ତଥାପି ଚେତୁନାହାନ୍ତି

ଭୁବନେଶ୍ୱର, ୮ା୪(ବ୍ୟୁରୋ): ସଂକ୍ରମଣ ପୂରା ରାଜଧାନୀକୁ ବ୍ୟାପିଯାଇଛି। ଚଢ଼ାଉ, ସିଲ୍‌, ଜରିମାନା ସତ୍ତ୍ୱେ ଚେତୁନାହାନ୍ତି ରାଜଧାନୀବାସୀ। ଶିକ୍ଷାନୁଷ୍ଠାନ, କୋଚିଂ ସେଣ୍ଟର, ହୋଟେଲ ସମେତ ସରକାରୀ କାର୍ଯ୍ୟାଳୟରେ ବି ଖୁଲମ୍‌ଖୁଲା କୋଭିଡ୍‌ ନିୟମ ଉଲ୍ଲଂଘନ ହେଉଛି। ଫଳରେ ପୁଣି ସହରରେ ପୂର୍ବର ସ୍ଥିତି ସୃଷ୍ଟି ହେବାର ଆଶଙ୍କା ଦେଖାଦେଇଛି। ପ୍ରତିଦିନ ଶହେ ଉପରେ ଆକ୍ରାନ୍ତ ହେଲେଣି। ତେଣୁ ସ୍ଥିତି ନିୟନ୍ତ୍ରଣ ପାଇଁ ଏବେ ପୋଲିସ ଓ ଭୁବନେଶ୍ୱର ମହାନଗର ନିଗମ (ବିଏମ୍‌ସି) କଡ଼ା ଆଭିମୁଖ୍ୟ ଗ୍ରହଣ କରିଛି। ବୁଧବାର ମଧ୍ୟ ବିଭିନ୍ନ ସ୍ଥାନରେ ଏନ୍‌ଫୋର୍ସମେଣ୍ଟ ଟିମ୍‌ ପଦକ୍ଷେପ ନେଇଛି। ଗୁରୁବାରଠାରୁ ପୋଲିସ ପକ୍ଷରୁ କଡ଼ା ପଦକ୍ଷେପ ଗ୍ରହଣ କରାଯିବ ବୋଲି ସୂଚନା ଦିଆଯାଇଛି।
ପୁଣି ୧୦୫: ବିମାନବନ୍ଦର, ରେଳଷ୍ଟେଶନରୁ ୮ ପଜିଟିଭ
ଗତ ୨୪ ଘଣ୍ଟାରେ ଭୁବନେଶ୍ୱରରୁ ୧୦୩ ଜଣ ଆକ୍ରାନ୍ତ ଚିହ୍ନଟ ହୋଇଥିବାବେଳେ ୨୪ ଜଣ କ୍ୱାରେଣ୍ଟାଇନ୍‌ ସେଣ୍ଟର ଓ ୭୯ଜଣ ସ୍ଥାନୀୟ ଆକ୍ରାନ୍ତ ବୋଲି ଜଣାପଡ଼ିଛି। ସ୍ଥାନୀୟ ସଂକ୍ରମିତଙ୍କ ମଧ୍ୟରୁ ଟଙ୍କପାଣି ରୋଡ୍‌ ଅଞ୍ଚଳରୁ ସର୍ବାଧିକ ୧୧ଜଣ ଚିହ୍ନଟ ହୋଇଥିବାବେଳେ ଖଣ୍ଡଗିରିରୁ ୮ଜଣ ରହିଛନ୍ତି। ଫଳରେ ମୋଟ୍‌ ଆକ୍ରାନ୍ତଙ୍କ ସଂଖ୍ୟା ୩୨,୯୩୫ରେ ପହଞ୍ଚତ୍ଛି। ୬୧୧ଜଣ ସକ୍ରିୟ ରୋଗୀ ରହିଛନ୍ତି। ବିମାନବନ୍ଦରରେ ୨୦୪ ଜଣଙ୍କ ନମୁନା ଟେଷ୍ଟ ହୋଇଥିବାବେଳେ ୪ଜଣଙ୍କର ପଜିଟିଭ୍‌ ବାହାରିଥିଲା। ସେହିପରି ରେଳ ଷ୍ଟେଶନରେ ୧୦୦ଜଣଙ୍କ ଟେଷ୍ଟ ହୋଇଥିବାବେଳେ ୪ଜଣଙ୍କ ପଜିଟିଭ୍‌ ବାହାରିଥିବା ବିଏମ୍‌ସି ପକ୍ଷରୁ ସୂଚନା ଦିଆଯାଇଛି।

ଦୁଇ କନ୍‌ଭେନଶନ ହଲ୍‌ ସିଲ୍‌

ବାରଣ ସତ୍ତ୍ୱେ ବୁଧବାର ଜନପଥସ୍ଥିତ ରାମ ମନ୍ଦିର ପରିସରରେ ଥିବା ଫଙ୍କଶନ୍‌ ହଲ୍‌ରେ ଜନ୍ମଦିନ ପାର୍ଟି ଚାଲିଥିଲା। ଖବରପାଇ ଜୋନାଲ ଡେପୁଟି କମିଶନର (ସାଉଥ୍‌ ଇଷ୍ଟ) ଅଂଶୁମାନ ରଥଙ୍କ ନେତୃତ୍ୱରେ ବିଏମ୍‌ସିର ଏକ ଟିମ୍‌ ଚଢ଼ାଉ କରିଥିଲା। କୋଭିଡ୍‌ କଟକଣା ଉଲ୍ଲଙ୍ଘନ ହେଉଥିବା ଦେଖି ତାହାକୁ ସିଲ୍‌ କରାଯିବା ସହ ପାର୍ଟି ଆୟୋଜକଙ୍କଠାରୁ ବିଏମ୍‌ସି ୫ହଜାର ଟଙ୍କାର ଜରିମାନା ଆଦାୟ କରିଛି। ସେହିପରି ପ୍ରେସିଡେନି୍ସ ହୋଟେଲ କନ୍‌ଭେନ୍‌ଶନ ହଲ୍‌କୁ ସିଲ୍‌ କରିଛି ବିଏମ୍‌ସି। ବିନା ଅନୁମତିରେ ଏଠାରେ ଏକ ବୈଠକ ଚାଲୁଥିବାରୁ ଓ ସେଠାରେ କୋଭିଡ୍‌ ନିୟମ ଉଲ୍ଲଂଘନ ହୋଇଥିବାରୁ ବିଏମ୍‌ସି ଏପରି ପଦକ୍ଷେପ ଗ୍ରହଣ କରିଥିବା ସୂଚନା ଦିଆଯାଇଛି।

ପରୀକ୍ଷା ନ ଥିଲେ ହଷ୍ଟେଲ ଛାଡ଼: ବିଏମ୍‌ସି

ପରୀକ୍ଷା ନ ଥିଲେ ହଷ୍ଟେଲ ଛାଡ଼ିବାକୁ ନିର୍ଦ୍ଦେଶ ଦେଇଛି ବିଏମ୍‌ସି। ଶିକ୍ଷାନୁଷ୍ଠାନଗୁଡ଼ିକ ପାଇଁ ବୁଧବାର ଗାଇଡ଼ଲାଇନ୍‌ ଜାରି କରିଛି ବିଏମ୍‌ସି। ପରୀକ୍ଷା ସରିଥିବା ଓ ପରୀକ୍ଷା ନ ଥିବା ପିଲାଙ୍କୁ ହଷ୍ଟେଲ ଛାଡ଼ିବାକୁ ପରାମର୍ଶ ଦିଆଯାଇଛି। ଶିକ୍ଷାନୁଷ୍ଠାନ କର୍ତ୍ତୃପକ୍ଷ ଅଭିଭାବକଙ୍କୁ ଏ ନେଇ ଜଣାଇବାକୁ ନିର୍ଦ୍ଦେଶ ଦିଆଯାଇଛି। ସେହିଭଳି ଯେଉଁ ପିଲାଙ୍କ ପରୀକ୍ଷା ସରିନି, ସେମାନେ ମଧ୍ୟ ହଷ୍ଟେଲ ଛାଡ଼ିବ ପାଇଁ କୁହାଯାଇଛି। ଯଦି ରହିବା ପାଇଁ ଚାହିଁବେ, ସେମାନେ କରୋନା ଗାଇଡ୍‌ଲାଇନ୍‌କୁ ଠିକ୍‌ ଭାବେ ମାନିବା ଜରୁରୀ। ସୂଚନାଯୋଗ୍ୟ, ଭୁବନେଶ୍ୱରସ୍ଥିତ ଘରୋଇ ଶିକ୍ଷାନୁଷ୍ଠାନ ଏକ୍ସଆଇଏମ୍‌ବିରେ ୪୫ଜଣ କରୋନା ଆକ୍ରାନ୍ତ ଚିହ୍ନଟ ହୋଇଛନ୍ତି। ବିଜେବି, କେନ୍ଦ୍ରୀୟ ବିଦ୍ୟାଳୟ, ନିଟ୍‌, ରେଭେନ୍‌ଶା ସମେତ ରାଜ୍ୟର ବିଭିନ୍ନ ଶିକ୍ଷାନୁଷ୍ଠାନରୁ ମଧ୍ୟ ଅନେକ ଆକ୍ରାନ୍ତ ହେଉଥିବାରୁ ବିଏମ୍‌ସି ସ୍ବତନ୍ତ୍ର ଗାଇଡ୍‌ଲାଇନ୍‌ ଜାରି କରିଛି।

ସର୍ବସାଧାରଣଙ୍କୁ ବିଏମ୍‌ସି, ବିଡିଏ କାର୍ଯ୍ୟାଳୟ ମନା

ସଂକ୍ରମଣ ଏଡ଼ାଇବା ପାଇଁ ବିଏମ୍‌ସି ଓ ବିଡିଏ କାର୍ଯ୍ୟାଳୟକୁ ସାଧାରଣ ଲୋକେ ଆସିବାକୁ ମନା କରାଯାଇଛି। ଆସନ୍ତା ୧୨ରୁ ୩୦ ତାରିଖ ପର୍ଯ୍ୟନ୍ତ ସର୍ବସାଧାରଣଙ୍କ ପାଇଁ ଉଭୟ କାର୍ଯ୍ୟାଳୟ ବନ୍ଦ ରହିବ। ଲୋକଙ୍କ ଅଭିଯୋଗ ପାଇଁ ଉଭୟ କାର୍ଯ୍ୟାଳୟର ହେଲ୍ପ ଲାଇନ୍‌ ନମ୍ବର (ବିଏମ୍‌ସି ପାଇଁ ୦୬୭୪-୨୪୩୧୨୫୩ ଓ ବିଡିଏ ପାଇଁ ୦୬୭୪-୨୩୯୨୨୮୦) ଜାରି କରାଯାଇଛି। ସେହିପରି ବିଏମ୍‌ସିର info@bmc.gov.in ଓ ବିଡିଏର bdabbsr1983@gmail.com ଓ୍ବେବ୍‌ସାଇଟ୍‌ରେ କେବଳ କାର୍ଯ୍ୟ ଦିବସରେ ଅଭିଯୋଗ କରିପାରିବେ।

ଅକ୍ସଫୋର୍ଡ ଇଞ୍ଜିନିୟରିଂ କଲେଜ ସିଲ୍‌

ଶିକ୍ଷାନୁଷ୍ଠାନରେ ସଂକ୍ରମଣ ବ୍ୟାପୁଛି। ପଳାଶପଲ୍ଲୀସ୍ଥିତ ଅକ୍ସଫୋର୍ଡ କଲେଜ ଅଫ୍‌ ଇଞ୍ଜିନିୟରିଂ ଆଣ୍ଡ୍‌ ମ୍ୟାନେଜମେଣ୍ଟରେ କୋଭିଡ୍‌ କଟକଣା ଉଲ୍ଲଂଘନ ହୋଇଥିବାରୁ ବିଏମ୍‌ସି ପକ୍ଷରୁ ସିଲ୍‌ କରାଯାଇଛି। ବିଏମ୍‌ସିର ଦକ୍ଷିଣପଶ୍ଚିମ ଜୋନ୍‌ର ଜୋନାଲ ଏନ୍‌ଫୋର୍ସମେଣ୍ଟ ଟିମ୍‌ ପକ୍ଷରୁ ଏହି ଚଢ଼ାଉ କରାଯାଇ ପଦକ୍ଷେପ ନିଆଯାଇଛି।

 


Enter your email to get our daily news in your inbox.

All Right Reserved By Dharitri.Com

ରାଜ୍ୟରେ କରୋନା ନେଲା ଆଉ ୩ ମୁଣ୍ଡ

ଭୁବନେଶ୍ୱର,୧୮।୭(ବ୍ୟୁରୋ): ରାଜ୍ୟରେ କରୋନା ସଂକ୍ରମଣ ଜନିତ ଶନିବାର ଆଉ ୩ଜଣଙ୍କ ମୃତ୍ୟୁ ଘଟିଛି। ଏହାକୁ ମିଶାଇ ରାଜ୍ୟରେ ମୃତ୍ୟୁ ସଂଖ୍ୟା ୮୬କୁ ବୃଦ୍ଧି ପାଇଛି। ମୃତକଙ୍କ...

ପଞ୍ଜୀକରଣ କଲେଣି ୬୯୩୬ ପ୍ରବାସୀ ଓଡ଼ିଆ

ଏରସମା,୭ା୫ (ସ୍ବ.ପ୍ର.): ଲକ୍‌ଡାଉନ ଯୋଗୁ ବିଭିନ୍ନ ରାଜ୍ୟରେ ଫସି ରହିଥିବା ପ୍ରବାସୀ ଓଡ଼ିଆ ଏବେ ଘରକୁ ଫେରିବାକୁ ତତ୍ପର ହୋଇଛନ୍ତି। ଏହିକ୍ରମରେ ମଙ୍ଗଳବାର ସୁଦ୍ଧା ଜଗତ୍‌ସିଂହପୁର...

୩ ବର୍ଷରେ ୧୦୬ ହରିଣ ଶିକାର

ଭୁବନେଶ୍ୱର, ୩୧।୭(ବ୍ୟୁରୋ): ରାଜ୍ୟରେ ହରିଣ ଶିକାର ଦ୍ରୁତ ଗତିରେ ବଢୁଛି। ଗତ ୩ ବର୍ଷ ମଧ୍ୟରେ ବିଭିନ୍ନ ପ୍ରଜାତିର ୧୦୬ ହରିଣଙ୍କୁ ଶିକାର କରାଯାଇଛି। ମଙ୍ଗଳବାର...

ମାଟ୍ରିକ ପରୀକ୍ଷା ଫଳ: କେନ୍ଦ୍ରାପଡା ଜିଲାରେ କେତେଜଣ ହୋଇଛନ୍ତି କୃତକାର୍ଯ୍ୟ ଜାଣନ୍ତୁ

କେନ୍ଦ୍ରାପଡା ଅଫିସ, ୨୯ା୭-ଓଡିଶା ମାଧ୍ୟମିକ ଶିକ୍ଷା ପରିଷଦ ଦ୍ୱାରା ପରିଚାଳିତ ମାଟ୍ରିକ ପରୀକ୍ଷା ଫଳ ବୁଧବାର ପ୍ରକାଶ ପାଇଛି। କେନ୍ଦ୍ରାପଡା ଜିଲାରେ ଚଳିତ ବର୍ଷ ପାସ...

କରୋନା ଯାଞ୍ଚ ପାଇଁ ଯାଇଥିବା ଡାକ୍ତର, ପୋଲିସ ଉପରେ ପଥରମାଡ଼

ମୁରାଦାବାଦ,୧୫ା୪: ଉତ୍ତରପ୍ରଦେଶର ମୁରାଦାବାଦ ଜିଲାରେ ଡାକ୍ତରୀ ଦଳର ଏକ୍‌ ଟିମ୍‌କୁ ଆକ୍ରମଣ ହୋଇଥିବା ଖବର ସାମ୍ନାକୁ ଆସିଛି। ବୁଧବାର ମୁରାଦାବାଦର ନାଗଫଣୀ ଥାନା ଅନ୍ତର୍ଗତ ହାଜି...

କରୋନା ଆକ୍ରାନ୍ତ ସମ୍ପର୍କୀୟଙ୍କୁ ଦେଖା କରିବାକୁ ମନା କରିବାରୁ ସ୍ତ୍ରୀକୁ ଗୁଳି ମାରିଲେ ସ୍ବାମୀ

ନୋଏଡା, ୧୯।୯: ନୋଏଡାରୁ ଚକିତ୍‌ କଲାଭଳି ଏକ ଘଟଣା ସାମ୍ନାକୁ ଆସିଛି। ସେକ୍ଟର ୧୧୬ରେ ରହୁଥିବା ଶ୍ୱେତା ଯାଦବ ନାମକ ଜଣେ ମହିଳା ତାଙ୍କ ସ୍ବାମୀଙ୍କ...

ଆର୍ଥାରାଇଟିସ୍‌ ଔଷଧ ଦ୍ୱାରା ସମ୍ଭବ କରୋନା ଚିକିତ୍ସା: ୪୮ ଘଣ୍ଟାରେ ହୋଇଥାଏ ଫଳପ୍ରଦ !

ଓ୍ବାଶିଂଟନ,୨୭।୪: କରୋନା ସଂକ୍ରମଣ ନେଇ ପୃଥିବୀରେ ସଙ୍କଟ ଜନକ ସ୍ଥିତି ସୃଷ୍ଟି ହୋଇଛି। ବହୁ ଦେଶରେ ସୁରକ୍ଷା ଦୃଷ୍ଟିରୁ ଲକ୍‌ ଡାଉନ୍‌ ଜାରି ହୋଇଛି। କରୋନା...

କରୋନା ଭାଇରସ: ଭାରତ ପାଇଁ ଗୁରୁତ୍ୱପୁର୍ଣ୍ଣ ମେ’ ମାସ

ନୂଆଦିଲ୍ଲୀ,୩୦।୪: କରୋନା ଭାଇରସର ସଂକ୍ରମଣ ଏପର୍ଯ୍ୟନ୍ତ ଦେଶରେ କମ୍‌ ହୋଇନାହିଁ। ଏପଟେ କିନ୍ତୁ ଆଉ ମାତ୍ର ୩ ଦିନ ପରେ ସରିବ ଲକ୍‌ଡାଉନ ଅବଧି। ଏପଟେ...

Advertisement

BGU

Archives

Model This Week

Why Dharitri