Posted inଫୁରସତ

୧ ହଜାର ଡଙ୍ଗରିଆ ପିଲାଙ୍କୁ ଶିକ୍ଷାନୁଷ୍ଠାନ ପଠାଇଛନ୍ତି ସୁବର୍ଦ୍ଦିନୀ

ଶିକ୍ଷାର ଅଭାବ ଯୋଗୁ ଡଙ୍ଗରିଆ ଜନଜାତି ଲୋକେ ସମାଜର ମୁଖ୍ୟସ୍ରୋତରୁ ଦୂରରେ ରହିଥିଲେ। ତେବେ ଏମାନଙ୍କୁ ଶିକ୍ଷିତ କରି ସମାଜର ମୁଖ୍ୟସ୍ରୋତରେ ସାମିଲ କରାଇବା ନିମନ୍ତେ ଜଣେ ଆଦିବାସୀ ମହିଳା ନିଜକୁ ଉତ୍ସର୍ଗ କରିଛନ୍ତି। ସେ ହେଲେ ରାୟଗଡ଼ା ଜିଲା ବିଷମକଟକ ବ୍ଲକ କୁର୍ଲି ସରପଞ୍ଚ ସୁବର୍ଦ୍ଦିନୀ ଓ୍ବାଡକା(୪୫)। ନିଜ ପଞ୍ଚାୟତରେ ଏଯାଏ ପ୍ରାୟ ୧ହଜାର ପିଲାଙ୍କୁ ସେ ଶିକ୍ଷାନୁଷ୍ଠାନ ପଠାଇବାରେ ସଫଳ ହୋଇପାରିଛନ୍ତି।
ସୁବର୍ଦ୍ଦିନୀଙ୍କ ନିଜ ଘର କେନ୍ଦୁଝର ଜିଲା ଯୋଡ଼ା ବ୍ଲକ ସେରେଣ୍ଡା ଗ୍ରାମରେ। ଯୁକ୍ତ ୨ ପଢ଼ା ପରେ କସ୍ତୁରବା ଗାନ୍ଧୀ ରାଷ୍ଟ୍ରୀୟ ସ୍ମାରକ ଟ୍ରଷ୍ଟ ଜରିଆରେ ସେ ମଧ୍ୟପ୍ରଦେଶରେ ଏଏନ୍‌ଏମ୍‌ ପ୍ରଶିକ୍ଷଣ ନେଇଥିଲେ। ଉକ୍ତ ସଂସ୍ଥା ମାଧ୍ୟମରେ ତାଙ୍କୁ ଯାଜପୁର ଜିଲା ବରିସ୍ଥିତ ମାତୃ ମଙ୍ଗଳ କେନ୍ଦ୍ରରେ ଏଏନ୍‌ଏମ୍‌ ଚାକିରି ମିଳିଥିଲା। ସେଠାରେ ବର୍ଷେ କାମ କରିବା ପରେ ରାୟଗଡ଼ା ଜିଲା ବିଷମକଟକ ବ୍ଲକ ଖମ୍ବେସୁ ଗ୍ରାମକୁ ଆସି କାର୍ଯ୍ୟ କଲେ। ୨୦୦୦ ମସିହାରେ ସୁବର୍ଦ୍ଦିନୀ ଖମ୍ବେସୁ ଗ୍ରାମର ସୁରେଶ ଓ୍ବାଡକାଙ୍କୁ ବିବାହ କରିଥିଲେ। ଏହା ଡଙ୍ଗରିଆ ଜନଜାତିଙ୍କ ଅଞ୍ଚଳ ହୋଇଥିବାବେଳେ ଅଞ୍ଚଳବାସୀ ଶିକ୍ଷା ଏବଂ ବିକାଶଠାରୁ ବହୁ ଦୂରରେ ଥିବା ଦେଖି ସୁବର୍ଦ୍ଦିନୀ ସେମାନଙ୍କ ବିକାଶ ପାଇଁ କାର୍ଯ୍ୟ କରିବାକୁ ନିଷ୍ପତ୍ତି ନେଇଥିଲେ। ସ୍ବାମୀ ସୁରେଶ ୧୯୯୫ରୁ ରାଜନୀତି କରୁଥିବାବେଳେ ଡଙ୍ଗରିଆଙ୍କ ଉନ୍ନତି ଦିଗରେ ମଧ୍ୟ କାର୍ଯ୍ୟ କରୁଛନ୍ତି। ଏହା ସୁବର୍ଦ୍ଦିନୀଙ୍କୁ ଅଧିକ ପ୍ରେରିତ କରିଥିଲା। ପ୍ରଥମେ ସେ ଡଙ୍ଗରିଆଙ୍କ ଘରକୁ ଯାଇ ପାଠ ପଢ଼ିବା ଏବଂ ଅନ୍ୟ ଭାଷା ଶିଖିବାକୁ ସଚେତନ କରିଥିଲେ। ଉଭୟ ଝିଅ ଏବଂ ପୁଅ ପାଠ ପଢ଼ିଲେ ଅଧିକାର ପାଇଁ ଲଢ଼େଇ କରିବା ସହ ସ୍ବାବଲମ୍ବୀ ହୋଇପାରିବେ ବୋଲି ସଭା କରି ସୁବର୍ଦ୍ଦିନୀ ଲୋକଙ୍କୁ ବୁଝାଉଥିଲେ। ଏଥିରେ ସେ କିଛି ମାତ୍ରାରେ ସଫଳତା ମଧ୍ୟ ପାଇଥିଲେ। ପରେ ସରପଞ୍ଚ ହୋଇ ଅଞ୍ଚଳର ଅଧିକ ବିକାଶ କରିହେବ ବୋଲି ସେ ଚିନ୍ତା କରିଥିଲେ।
ଏଥିପାଇଁ ଏଏନ୍‌ଏମ୍‌ ଚାକିରି ଛାଡ଼ି ରାଜନୀତିରେ ପାଦ ଦେଲେ। ୨୦୦୨ରୁ ୨୦୧୨ ପର୍ଯ୍ୟନ୍ତ ସେ କୁର୍ଲି ପଞ୍ଚାୟତରୁ ଦୁଇଥର ସରପଞ୍ଚ ନିର୍ବାଚିତ ହୋଇଥିଲେ। ଇତି ମଧ୍ୟରେ ସୁବର୍ଦ୍ଦନୀ କୁର୍ଲି ପଞ୍ଚାୟତର ୨୩ ଗ୍ରାମରୁ ପ୍ରାୟ ୧୦୦୦ ଯୁବତୀ, ଯୁବକଙ୍କୁ ପାଠ ପଢ଼ିବାକୁ ପଠାଇ ପାରିଛନ୍ତି। ବିଶେଷକରି ଯୁବତୀମାନେ କିପରି ପାଠ ପଢ଼ିବେ ସେ ନେଇ ବିଭିନ୍ନ ଗ୍ରାମକୁ ଯାଇ ସଚେତନ କରିଛନ୍ତି। ଏକଲବ୍ୟ ଆଦର୍ଶ ବିଦ୍ୟାଳୟ, ହାଟ ମୁନିଗୁଡ଼ାସ୍ଥିତ ରାମକୃଷ୍ଣ ମିଶନ ସ୍କୁଲ ଏବଂ ଭୁବନେଶ୍ୱରସ୍ଥିତ କିସ୍‌ ଶିକ୍ଷାନୁଷ୍ଠାନକୁ ଯୁବତୀ ଯୁବକଙ୍କୁ ପାଠ ପଢ଼ିବା ପାଇଁ ପଠାଇଛନ୍ତି। ଚଳିତ ପଞ୍ଚାୟତ ନିର୍ବାଚନରେ ସେ ପୁଣି କୁର୍ଲି ପଞ୍ଚାୟତରୁ ସରପଞ୍ଚ ନିର୍ବାଚିତ ହୋଇଛନ୍ତି। ଆଗକୁ ଅଞ୍ଚଳରେ ଟାୱାର ସ୍ଥାପନ, ହାଇସ୍କୁଲ ପ୍ରତିଷ୍ଠା ଏବଂ ଡାକ୍ତରଖାନାରେ ଡାକ୍ତର ନିଯୁକ୍ତି ଦିଗରେ କାର୍ଯ୍ୟ କରିବେ ବୋଲି ସୁବର୍ଦ୍ଦିନୀ କହିଛନ୍ତି।
– ଭାଗ୍ୟଶ୍ରୀ ମିଶ୍ର


Enter your email to get our daily news in your inbox.

All Right Reserved By Dharitri.Com

ପୋଲିସ ନମ୍ବରରୁ ହ୍ବାଟ୍ସଆପ୍‌କୁ ଆସିବ କଲ୍‌, ମିଳିବ ଧମକ, ଭୟଭୀତ ହେଲେ ଆକାଉଣ୍ଟ ହୋଇଯିବ ଖାଲି…

ଦୁଇମାସ ତଳେ କେରଳର ଜଣେ ବାସିନ୍ଦା ପୋଲିସ ଅଧିକାରୀଙ୍କ ଡିପି ଥାଇ ଏକ ନମ୍ବରରୁ ହ୍ବାଟ୍ସଆପ୍‌କୁ କଲ୍‌ ଆସିଥିଲା। ସେ ଏହାକୁ ଉଠାଇବା ମାତ୍ରେ ଏକ...

ଅଜବ ଘର: ଦେଖିବାକୁ ବଙ୍କାତେଢ଼ା ମାତ୍ର ଆକର୍ଷଣୀୟ, ଜାଣନ୍ତୁ ଏହାର ସ୍ବତନ୍ତ୍ରତା…

ଦୁନିଆରେ ଅନେକ ଅଟ୍ଟାଳିକା ଅଛି, ଯାହା ଅନେକ କାରଣ ପାଇଁ ଲୋକଙ୍କୁ ଆକର୍ଷିତ କରିଥାଏ। କିଛି ଘର ଡିଜାଇନକୁ ନେଇ ବେଶ୍‌ ଆକର୍ଷଣୀୟ ହୋଇଥାଏ। ଆଜି...

ନିର୍ବାଚନବେଳେ ଜବତ ମଦ-ଟଙ୍କା କିଏ ରଖନ୍ତି, ଜାଣିଲେ ହୋଇଯିବେ ତାଜୁବ

ନୂଆଦିଲ୍ଲୀ,୨୮।୩: ଦେଶରେ ଲୋକ ସଭା ନିର୍ବାଚନ ପାଇଁ ବାଜିସାରିଛି ବିଗୁଲ । ଲୋକ ସଭା ନିର୍ବାଚନର ତାରିଖ ମଧ୍ୟ ନିର୍ବାଚନ ଆୟୋଗ ଘୋଷଣା କରିଛନ୍ତି। ଏହା...

ଭାରତର ଏହି ସହରରେ ପ୍ରସ୍ତୁତ ହୁଏ ଆଇପିଏଲ୍‌ ବଲ୍‌, ବର୍ଷକୁ ୫୦୦ କୋଟି ଟଙ୍କା ରୋଜଗାର

ବର୍ତ୍ତମାନ ଆଇପିଏଲ ଚାଲିଛି। ଇଣ୍ଡିଆନ ପ୍ରିମିୟର ଲିଗ୍‌କୁ ନେଇ ଲୋକଙ୍କ ମଧ୍ୟରେ ଏକ ବଡ଼ କ୍ରେଜ୍‌ ରହିଛି। ଏହି ପ୍ରତିଯୋଗିତା ୬୬ ଦିନ ପର୍ଯ୍ୟନ୍ତ ଚାଲିବ।...

କଫି ସହ ମଣିଷ ରକ୍ତ ମିଶାଇ ପିଉଛନ୍ତି ଏହି ମହିଳା

ଦୁନିଆରେ,ପ୍ରତ୍ୟେକ ମଣିଷଙ୍କର ନିଜସ୍ବ ସଉକ ଅଛି। କିଏ ଭ୍ରମଣ କରିବାକୁ ଭଲ ପାଆନ୍ତି ତ ଆଉ କିଏ ଖାଇବାକୁ ଭଲ ପାଆନ୍ତି। କେତେକ ଗୀତ ଗାଇବାକୁ...

ପୃଥିବୀର ପଡୋଶୀରେ ଅଛନ୍ତି ଏଲିଏନ୍ସ, ୨୦୩୦ ସୁଦ୍ଧା ଖୋଜିଦେବ ନାସା!

ଓ୍ବାଶିଂଟନ,୨୫।୩: ଏଲିଲନ୍ସ ସତରେ ଅଛନ୍ତି କି। ଯଦି ଅଛନ୍ତି, ସେମାନେ କେଉଁଠାରେ ରୁହନ୍ତି? ଏହି ଦୁଇଟି ପ୍ରଶ୍ନର ଉତ୍ତର ଖୋଜିବାରେ ସାରା ବିଶ୍ୱର ସ୍ପେସ ଏଜେନ୍ସିମାନେ...

ଓଡ଼ିଆ ଜନଜୀବନରେ ଦୋଳଯାତ୍ରା

ଫାଲ୍‌ଗୁନ ଶୁକ୍ଳ ଦଶମୀ ତିଥିଠାରୁ ସାଧାରଣତଃ ଓଡ଼ିଆ ଜନଜୀବନରେ ଦୋଳଯାତ୍ରା ଆଧ୍ୟାତ୍ମିକ ଭକ୍ତିପୂତ ପରିବେଶରେ ଆରମ୍ଭ ହୋଇଥାଏ। ଏହି ପର୍ବର ମୁଖ୍ୟ ଆରାଧ୍ୟ ଠାକୁର ପ୍ରେମମୟ...

ବୋତଲ ଭିତରେ ଅଠା ଲାଖେ ନାହିଁ କାହିଁକି

ବିଜ୍ଞାପନରେ ଅନେକ ଅଠା କମ୍ପାନୀ ଦାବି କରନ୍ତି ଯେ, ତାଙ୍କର ସାମାନ୍ୟ ଟିକେ ଅଠା ଯେକୌଣସି ଜିନିଷକୁ ଯୋଡିପାରେ। ଆଉ ଏମିତି ଯୋଡିବ ଯେ ଯୋଡା...

Advertisement

ଧରିତ୍ରୀ କାର୍ଟୁନ

Archives
Model This Week

ପିଲାଙ୍କ ଧରିତ୍ରୀ

Why Dharitri