ନୂଆଦିଲ୍ଲୀ,୨୯।୪: ଭାରତ ସରକାର ‘ଅପରେଶନ କାବେରୀ’ ଜରିଆରେ ସୁଦାନରେ ଫସି ରହିଥବା ଭାରତୀୟଙ୍କୁ ଉଦ୍ଧାର କରି ସ୍ବଦେଶ ଫେରାଇ ଆଣୁଛନ୍ତି। ଏହାରି ଭିତରେ ଭାରତୀୟ ବାୟୁସେନାର ଆଉ ଏକ ବିମାନ ୨୩୧ ଭାରତୀୟଙ୍କୁ ନେଇ ନୂଆଦିଲ୍ଲୀ ପହଞ୍ଚିଛି। ଇଣ୍ଡିଗୋ ଏୟାରଲାଇନ୍ସର ଏକ ବିମାନ ସୁଦାନରେ ଫସି ରହିଥିବା ଭାରତୀୟଙ୍କୁ ନେଇ ଜେଦ୍ଦାରୁ ଉଡାଣ ଆରମ୍ଭ କରିଥିଲା। ଏହି ସୂଚନା ବିଦେଶ ରାଜ୍ୟମନ୍ତ୍ରୀ ଭି ମୁଳଣିଧରନ ଟୁଇଟ କରି ଜଣାଇଥିଲେ। ମୁରଲିଧରନ ଟୁଇଟ କରିଥିଲେ କି ୨୩୧ ଭାରତୀୟଙ୍କୁ ନେଇ ବିମାନ ନୂଆଦିଲ୍ଲୀ ପହଞ୍ଚିଯାଇଛି।
ଏହି ୫ମ ଆଉଟବାଉଂଟ ଫ୍ଲାଇଟ ସହ ୧୬୦୦ ଭାରତୀୟ ସୁରକ୍ଷିତ ସ୍ବଦେଶ ପହଞ୍ଚି ସାରିଛନ୍ତି। ଇଣ୍ଡିଗୋ ଏୟାର ଲାଇନ୍ସ ତା’ର ଏକ ବୟାନରେ କହିଛି, କି ସୁଦାନରୁ ଭାରତୀୟ ନାଗରିକଙ୍କୁ ବାହାର କରିବାକୁ କେନ୍ଦ୍ର ସରକାରଙ୍କ ମିଶନକୁ ସମର୍ଥନ କରିବାକୁ ସେ ପ୍ରତିବଦ୍ଧ। ବୟାନରେ କୁହାଯାଉଛି କି ଏୟାରଲାଇନ୍ସ ମାନବୀୟ ଆବଶ୍ୟକତାକୁ ନେଇ ଆଗକୁ ବଢିଛି। ଫଳରେ ଫସି ରହିଥିବା ଭାରତୀୟଙ୍କୁ ପୁଣିଥରେ ସୁରକ୍ଷିତ ଭାବେ ସେମାନଙ୍କ ପରିବାର ପାଖକୁ ଫେରାଇ ଆଣିହେବ। ଏହା ପୂର୍ବରୁ ଶୁକ୍ରବାର ବିଦେଶ ରାଜ୍ୟ ମନ୍ତ୍ରୀ ବି ମୁଳଲିଧରନ କହିଥିଲେ କି ‘ଅପରେଶନ କାବେରୀ’ ଜରିଆରେ ୨,୧୦୦ ଭାରତୀୟ ଜେଦ୍ଦାହ ପହଞ୍ଚିସାରିଛନ୍ତି।
