ମୁମ୍ବାଇ: ବଲିଉଡ ଅଭିନେତା ସୋହେଲ ଖାଁ ଓ ପତ୍ନୀ ସୀମା ଖାଁ ପରସ୍ପରଠାରୁ ଅଲଗା ହେବାକୁ ଯାଉଛନ୍ତି । ବିବାହର ୨୪ ବର୍ଷ ପରେ ଏମାନେ ଅଲଗା ହେବାକୁ ଯାଉଛନ୍ତି । ଶୁକ୍ରବାର ଏମାନଙ୍କୁ ଫ୍ୟାମିଲ କୋର୍ଟ ବାହାରେ ଦେଖିବାକୁ ମିଳିଥିଲା । ଏହାର କିଛି ଫଟୋ ଏବେ ଭାଇରାଲ ହେବାରେ ଲାଗିଛି ।
ଇଟାଇମର ରିପୋର୍ଟ ଅନୁଯାୟୀ, ଫ୍ୟାମିଲ କୋର୍ଟର ଏକ ସୂତ୍ରରୁ ଜଣାପଡିଛି କି ସୋହେଲ ଖାଁ ଓ ସୀମା ଖାଁ ଶୁକ୍ରବାର କୋର୍ଟକୁ ଆସିଥିଲେ । ଉଭୟ ତଲାକ ଫାଇଲ କରିଛନ୍ତି । କୋର୍ଟରେ ଉଭୟ ସାଙ୍ଗ ଭଳି ନଜର ଆସିଥିଲେ । ତେବେ ତଲାକ ଫାଇଲ କରିବା ପରେ ଉଭୟ ଅଲଗା ଅଲଗା ଗାଡିରେ ଫେରିଯାଇଥିଲେ । ଏବେ ଉଭୟଙ୍କ ଫଟୋ ସୋସିଆଲ ମିଡିଆରେ ଭାଇରାଲ ହେଉଥିବା ବେଳେ ସୋହେଲଙ୍କ ଚାରିପଟେ ସିକ୍ୟୁରିଟି ନଜର ଆସିଛନ୍ତି ।
ସୂଚନାଯୋଗ୍ୟ, ସୋହେଲ ଖାଁ ଓ ସୀମା ଖାଁ ୧୯୯୮ରେ ବିବାହ କରିଥିଲେ । ଏମାନଙ୍କର ୨ଟି ସନ୍ତାନ ନିର୍ବାଣ ଓ ୟେହୋନ ରହିଛନ୍ତି । ୨୦୧୭ରେ ଏକ ରିପୋର୍ଟରୁ ଜଣାପଡିଥିଲା କି ଏମାନେ ପରସ୍ପରଠାରୁ ଅଲଗା ହେବାକୁ ଯାଉଛନ୍ତି । ହେଲେ ଏବେ ଏମାନେ ତଲାକ ଫାଇଲ କରିଛନ୍ତି ବୋଲି ଜଣାପଡିଛି ।
