ମୁମ୍ବାଇ: ଅଭିନେତା ସିଦ୍ଧାର୍ଥ ଶୁକ୍ଳାଙ୍କର ଅନ୍ତିମ ସଂସ୍କାର ସରିଛି । ମୁମ୍ବାଇର ଓସିୱାରା ଇଲେକ୍ଟ୍ରିକ ଶବଦାହ ଗୃହରେ ତାଙ୍କର ଅନ୍ତିମ ସଂସ୍କାର କରାଯାଇଛି । ପରିବାର ସଦସ୍ୟଙ୍କ ବ୍ୟତୀତ ଟେଳିଭିଜନ ଦୁନିଆର ବହୁ କଳାକାର ଲୁହଭିଜା ଆଖିରେ ସିଦ୍ଧାର୍ଥଙ୍କ୍ୁ ବିଦାୟ ଦେଇଛନ୍ତି । ସିଦ୍ଧାର୍ଥଙ୍କ ମା’ କୋହକୁ ଛାତିରେ ଚାପି ଧରି ଥର ଥର ହାତରେ ପୁଅକୁ ଶେଷ ବିଦାୟ ଦେଇ ଏକବାର ଭାଙ୍ଗି ପଡିଛନ୍ତି । ଶ୍ମଶାନ ଘାଟରେ ପରିବାର ସଦସ୍ୟଙ୍କ ସହ ଶେହନାଜ ଗିଲଙ୍କୁ ବି ଦେଖିବାକୁ ମିଳିଥିଲା । ସିଦ୍ଧାଥଁଙ୍କ ଅନ୍ତି ସଂସ୍କାର ସମୟରେ ଆକାଶ ବି ଯେମିତି କାନ୍ଦୁଥିଲା ବୋଲି କୁହାଯାଉଛି । କାରଣ ବର୍ଷାରେ ଭିଜି ଭିଜି ତାଙ୍କର ପ୍ରିୟଜନମାନେ ତାଙ୍କୁ ବିଦାୟ ଦେଇଛନ୍ତି । ସୂଚନାଯୋଗ୍ୟ, ଗୁରୁବାର ସକାଳେ ସିଦ୍ଧାର୍ଥଙ୍କର ହୃଦଘାତରେ ମୃତ୍ୟୁ ହୋଇଥିବା ଡାକ୍ତର କହିିଥିଲେ । ବୁଧବାର ରାତିରେ ସେ କିଛି ଔଷଧ ଖାଇ ଶୋଇଥିବା ବେଳେ ସକାଳୁ ଆଉ ନ ଉଠିବାରୁ ତାଙ୍କୁ ବେହୋସ ଅବସ୍ଥାରେ ତାଙ୍କ ଭଉଣି ଭିଣୋଇ ହସ୍ପିଟାଲ ନେଇ ଯାଇଥିଲେ । ହେଲେ ସେତେବେଳକୁ ସିଦ୍ଧାର୍ଥଙ୍କର ମୃତ୍ୟୁ ହୋଇ ସାରିଥିଲା । ଏବେ ସିଦ୍ଧାର୍ଥଙ୍କ ମୃତ୍ୟୁ ସହ ବଲିଉଡ୍ ଅଭିନେତା ସୁଶାନ୍ତ ସିଂ ରାଜପୁତଙ୍କ ମୃତ୍ୟୁର ଖୁବ୍ ସଂଯୋଗ ରହିଛି ବୋଲି କୁହାଯାଉଛି । ସୁଶାନ୍ତ ସିଂ ରାଜପୁତଙ୍କର ଏହି କରୋନା ସମୟରେ ମୃତ୍ୟୁ ହୋଇଥିଲା । ସେ ରାତିରେ ଶୋଇଥିବା ବେଳେ ସକାଳୁ ସକାଳୁ ତାଙ୍କ ମୃତ୍ୟୁ ଖବର ସମସ୍ତଙ୍କୁ ଆଶ୍ଚର୍ଯ୍ୟ କରି ଦେଇଥିଲା । ଠିକ ସେମିତି ହୋଇଛି ସିଦ୍ଧାର୍ଥଙ୍କ କ୍ଷେତ୍ରରେ । ଏପଟେ ସୁଶାନ୍ତଙ୍କ ଅନ୍ତିମ ସଂସ୍କାର ସମୟରେ ମୁମ୍ବାଇ ଆକାଶରେ ବର୍ଷା ହେଉଥିବା ବେଳେ ସିଦ୍ଧାର୍ଥଙ୍କ ଅନ୍ତିମ ସଂସ୍କାର ବେଳେ ବି ସେମିତି ବର୍ଷା ଲାଗି ରହିଥିବା କୁହାଯାଉଛି । ଯାହାର ଫଟୋ ଏବେ ଭାଇରାଲ ହେଉଛି । ଯାହା ବି ହେଉନା କାହିଁକି ଉଭୟ କଳାକାରଙ୍କ ଅସମୟ ମୃତ୍ୟୁ ତାଙ୍କ ପ୍ରିୟ ପରିଜନ ଓ ପ୍ରଶଂସକଙ୍କୁ ବହୁତ ଦୁଃଖ ଦେଇଛି ।
