ମୁମ୍ବାଇ,୧୩।୪: ଆଇପିଏଲ୍ ୨୦୨୨ରେ ଗୁଜରାଟ ଟାଇଟାନ୍ସର ଅଧିନାୟକ ହାର୍ଦ୍ଦିକ ପାଣ୍ଡ୍ୟାଙ୍କ ଜଣେ ପ୍ରଶଂସକ ଟୁଇଟରରେ ବହୁତ ଟ୍ରେଣ୍ଡ କରୁଛନ୍ତି। ନିକଟରେ ଏହି ପ୍ରଶଂସକ ସନରାଇଜର୍ସ ହାଇଦ୍ରାବାଦ (ଏସ୍ଆର୍ଏଚ୍) ବିପକ୍ଷ ମ୍ୟାଚରେ ଏକ ନିଆରା ପୋଷ୍ଟର ଧରି ଆସିଥିଲେ। ଏପ୍ରିଲ ୧୧ରେ ସନରାଇଜର୍ସ ହାଇଦ୍ରାବାଦ ବନାମ ଗୁଜରାଟ ଟାଇଟାନ୍ସ ମ୍ୟାଚ ସମୟରେ ହାର୍ଦ୍ଦିକ ପାଣ୍ଡ୍ୟାଙ୍କ ଏହି ପ୍ରଶଂସକ ଏକ ପୋଷ୍ଟର ଦେଖାଉଥିଲେ। ଏଥିରେ ଲେଖାଥିଲା, ଯଦି ହାର୍ଦ୍ଦିକ ଆଜି ୫୦ ପୂରଣ କରନ୍ତି, ତେବେ ମୁଁ ମୋର ଚାକିରି ଛାଡିଦେବି। କୌତୁହଳର ବିଷୟ ହେଉଛି ଏହି ମ୍ୟାଚରେ ପାଣ୍ଡ୍ୟା ମଧ୍ୟ ଅର୍ଦ୍ଧଶତକ ହାସଲ କରିଥିଲେ।
ପାଣ୍ଡ୍ୟା ସନରାଇଜର୍ସ ହାଇଦ୍ରାବାଦ ବିପକ୍ଷରେ ୪୨ ବଲରୁ ୫୦ ରନର ଇନିଂସ ଖେଳିଥିଲେ। ସେ ମଧ୍ୟ ଏହି ଇନିଂସରେ ୪ ଚୌକା ଓ ଗୋଟିଏ ଛକା ମାରିଥିଲେ। ହାର୍ଦ୍ଦିକ ପାଣ୍ଡ୍ୟାଙ୍କ ଅର୍ଦ୍ଧଶତକ ପରେ ଏହି ମ୍ୟାଚରେ ପୋଷ୍ଟର ଦେଖାଉଥିବା ବ୍ୟକ୍ତି ସୋସିଆଲ ମିଡିଆରେ ଟ୍ରେଣ୍ଡ କରୁଛନ୍ତି। ପ୍ରଶଂସକମାନେ ଏହି ଯୁବକଙ୍କୁ ଟ୍ରୋଲ କରୁଛନ୍ତି। ଏହି ପୋଷ୍ଟର ଦେଖାଉଥିବା ବ୍ୟକ୍ତି କେଉଁଠାରେ ଅଛନ୍ତି? ସେ ଚାକିରିରୁ ଇସ୍ତଫା ଦେଇଛନ୍ତି କି? ପ୍ରଶଂସକମାନେ ବର୍ତ୍ତମାନ ସୋସିଆଲ ମିଡିଆରେ ଏଭଳି ଆଲୋଚନା କରୁଛନ୍ତି।
How do we think this guy is doing now? 😅 pic.twitter.com/q5fmUSonAn
— Sky Sports Cricket (@SkyCricket) April 11, 2022
Well, @hardikpandya7 delivered.. Will this guy actually quit his job? 😅 #SRHvGT #IPL2022 pic.twitter.com/L0vsMoVgkT
— Crickstore (@Crickstore) April 11, 2022
