କଲମ୍ବୋ,୨୦।୭: ଆରମ୍ଭରୁ ଭାରତୀୟ ବୋଲରଙ୍କୁ ସଫଳତା ମିଳି ନ ଥିଲା। କିନ୍ତୁ ୟୁଜବେନ୍ଦ୍ର ଚହଲ, ଦୀପକ ଚହର ଓ ଭୁବନେଶ୍ୱର କୁମାରଙ୍କ ବଳରେ ମ୍ୟାଚ୍କୁ ପ୍ରତ୍ୟାବର୍ତ୍ତନ କରିଥିଲା ଟିମ୍ ଇଣ୍ଡିଆ। ଶେଷ ଆଡ଼କୁ ଚାମିକା କରୁଣାରତ୍ନେଙ୍କ ଉପଯୋଗୀ ୪୪ ରନ୍ର ଇନିଂସ ଯୋଗୁ ଘରୋଇ ଶ୍ରୀଲଙ୍କା ଶିଖର ଧାଓ୍ବନଙ୍କ ନେତୃତ୍ୱାଧୀନ ଟିମ୍ ଇଣ୍ଡିଆ ଆଗରେ ଛିଡ଼ା କରିଛି ୨୭୬ ରନ୍ର ଚ୍ୟାଲେଞ୍ଜିଂ ଟାର୍ଗେଟ।
୫୦ ଓଭରରେ ଶ୍ରୀଲଙ୍କା ୯ ଉଇକେଟ ହରାଇ ୨୭୫ ରନ୍ କରିଛି। ଦଳ ପାଇଁ ଧନଞ୍ଜୟ ଡି ସିଲଭା (୩୨), ଚାରିଥ ଅସାଲାଙ୍କା (୬୫), ଅଭିଷ୍କା ଫର୍ନାଣ୍ଡୋ (୫୦) ଓ ମିନୋଦ ଭାନୁକା (୩୬) ଗୁରୁତ୍ୱପୂର୍ଣ୍ଣ ଯୋଗଦାନ ଦେଇଥିଲେ। ଭାରତ ପାଇଁ ବୋଲିଂରେ ଭୁବନେଶ୍ୱର ଓ ଚହଲ ୩ ଲେଖାଏ ଉଇକେଟ ହାତେଇଥିଲେ। ଦୀପକ ୨ ଉଇକେଟ ନେଇଥିବା ବେଳେ ଖାଲି ହାତରେ ଫେରିଥିଲେ କୁଲଦୀପ ଯାଦବ, ହାର୍ଦ୍ଦିକ ଓ କ୍ରୁନାଲ ପାଣ୍ଡ୍ୟା।
