ଭୁବନେଶ୍ୱର,୧୫।୯(ବ୍ୟୁରୋ): ଲୁଟ୍ କରିବାରେ ବିଫଳ ହେବାରୁ ବୁଧବାର ଜଣେ ବ୍ୟକ୍ତିଙ୍କୁ ଲୁଟେରାମାନେ ଛୁରାମାଡ କରି ଫେରାର ହୋଇଯାଇଛନ୍ତି। ଏପରି ଏକ ଘଟଣା ଘଟିଛି ତମାଣ୍ଡୋ ଥାନା ଅଞ୍ଚଳରେ । ଆକ୍ରମଣର ଶିକାର ହୋଇଛନ୍ତି ସ୍ଥାନୀୟ ଥାନା ବାଲିଆପଡାର ଭରତ ସାହୁ। ଭରତଙ୍କ ମୁଣ୍ଡରେ ଗଭୀର କ୍ଷତ ହୋଇଛି। ତାଙ୍କୁ ଗୁରୁତର ଅବସ୍ଥାରେ ଏମ୍ସ ହସ୍ପିଟାଲରେ ଭର୍ତ୍ତି କରାଯାଇଛି। ଅନ୍ୟପକ୍ଷରେ ଏହି ଘଟଣାକୁ ନେଇ ଘଟଣାସ୍ଥଳରେ ଉତ୍ତେଜନା ଦେଖା ଦେଇଥିଲା। ଲୁଟେରାଙ୍କୁ ଗିରଫ ଦାବିରେ ବାଲିଆପଡାର ଗ୍ରାମବାସୀମାନେ ନଂ ୧୬ ଜାତୀୟ ରାଜପଥକୁ ଅବରୋଧ କରିବାରୁ ଦେଢ ଘଣ୍ଟା ଧରି ଉଭୟପଟୁ ଯାନବାହନ ଅଟକି ରହିଥିଲା। ପୋଲିସ ଘଟଣାସ୍ଥଳରେ ପହଞ୍ଚି ଲୋକଙ୍କୁ ବୁଝାଶୁଝା ପରେ ପରିସ୍ଥିତି ସ୍ବଭାବିକ ହୋଇଥିଲା। ଭରତପୁର ଥାନାଠାରୁ ମାତ୍ର ୫୦୦ ମିଟର ଦୂରରେ ଏହି ଘଟଣା ଘଟିଥିବାରୁ ଲୁଟେରାମାନେ ପୋଲିସକୁ ଭୟ କରୁ ନ ଥିବା ସ୍ପଷ୍ଟ ହୋଇଛି। ଏନେଇ ପୋଲିସ ଏକ ମାମଲା ରୁଜୁ କରି ଘଟଣାର ତଦନ୍ତ ଆରମ୍ଭ କରିଛି।
