୁଛନ୍ତି।
-ରବିନା ଟଣ୍ଡନ: ରବିନା ଦୁଇ ଝିଅଙ୍କୁ ପୋଷ୍ୟ ସନ୍ତାନ ଭାବେ ଗ୍ରହଣ କରିଛନ୍ତି। ସେମାନଙ୍କ ନାମ ପୂଜା ଏବଂ ଛାୟା । ଏବେ ସେ ଦୁହିଁଙ୍କ ବିବାହ ମଧ୍ୟ କରି ସାରିଛନ୍ତି।
-ସନି ଲିଓନି- ନିଜର ବୋଲ୍ଡନେସ୍କୁ ନେଇ ଚର୍ଚ୍ଚାରେ ଥିବା ସନି କିଛି ବର୍ଷ ପୂର୍ବେ ଜଣେ ଝିଅକୁ ପୋଷ୍ୟ ସନ୍ତାନ ଭାବେ ଗ୍ରହଣ କରିଛନ୍ତି। ସେ ତାଙ୍କ ନାମ ନିଶା କୌର ରଖିଛନ୍ତି।
-ମିଥୁନ ଚକ୍ରବର୍ତ୍ତୀ: ବଲିଉଡ୍ ଅଭିନେତା ମିଥୁନ ଜଣେ ଝିଅକୁ ଅଳିଆ ଗଦାରୁ ଉଠାଇ ନିଜର ପରିଚୟ ଦେଇଥିଲେ। ତାଙ୍କୁ ନିଜର ଝିଅ ଭଳି ପାଳିବା ସହ ତାଙ୍କ ନାମ ଦିଶାନୀ ଚକ୍ରବର୍ତ୍ତୀ ରଖିଛନ୍ତି।
-ପ୍ରିତି ଜିଣ୍ଟା: ପ୍ରିତି ଜଣେ ଝିଅକୁ ପୋଷ୍ୟ ସନ୍ତାନ ଭାବେ ଗ୍ରହଣ କରିଛନ୍ତି। ଏବେ ସେ ତାଙ୍କୁ ନିଜ ଝିଅ ଭଳି ପାଳୁଛନ୍ତି।
