Posted inଖେଳ

ଓଡ଼ିଶାର ଦୃଢ଼ ଜବାବ

ଭୁବନେଶ୍ୱର, ୨୯।୧୨ (କ୍ରୀଡ଼ା ପ୍ରତିନିଧି): କଟକର ଡ୍ରିମ୍ସ ଗ୍ରାଉଣ୍ଡରେ ଚାଲିଥିବା ରଣଜୀ ଟ୍ରଫି କ୍ରିକେଟ ମ୍ୟାଚରେ ହରିୟାଣାକୁ ଦୃଢ଼ ଜବାବ ଦେଇଛି ଘରୋଇ ଓଡ଼ିଶା। ହରିୟାଣାର ପ୍ରଥମ ଇନିଂସ ସ୍କୋର ୩୩୮ ରନ ଜବାବରେ ଓଡ଼ିଶା ବୁଧବାର ଦ୍ୱିତୀୟ ଦିବସ ଖେଳ ଶେଷ ବେଳକୁ ଓପନର ଅନୁରାଗ ଷଡ଼ଙ୍ଗୀ ଓ ଶାନ୍ତନୁ ମିଶ୍ରଙ୍କ ଅର୍ଦ୍ଧଶତକ ସହାୟତାରେ ୩ ଉଇକେଟ ହରାଇ ୨୦୪ ରନ ସଂଗ୍ରହ କରିଛି। ୭ ଉଇକେଟ ସୁରକ୍ଷିତ ଥିବାବେଳେ ଓଡ଼ିଶା ଆଉ ୧୩୪ ରନରେ ପଛୁଆ ରହିଛି। ଫଳରେ ଓଡ଼ିଶାର ପ୍ରଥମ ଇନିଂସ ଅଗ୍ରଣୀ ଆଶା ଉଜ୍ଜୀବିତ ହୋଇଛି।
ପ୍ରଥମ ଦିବସର ଅସମାପ୍ତ ସ୍କୋର ୩୦୬/୫ରୁ ଖେଳ ଆରମ୍ଭ କରିଥିବା ହରିୟାଣା ଦ୍ୱିତୀୟ ଦିବସରେ ଆଉ ୩୨ ରନ ଯୋଡ଼ି ଅବଶିଷ୍ଟ ୫ ଉଇକେଟ ହରାଇଥିଲା।

ଓଡ଼ିଶାର ସୂର୍ଯ୍ୟକାନ୍ତ ପ୍ରଧାନ ଓ ପ୍ରୟାସ ସିଂ ଘାତକ ବୋଲିଂ କରି ହରିୟାଣାର ବ୍ୟାଟିଂ ବିପର୍ଯ୍ୟୟ ଘଟାଇଥିଲେ। ଶତକ ହାସଲକାରୀ ନିଶାନ୍ତ ସିନ୍ଧୁ ନିଜର ପୂର୍ବ ଦିନର ସ୍କୋର ୧୪୨ ରନରେ ଆଉଟ ହୋଇଥିବାବେଳେ ଅନ୍ତର୍ଜାତୀୟ ଖେଳାଳି ଜୟନ୍ତ ଯାଦବ ୪୧ ରନ କରିବାକୁ ସକ୍ଷମ ହୋଇଥିଲେ। ହରିୟାଣା ଦଳର ନେତୃତ୍ୱ ନେଉଥିବା ଟିମ୍‌ ଇଣ୍ଡିଆ ସ୍ପିନର ୟୁଜବେନ୍ଦ୍ର ଚହଲଙ୍କୁ ମାତ୍ର ୨ ରନରେ ପ୍ୟାଭିଲିୟନ ପଠାଇଥିଲେ ପ୍ରୟାସ ସିଂ। ଓଡ଼ିଶା ବୋଲରଙ୍କ ମଧ୍ୟରେ ସୂର୍ଯ୍ୟକାନ୍ତ ପ୍ରଧାନ ୨୫ ଓଭର ବୋଲିଂ କରି ୫ ମେଡେନ ନେବାସହ ୯୩ ରନ ବିନିମୟରେ ୬ ଉଇକେଟ ସଫଳତା ପାଇଥିଲେ। ନିଜର ପ୍ରଥମ ରଣଜୀ ମ୍ୟାଚରେ ପ୍ରୟାସ ୩ଟି ଉଇକେଟ ନେଇଥିଲେ। ସେ ୨୩ ଓଭର ବୋଲିଂ କରି ୩ଟି ମେଡେନ ନେଇ ୬୬ ରନ ବ୍ୟୟ କରିଥିଲେ। ଅନ୍ୟ ଉଇକେଟଟି ଗୋବିନ୍ଦ ପୋଦ୍ଦାରଙ୍କୁ ମିଳିଥିଲା।

ଓଡ଼ିଶାର ଆରମ୍ଭ ଭଲ ହୋଇଥିଲା। ଦୁଇ ଓପନର ଅନୁରାଗ ଓ ଶାନ୍ତନୁ ସତର୍କତାର ସହ ହରିୟାଣା ବୋଲରଙ୍କୁ ମୁକାବିଲା କରି ଶତକୀୟ ଭାଗୀଦାରି ଆଡ଼କୁ ଅଗ୍ରସର ହୋଇଥିଲେ। ତେବେ ୯୮ ରନ ଯୋଗ ହେବାପରେ ୩୭ତମ ଓଭରର ୫ମ ବଲ୍‌ରେ ଅନୁରାଗଙ୍କୁ ଏଲ୍‌ବିଡବ୍ଲ୍ୟୁ ଆଉଟ କରି ହରିୟାଣାକୁ ବ୍ରେକ୍‌ ଥ୍ରୁ ଦେଇଥିଲେ ତାରକା ସ୍ପିନର ଚହଲ। ୧୨୩ଟି ବଲ୍‌ର ସମ୍ମୁଖୀନ ହୋଇଥିବା ଅରବିନ୍ଦ ୬୩ ରନ କରିଥିଲେ। ନିଜ ଇନିଂସରେ ସେ ୧୦ଟି ଚୌକା ଲଗାଇଥିଲେ। ୬ ରନ ବ୍ୟବଧାନରେ ଓଡ଼ିଶା ଦ୍ୱିତୀୟ ଉଇକେଟ ହରାଇଥିଲା। ରଣଜୀ ପଦାର୍ପଣ ମ୍ୟାଚ ଖେଳୁଥିବା ସ୍ବସ୍ତିକ ସାମଲ ମାତ୍ର ୧ ରନ କରିଥିବାବେଳେ ଚହଲଙ୍କ ଦ୍ୱିତୀୟ ଶିକାର ହୋଇଥିଲେ। ଅନ୍ୟତମ ଓପନର ଶାନ୍ତନୁ ୬୦ ରନ କରିଥିବାବେଳେ ନିଶାନ୍ତ ସାନ୍ଧୁଙ୍କ ବଲ୍‌ରେ କ୍ଲିନ୍‌ ବୋଲ୍ଡ ହୋଇ ଯାଇଥିଲେ। ସେ ନିଜ ଇନିଂସ ମଧ୍ୟରେ ୪ ଚୌକା ଓ ୧ ଛକା ମାରିଥିଲେ। ତେବେ ସେ ଆଉଟ ହେବା ପୂର୍ବରୁ ଅଧିନାୟକ ଶୁଭ୍ରାଂଶୁ ସେନାପତିଙ୍କ ସହ ମୂଲ୍ୟବାନ ୫୨ ରନର ପାର୍ଟନରଶିପ୍‌ ଗଢ଼ିଥିଲେ। ଷ୍ଟମ୍ପ ଅପସାରଣ ବେଳକୁ ଶୁଭ୍ରାଂଶୁ ୪୨ ଓ ଯୁବ ବ୍ୟାଟର କାର୍ତ୍ତିକ ବିଶ୍ୱାଳ ୨୯ ରନରେ ଅପରାଜିତ ରହିଥିଲେ। ଦୁହେଁ ଅସମାପ୍ତ ୪ର୍ଥ ଉଇକେଟରେ ୯୭ ବଲ୍‌ରୁ ୪୮ ରନର ଭାଗୀଦାରି ଗଢ଼ି ଦଳକୁ ଏକ ଦୃଢ଼ ସ୍ଥିତିରେ ପହଞ୍ଚାଇ ଦେଇଥିଲେ। ହରିୟାଣା ପକ୍ଷରୁ ଚହଲ ୨ଟି ଓ ସିନ୍ଧୁ ଗୋଟିଏ ଉଇକେଟ ପାଇଥିଲେ। ଓଡ଼ିଶା ଏବେ ଭଲ ସ୍ଥିତିରେ ଥିଲେ ମଧ୍ୟ ସକାଳବେଳା ଯେପରି ହରିୟାଣାର ବ୍ୟାଟିଂ ବିପର୍ଯ୍ୟୟ ହେଲା ସେଥିରୁ ଶିକ୍ଷାଲାଭ କରିବାକୁ ହେବ। ଦୁଇ ନିର୍ଭରଯୋଗ୍ୟ ବ୍ୟାଟର ଶୁଭ୍ରାଂଶୁ ଓ କାର୍ତ୍ତିକଙ୍କୁ ବଡ଼ ଇନିଂସ ଖେଳିବାକୁ ପଡ଼ିବ।
ସଂକ୍ଷିପ୍ତ ସ୍କୋର
ହରିୟାଣା ପ୍ରଥମ ଇନିଂସ: ୩୩୮/ଅଲ୍‌ଆଉଟ (ନିଶାନ୍ତ ସିନ୍ଧୁ-୧୪୨, ରୋହିତ ଶର୍ମା-୫୫, ସୂର୍ଯ୍ୟକାନ୍ତ ପ୍ରଧାନ-୬/୯୩, ପ୍ରୟାସ ସିଂ-୩/୬୬, ଗୋବିନ୍ଦ ପୋଦ୍ଦାର-୧/୪୩)। ଓଡ଼ିଶା ପ୍ରଥମ ଇନିଂସ: ୨୦୪/୩ (ଅନୁରାଗ ଷଡ଼ଙ୍ଗୀ-୬୩, ଶାନ୍ତନୁ ମିଶ୍ର-୬୦, ଶୁଭ୍ରାଂଶୁ ସେନାପତି-୪୨*, କାର୍ତ୍ତିକ ବିଶ୍ୱାଳ-୨୯*, ୟୁଜବେନ୍ଦ୍ର ଚହଲ-୨/୫୫, ନିଶାନ୍ତ ସିନ୍ଧୁ-୧/୧୯)।

 


Enter your email to get our daily news in your inbox.

All Right Reserved By Dharitri.Com

Posted inଖେଳ View All

ଭାରତ ଆଗରେ ୩୧୨ ରନ୍‌ର ବିଜୟ ଲକ୍ଷ୍ୟ

ପୋର୍ଟ-ଅଫ୍‌-ସ୍ପେନ,୨୪ା୭: କୁଇନ୍ସ ପାର୍କ ଓଭାଲ ଗ୍ରାଉଣ୍ଡରେ ରବିବାର ଭାରତ ଏବଂ ୱେଷ୍ଟଇଣ୍ଡିଜ ମଧ୍ୟରେ ଖେଳାଯାଇଥିବା ଦ୍ବିତୀୟ ଦିନିକିଆ ମ୍ୟାଚରେ ୱେଷ୍ଟଇଣ୍ଡିଜ ଟସ୍‌ ଜିତି ବ୍ୟାଟିଂ ନିଷ୍ପତ୍ତି...

ଜିମ୍ବାଓ୍ବେ ବିଶ୍ୱକପରୁ ବାହାର, ୫ ଓ୍ବିକେଟରେ ଜିତିଲା ନେଦରଲାଣ୍ଡ…

ନୂଆଦିଲ୍ଲୀ,୨।୧୧ : ଆଡିଲେଡରେ ଜିମ୍ବାୱେ ଏବଂ ନେଦରଲାଣ୍ଡ ମଧ୍ୟରେ ଟି-୨୦ ବିଶ୍ୱକପର ୩୪ ତମ ମ୍ୟାଚରେ ନେଦରଲାଣ୍ଡ ୫ ଓ୍ବିକେଟରେ ଜିତିଛି। ଜିମ୍ବାୱେ ଟସ ଜିତି...

କାତାର ଇଣ୍ଟରନ୍ୟାଶନାଲରେ ଚାନୁଙ୍କୁ ସ୍ବର୍ଣ୍ଣ

ଦୋହା, ୨୧ା୧୨(ପି.ଟି.)- ପୂର୍ବତନ ବିଶ୍ୱ ଚାମ୍ପିୟନ ଭାରୋତ୍ତୋଳକ ସାଇଖୋମ୍‌ ମୀରାବାଇ ଚାନୁ ଏଠାରେ ଚାଲିଥିବା ୬ଷ୍ଠ କାତାର ଇଣ୍ଟରନ୍ୟାଶନାଲ କପ୍‌ ମହିଳା ୪୯ କେଜି ଶ୍ରେଣୀରେ...

ସିପିଏଲ୍‌ ଜର୍ସି ଉନ୍ମୋଚିତ

ଭୁବନେଶ୍ୱର, ୫ା୧୧(କ୍ରୀଡ଼ା ପ୍ରତିନିଧି): କର୍ପୋରେଟ ପ୍ରିମିୟର ଲିଗ୍‌ (ସିପିଏଲ୍‌)ର ୫ମ ସଂସ୍କରଣ ଚଳିତ ମାସ ୫ରୁ ଆରମ୍ଭ ହେବ। କର୍ପୋରେଟ କ୍ରିକେଟ କ୍ଲବ ଆନୁକୂଲ୍ୟରେ ଏହି...

କୋହଲିଙ୍କୁ ଅଭିନବ ଶୈଳୀରେ ଶୁଭେଚ୍ଛା ଜଣାଇଲେ ଓ୍ବାର୍ନର : ଜାଣିଲେ ହେବେ ଆଶ୍ଚର୍ଯ୍ୟ

ପ୍ରଥମ ସନ୍ତାନର ଜନକ ହେବାକୁ ଯାଉଥିବା ଟିମ୍‌ ଇଣ୍ଡିଆର ଅଧିନାୟକ ବିରାଟ କୋହଲି ଦଶନ୍ଧିର ଶ୍ରେଷ୍ଠ ଅନ୍ତର୍ଜାତୀୟ କ୍ରିକେଟର ହେବାର ସୌଭାଗ୍ୟ ପାଇଛନ୍ତି। ଗୋଟିଏ ଦିନ...

ଇସ୍ତଫା ଦେଇପାରନ୍ତି ରମିଜ ରାଜା

କରାଚୀ,୧୦ା୪: ପାକିସ୍ତାନ ପ୍ରଧାନମନ୍ତ୍ରୀ ଇମ୍ରାନ ଖାନ୍‌ଙ୍କ ବିଦାୟ ପରେ ଇସ୍ତଫା ଦେବା ଲାଗି ଚିନ୍ତା କରୁଛନ୍ତି ପାକିସ୍ତାନ କ୍ରିକେଟ ବୋର୍ଡ (ପିସିବି) ଚେୟାରମ୍ୟାନ ରମିଜ ରାଜା।...

ପୁଅ ଷ୍ଟୁଆର୍ଟ ବ୍ରଡ୍‌ଙ୍କୁ ଦଣ୍ଡିତ କଲେ ମ୍ୟାଚ୍‌ ରେଫରି କ୍ରିସ୍‌

ଦୁବାଇ, ୧୧ା୮ (ପି.ଟି.)-ମାଞ୍ଚେଷ୍ଟରରେ ପ୍ରଥମ ଟେଷ୍ଟ ମ୍ୟାଚ ବେଳେ ପାକିସ୍ତାନ ସ୍ପିନର ୟାସିର ଶାହାଙ୍କ ଆଉଟ ପରେ ଆପତ୍ତିଜନକ ଭାଷା ବ୍ୟବହାର କରିଥିବାରୁ ଇଂଲଣ୍ଡ ଫାଷ୍ଟ...

କିମ୍ବଦନ୍ତୀ ବ୍ୟାଟ୍ସମ୍ୟାନ ଲାରାଙ୍କ କରୋନା ରିପୋର୍ଟ କ’ଣ ବାହାରିଲା ଜାଣନ୍ତୁ…

ନୂଆଦିଲ୍ଲୀ,୬।୮: ଓ୍ବେଷ୍ଟଇଣ୍ଡିଜ୍‌ କିମ୍ବଦନ୍ତୀ ବ୍ୟାଟ୍ସମ୍ୟାନ ବ୍ରାଏନ ଲାରା କରୋନା ଭାଇରସ୍‌ ଦ୍ୱାରା ସଂକ୍ରମିତ ହୋଇଛନ୍ତି ଓ ସେ ପଜିଟିଭ ବୋଲି ଚର୍ଚ୍ଚା ହେଉଥିଲେ ମଧ୍ୟ ସେ...

Advertisement
Archives

Model This Week