ବରଗଡ଼ ଅଫିସ,୧୩।୯: ବରଗଡ଼ ଜିଲା ବିଜେପୁର ଗଞ୍ଜେଇଭାଟି ଛକରେ ମଙ୍ଗଳବାର ପୂର୍ବାହ୍ନରେ ଏକ ଦୁର୍ଘଟଣା ଘଟିଥିଲା। ଏକ ଟ୍ରକ ଧକ୍କାରେ ସ୍କୁଟି ଯାଉଥିବା ଛାତ୍ରୀ ସୁନୀତା ମେହେର ଗୁରୁତର ହୋଇଥିଲେ। ବୁର୍ଲା ଡାକ୍ତରଖାନାରେ ଚିକିତ୍ସାଧୀନ ଅବସ୍ଥାରେ ତାଙ୍କର ମୃତ୍ୟୁ ଘଟିଛି।
ଅନ୍ୟପକ୍ଷରେ ଏହି ଘଟଣାକୁ ନେଇ ଘଟଣାସ୍ଥଳରେ ଉତ୍ତେଜନା ପ୍ରକାଶ ପାଇଥିଲା। ଲୋକେ ଟାୟାର ଜାଳି ରାସ୍ତା ଅବରୋଧ କରିଥିଲେ। ଖବର ପାଇ ସେଠାକୁ ବିଜେପୁର ଥାନା ଅଧିକାରୀ ସନୟ କୁମାର ନାଏକ ପହଞ୍ଚି ଲୋକଙ୍କ ସହିତ ଆଲୋଚନା କରିଥିଲେ। ତେବେ ଆଲୋଚନା ଚାଲିଥିବା ବେଳେ ପୋଲିସ ସହିତ ଉପସ୍ଥିତ କିଛି ଯୁବକଙ୍କ ମଧ୍ୟରେ କଥା କଟାକଟି ଏବଂ ଧସ୍ତାଧସ୍ତି ହୋଇଥିଲା। ଏପରିକି ପରିସ୍ଥିତି ନିୟନ୍ତ୍ରଣ ପାଇଁ ଶେଷରେ ପୋଲିସ ଲୋକଙ୍କୁ ଗୋଡ଼ାଇ ପିଟିବା ସହିତ ଘଉଡାଇଥିବା ଦେଖିବାକୁ ମିଳିଥିଲା। ସେହିପରି କିଛି ଲୋକଙ୍କୁ ପୋଲିସ ଥାନାକୁ ଉଠାଇ ନେଇଥିବା ସୂଚନା ମିଳିଛି। ଘଟଣାକୁ ନେଇ ବିଜେପୁରରେ ଚାପା ଉତ୍ତେଜନା ଲାଗି ରହିଛି।
