Posted inଜାତୀୟ

ସୋରେନଙ୍କୁ ଘାରିଛି ବିଧାୟକଙ୍କ ବାଡ଼ ଡେଇଁବା ଭୟ…

ରାଞ୍ଚି,୩୦।୮ : ଝାଡଖଣ୍ଡରେ ରାଜନୈତିକ ସଙ୍କଟ ଜାରି ରହିଛି। ମୁଖ୍ୟମନ୍ତ୍ରୀ ହେମନ୍ତ ସୋରେନ ତାଙ୍କ ବିଧାୟକ କାଳେ ଦଳ ବାଡ଼ ଡେଇଁ ଅନ୍ୟ ଦଳରେ ମିଶିବେ ଭୟରେ ରହିଛନ୍ତି। ତେଣୁ ସେ ବିଧାୟକଙ୍କ ପଛ ଛାଡୁ ନାହାଁନ୍ତି। ଗଣମାଧ୍ୟମ ରିପୋର୍ଟରେ କୁହାଯାଇଛି ଯେ ବର୍ତ୍ତମାନ ସମସ୍ତ ବିଧାୟକ ଛତିଶଗଡର ରାଜଧାନୀ ରାୟପୁରକୁ ସ୍ଥାନାନ୍ତର କରିବାକୁ ପ୍ରସ୍ତୁତ ହେଉଛନ୍ତି।

ଏନେଇ ଇଣ୍ଡିଗୋ ବିମାନ ପାଇଁ ମଧ୍ୟ ବୁକ କରାଯାଇଛି। ସୋରେନ ତାଙ୍କର ସମସ୍ତ ବିଧାୟକଙ୍କ ସହ ରାଞ୍ଚି ଠାରୁ ପ୍ରାୟ ୩୦ କିଲୋମିଟର ଦୂରରେ ଖୁଣ୍ଟିରେ ପହଞ୍ଚିଥିଲେ ଏବଂ ଲତରାତୁ ଡ୍ୟାମ ନିକଟ ଏକ ହ୍ରଦରେ ଡଙ୍ଗା ବୁଲୀବାକୁ ଯାଉଥିବାର ଦେଖାଯାଇଥିଲା।

ଗଣମାଧ୍ୟମ ରିପୋର୍ଟ ଅନୁଯାୟୀ, ବର୍ତ୍ତମାନ ମହାମେଣ୍ଟର ସମସ୍ତ ବିଧାୟକଙ୍କୁ ପୁଣି ଥରେ ମୁଖ୍ୟମନ୍ତ୍ରୀଙ୍କ ବାସଭବନକୁ ଡକାଯାଇଛି। ରାଞ୍ଚି ବିମାନବନ୍ଦରରେ ବିଧାୟକଙ୍କ ପାଇଁ ଇଣ୍ଡିଗୋର ସ୍ବତନ୍ତ୍ର ବିମାନ ପ୍ରସ୍ତୁତ ରହିଛି। ବିମାନଟି ର୍ବିସା ମୁଣ୍ଡା ବିମାନବନ୍ଦରରେ ଅପରାହ୍ନ ୫ ଟାରେ ପହଞ୍ଚିବ ।

ବରିଷ୍ଠ ଜେଏମଏମ ବିଧାୟକ ତଥା ମନ୍ତ୍ରୀ ଚମ୍ପଇ ସୋରେନ ଏକ ଗଣମାଧ୍ୟମ ସମ୍ମିଳନୀରେ କହିଛନ୍ତି ଯେ ବିଧାନସଭାର ସଦସ୍ୟତା ରଦ୍ଦ କରିବାକୁ ମୁଖ୍ୟମନ୍ତ୍ରୀଙ୍କୁ କୁହାଯାଉଛି, ଏହା କେବଳ କଳ୍ପନାଜଳ୍ପନା କିନ୍ତୁ ତାଙ୍କ ସଦସ୍ୟତା ଏପର୍ଯ୍ୟନ୍ତ ବାତିଲ ହୋଇନାହିଁ। ଏଥିସହ ସେ କହିଛନ୍ତି ଯେ ଝାଡଖଣ୍ଡରେ ସରକାର ପୂର୍ଣ୍ଣ ସଂଖ୍ୟାଗରିଷ୍ଠତା ସହ କାର୍ଯ୍ୟ କରୁଛନ୍ତି। ଚମ୍ପଇ କହିଛନ୍ତି ଯେ ଆଲୋଚନା ହେଉଛି ନିର୍ବାଚନ କମିଶନଙ୍କ ନିକଟ ଚିଠି ଆସିଛି। କିନ୍ତୁ ରାଜ୍ୟପାଳ ଏପର୍ଯ୍ୟନ୍ତ କିଛି କହି ନାହାଁନ୍ତି। ଗଣତନ୍ତ୍ରରେ ଏହା ଲୋକଙ୍କ ପ୍ରତି ଅପମାନ। ଏକ ସ୍ଥିତି ସୃଷ୍ଟି କରାଯାଉଛି ଯେପରି ଏକ ବଡ ଘଟଣା ଘଟିବାକୁ ଯାଉଛି।

ଚମ୍ପଇ କହିଛନ୍ତି ଯେ ବର୍ତ୍ତମାନ ଦିଲ୍ଲୀରେ ବିଧାୟକଙ୍କ କିଣା ବିକା ହେଉଥିବା ନେଇ ଚର୍ଚ୍ଚା ଜୋର ଧରିଛି। ସେ କହିଛନ୍ତି ଯେ ପୂର୍ବରୁ ମଧ୍ୟ ମହାରାଷ୍ଟ୍ରରେ ଏଭଳି ଅବସ୍ଥା ଦେଖିବାକୁ ମିଳିଥିଲା। ସେ ପ୍ରଶ୍ନ କରିଛନ୍ତି ଏଭଳି ସ୍ଥିତି ସୃଷ୍ଟି କରିବାର ଉଦ୍ଦେଶ୍ୟ କ’ଣ? ଯଦି ରାଜ୍ୟପାଳଙ୍କ ନିକଟକୁ କୌଣସି ଚିଠି ଆସିଛି, ତେବେ ଏହାକୁ ସାମ୍ନାକୁ ଆଣିବା ଉଚିତ। ସମଗ୍ର ଦେଶ ଏହା ଉପରେ ନଜର ରଖିଛି। ସମସ୍ତ ବିଧାୟକଙ୍କୁ ଏକାଠି ଦେଖି ଭାଜପା ସହ୍ୟ କରିପାରୁ ନାହିଁ।

ରାଜ୍ୟକୁ ଅରାଜକତା ଅବସ୍ଥାରେ ଠେଲି ଦିଆଯାଉଛି। ହେମନ୍ତ ସୋରେନଙ୍କ ଲୋକପ୍ରିୟତାକୁ ଭାଜପା ସହ୍ୟ କରି ପାରୁନାହିଁ। କଂଗ୍ରେସ ନେତା ତଥା ମନ୍ତ୍ରୀ ବନ୍ନା ଗୁପ୍ତା ଭାଜପାର ଯୋଜନାବଦ୍ଧ ଷଡଯନ୍ତ୍ର ଆଧାରରେ ଏଭଳି କାର୍ଯ୍ୟ କରାଯାଉଛି। ଆଜିର ପରିସ୍ଥିତି ଗଣତନ୍ତ୍ରର ଏକ ଅନ୍ଧକାର ଅଧ୍ୟାୟ। ସାମ୍ବିଧାନିକ ଅନୁଷ୍ଠାନଗୁଡ଼ିକର ନିଷ୍ପତ୍ତି ଉପରେ ଏବେ ପ୍ରଶ୍ନ ଉଠିଛି। ଆମେ ଭୟ କରୁ ନାହୁଁ। ପ୍ରତ୍ୟେକ ଅନ୍ୟାୟର ପ୍ରତିଶୋଧ ନିଆଯିବ।


Enter your email to get our daily news in your inbox.

All Right Reserved By Dharitri.Com

ବାଘ-ମଣିଷ ଲଢେଇ ରୋକିବ ସୁଗନ୍ଧିତ ଗଛ

ବାଘ-ମଣିଷ ଲଢେଇ ଅଭୟାରଣ୍ୟରେ କିଛିନୂଆ କଥା ନୁହେଁ। ଏମିତି ଲଢେଇ ଉତ୍ତରପ୍ରଦେଶର ପିଲିଭିଟ ବ୍ୟାଘ୍ର ଅଭୟାରଣ୍ୟର ସୀମାରେ ବେଶି ହେଉଛି। ସୀମାବର୍ତ୍ତୀ ଗାଁମାନଙ୍କରେ ଚାଷୀମାନେ ବେଶି...

ମହାରାଷ୍ଟ୍ର ନିର୍ବାଚନ ପାଇଁ କଂଗ୍ରେସର ପ୍ରସ୍ତୁତି: ୫ ବରିଷ୍ଠ ନେତାଙ୍କୁ ମିଳିଲା ଦାୟିତ୍ୱ

ପୁନେ,୨୦।୯: ଆସନ୍ତା ମାସରେ ମହାରାଷ୍ଟ୍ର ବିଧାନସଭା ନିର୍ବାଚନ ହେବାକୁ ଥିବାବେଳେ ବିଭିନ୍ନ ଦଳ ପକ୍ଷରୁ ପ୍ରସ୍ତୁତି ଆରମ୍ଭ ହୋଇଯାଇଛି। ଗତ ଲୋକ ସଭା ନିର୍ବାଚନ ପରାଜୟକୁ...

ସୁପ୍ରିମ୍‌କୋର୍ଟ ପ୍ରଧାନ ବିଚାରପତି- ଅନ୍ୟ ବିଚାରପତିଙ୍କ ସୁବିଧା ସୁଯୋଗ ବଢ଼ାଇଲେ କେନ୍ଦ୍ର ସରକାର…

ନୂଆଦିଲ୍ଲୀ, ୨୩।୮ : ବିଚାରପତିଙ୍କ ଦରମା ଭତ୍ତା ଏବଂ ସେବା ନିୟମର ଅଧିନିୟମ ୧୯୫୮ରେ କେନ୍ଦ୍ର ସରକାର ସଂଶୋଧନ କରିଛନ୍ତି। ଏହା ଅନ୍ତର୍ଗତ ସୁପ୍ରିମ୍‌କୋର୍ଟ ପ୍ରଧାନ...

ସାହିନ ବାଗରୁ ୪୦୦କୋଟିର ହେରୋଇନ୍‌ ଜବତ

ନୂଆଦିଲ୍ଲୀ,୨୮।୪: ଦିଲ୍ଲୀ ସ୍ଥିତ ସାହିନ ବାଗ ଅଞ୍ଚଳରୁ ନାର୍କୋଟିକ୍ସ କଣ୍ଟ୍ରୋଲ ବ୍ୟୁରୋ(ଏନ୍‌ସିବି)କୁ ଏକ ବଡ଼ ସଫଳତା ମିଳିଛି। ସାହିନ ବାଗର ଜାମିଆ ଅଞ୍ଚଳରେ ଏନ୍‌ସିବି ଟିମ୍‌...

ଦେଶର ସର୍ବୋଚ୍ଚ ପଦବୀ ମିଳିବ ବୋଲି ସ୍ବପ୍ନରେ ବି ଚିନ୍ତା କରି ନ ଥିଲି: ରାଷ୍ଟ୍ରପତି…

ଲକ୍ଷ୍ନୌ/କାନପୁର/ଦେହାତ୍‌,୨୭।୬: ଦେଶର ସର୍ବୋଚ୍ଚ ପଦବୀ ମିଳିବ ବୋଲି ସ୍ବପ୍ନରେ ମଧ୍ୟ ଚିନ୍ତା କରି ନ ଥିଲି। ରବିବାର ଉତ୍ତରପ୍ରଦେଶ କାନପୁରର ଦେହାତ୍‌ ଜିଲାର ନିଜ ଜନ୍ମସ୍ଥଳୀ...

ଟ୍ରକ୍‌-ଅଟୋରିକ୍ସା ଧକ୍କା, ୭ ମୃତ, ମୃତକଙ୍କ ପରିବାର ପାଇଁ ୨ ଲକ୍ଷ ଟଙ୍କା ସହାୟତା ଘୋଷଣା କଲେ ପ୍ରଧାନମନ୍ତ୍ରୀ…

ବଡୋଦରା,୪।୧୦ : ଗୁଜରାଟର ବଦୋଦରାଠାରେ ଏକ ମର୍ମନ୍ତୁଦ ଦୁର୍ଘଟଣା ଘଟିଛି। ବାୟୁସେନା ଷ୍ଟେଶନ ଦାର୍ଜିପୁରା ନିକଟରେ ଏକ ଅଟୋରିକ୍ସା ଏବଂ ଟ୍ରକ୍‌ ମଧ୍ୟରେ ଧକ୍କା ହୋଇଛି।...

ହାଇକମାଣ୍ଡଙ୍କୁ ପ୍ରଶ୍ନ କଲେ ସିବଲ

ନୂଆଦିଲ୍ଲୀ,୨୯ ।୯: ପଞ୍ଜାବ କଂଗ୍ରେସରେ ଚାଲିଥିବା ସଂଘର୍ଷକୁ ନେଇ ଏବେ ସାରା ଦେଶରେ କଂଗ୍ରେସ ପାର୍ଟି ଚିନ୍ତାରେ ପଡିଯାଇଛି । ଏହାକୁ ନେଇ କଂଗ୍ରେସର ବରିଷ୍ଠ...

ବିଭେଦ ସୃଷ୍ଟି କରୁଛି ଭାଜପା ସରକାର: ସୋନିଆ

ରାଏବରେଲି,୨୨।୨: ଭାଜପା ନେତୃତ୍ୱାଧୀନ ସରକାର ଲୋକଙ୍କ ମଧ୍ୟରେ ବିଭେଦର ମଞ୍ଜି ବୁଣିବା ବ୍ୟତୀତ ଅନ୍ୟ କିଛି କରୁନାହିଁ ବୋଲି କଂଗ୍ରେସ ଅଧ୍ୟକ୍ଷା ସୋନିଆ ଗାନ୍ଧୀ ସୋମବାର...

Advertisement
Archives

Model This Week