ଲକ୍ଷ୍ନୌ: ବର୍ତ୍ତମାନ ସମୟରେ ଆବର୍ଜନାକୁ ବ୍ୟବହାର କରି ବିଭିନ୍ନ କଳାକୃତି ମାନ ତିଆରି କରାଯାଉଛି। ତେବେ ଜୟପୁରର ମୁକେଶ କୁମାର ଜୱାଲା ନାମକ ଯୁବକ ବ୍ୟାଙ୍କରେ ବ୍ୟବହୃତ ଇ-ବର୍ଜ୍ୟବସ୍ତୁ ଜିନିଷକୁ ଏକାଠି କରି ଏକ ଷ୍ଟାଚ୍ୟୁ ତିଆରି କରିଛନ୍ତି। ଏହାର ଉଚ୍ଚତା ୧୦ ଫୁଟ ରହିଛି। ଷ୍ଟାଚ୍ୟୁର ନାମ ହେଉଛି ‘ମାତ୍ରକ’, ଯାହାର ଅର୍ଥ ଜଣେ ମହିଳା ବା ସୃଷ୍ଟିକର୍ତ୍ତା। ଷ୍ଟାଚ୍ୟୁଟିରେ ଜଣେ ମହିଳା ଚକା ପକାଇ ବସିବା ସହ ହାତ ଯୋଡ଼ିଥିବା ନଜରକୁ ଆସିଛି। ତାଙ୍କ ମୁହଁ ଏସ୍ବିଆଇର ଲୋଗୋ ସଦୃଶ ହୋଇଛି। ଆର୍ଟିଷ୍ଟ୍ ମୁକେଶ ଏହି ଷ୍ଟାଚ୍ୟୁକୁ ତିଆରି କରିବା ପାଇଁ କମ୍ପ୍ୟୁଟରର ବିଭିନ୍ନ ସରଞ୍ଜାମ ଯଥା ୨୫୦ ଡେକ୍ସଟପ୍, ୨୦୦ ମଦର ବୋର୍ଡ, ଡେବିଡ୍ ଓ କ୍ରେଡିଟ୍ କାର୍ଡ, ମାଉସ୍, ଡିଭିଡି ରାଇଟର୍ ସହ ବ୍ୟାଙ୍କରେ ବ୍ୟବହୃତ ଇ-ବର୍ଜ୍ୟବସ୍ତୁ ବ୍ୟବହାର କରିଛନ୍ତି। ଏହାକୁ ତିଆରି କରିବା ପାଇଁ ତାଙ୍କ ଟିମ୍କୁ ଏକ ମାସ ସମୟ ଲାଗିଥିଲା।
