ଅହମଦାବାଦ,୯ା୧୧: ଆଫଗାନିସ୍ତାନ ଏବଂ ସେମି ଫାଇନାଲରେ ପହଞ୍ଚି ସାରିଥିବା ଦକ୍ଷିଣ ଆଫ୍ରିକା ମଧ୍ୟରେ ଶୁକ୍ରବାର ବିଶ୍ୱକପର ୪୨ ତମ ମ୍ୟାଚ୍ ଖେଳାଯିବ। ଏହି ମ୍ୟାଚ୍କୁ ଜିତିବା ସହିତ ସେମି ଫାଇନାଲ ଦୌଡରେ ନିଜକୁ ବଜାୟ ରହିବା ପାଇଁ ଆଫଗାନିସ୍ତାନ ପ୍ରୟାସ କରିବ।
ଅନ୍ୟପକ୍ଷେ ଦକ୍ଷିଣ ଆଫ୍ରିକା ରନ୍ ପିଛା କରିବାରେ ଦୁର୍ବଳତା ଏଡାଇବାକୁ ଚେଷ୍ଟା କରିବ। ଆଫଗାନିସ୍ତାନ ୮ ପଏଣ୍ଟ ସହିତ ପଏଣ୍ଟ ଟେବୁଲର ଷଷ୍ଠ ସ୍ଥାନରେ ରହିଛି। ତେବେ ଏହାର ନେଟ୍ ରନରେଟ୍ ନ୍ୟୁଜିଲାଣ୍ଡ ଓ ପାକିସ୍ତାନ ତୁଳନାରେ ପଛୁଆ ରହିଛି। ଅଷ୍ଟ୍ରେଲିଆ ବିପକ୍ଷ ମ୍ୟାଚ୍ରେ ଦୃଢ ସ୍ଥିତିରୁ ଆସି ପରାଜିତ ହେବା ପରେ ଦଳ ଏକ ବୃହତ ବିଜୟ ଆଶା ଲକ୍ଷ୍ୟ ରଖିବାକୁ ଆଶା ରଖିଛି। ଏହା ସହିତ ଅନ୍ୟ ଦଳର ଫଳାଫଳ ସପକ୍ଷରେ ଯିବା ନେଇ ମଧ୍ୟ ଆଶା ରହିବ।
ଚଳିତ ଟୁର୍ନାମେଣ୍ଟରେ ଡିଫେଣ୍ଡିଂ ଚାମ୍ପିୟନ ଇଂଲଣ୍ଡ, ପାକିସ୍ତାନ ଏବଂ ଶ୍ରୀଲଙ୍କା ଟିମ୍କୁ ଧରାଶାୟୀ କରିଥିବା ବେଳେ ୫ ଥର ବିଶ୍ୱ ଚାମ୍ପିୟନ ଅଷ୍ଟ୍ରେଲିଆକୁ ମଧ୍ୟ ପାଣି ପିଆଇ ଦେଇଛି ଆଫଗାନିସ୍ତାନ। ଶେଷ ମ୍ୟାଚ୍ରେ ଅଷ୍ଟ୍ରେଲିଆ ବିପକ୍ଷ ପ୍ରଦର୍ଶନ ପରେ ଆଉ ଏକ ଚମତ୍କାର ପ୍ରତ୍ୟାବର୍ତ୍ତନ କରିବାକୁ ଦଳ ଆଶା ରଖିବ। ସେମି ଫାଇନାଲ ପାଇଁ ଦଳ ନିକଟରେ ଏହା ଶେଷ ସୁଯୋଗ ହୋଇଥିବା ବେଳେ ହସମତୁଲ୍ଲା ଶାହିଦିଙ୍କ ଦଳ ଏକ ଅନ୍ତିମ ପ୍ରୟାସ କରିବ।
