ନୂଆଦିଲ୍ଲୀ,୫।୧୨: ଦେଶର ପ୍ରମୁଖ ଅଟୋମୋବାଇଲ କମ୍ପାନୀ ‘ସ୍କୋଡା ଅଟୋ ଇଣ୍ଡିଆ’ ପକ୍ଷରୁ ୨୦୨୨ ନଭେମ୍ବର ମାସର ଗାଡି ସମ୍ପର୍କିତ ସୂଚନା ପ୍ରଦାନ କରାଯାଇଛି। ଏପରିକି ଚଳିତ ବର୍ଷ ନଭେମ୍ବରରେ କମ୍ପାନୀ ଏକ ନୂତନ ଶିଖର ହାସଲ କରିଛି। ବିଶେଷ କରି ଗତ ମାସରେ କମ୍ପାନୀ ୪,୪୩୩ ୟୁନିଟ ବିକ୍ରି ପଞ୍ଜୀକୃତ କରିଛି। ଫଳସ୍ବରୂପ ଗତ ବର୍ଷ ସମାନ ଅବଧି ମଧ୍ୟରେ ବିକ୍ରି ହୋଇଥିବା ୨,୧୯୬ କାର୍ ତୁଳନାରେ ୧୦୨% ବୃଦ୍ଧି ଘଟିଛି। ଏହି ବର୍ଦ୍ଧିତ ବିକ୍ରୟ ଯୋଗୁ କମ୍ପାନୀ ୨୦୨୧ର ବାର୍ଷିକ ବିକ୍ରି ତୁଳନାରେ ୨୦୨୨ରେ ଆଉ ଏକ ରେକର୍ଡ ସହ ଏକ ମାସ ପୂର୍ବରୁ ଗାଡି ବିକ୍ରିକୁ ଦ୍ୱିଗୁଣିତ କରିସାରିଛି ।
ଏ ସମ୍ପର୍କରେ ସ୍କୋଡା ଅଟୋ ଇଣ୍ଡିଆ’ର ବ୍ରାଣ୍ଡ୍ ନିର୍ଦ୍ଦେଶକ ପିଟର ସ୍ଲୋକ କହିଛନ୍ତି, ଆମେ ଆମର ସର୍ବକାଳୀନ ଉଚ୍ଚ ବିକ୍ରୟ ରେକର୍ଡର ଲ୍ୟାଣ୍ଡମାର୍କ ଅତିକ୍ରମ କରିସାରିଛୁ। ଏପରିକି ଭାରତ ସ୍କୋଡା ଅଟୋ ପାଇଁ ୩ୟ ବୃହତ୍ତମ ବଜାର ହୋଇ ରହିଛୁ। ଏପରିକି ଆମେ କ୍ରମାଗତ ଭାବେ ଆମର ଅଭିବୃଦ୍ଧିର ସମ୍ବେଗ ବଜାୟ ରଖିଛୁ ଏବଂ ଏକ ନୂତନ ଉଚ୍ଚତାରେ ଏହି ବର୍ଷକୁ ଶେଷ କରିବାକୁ ଅପେକ୍ଷା କରିଛୁ। ଉଲ୍ଲେଖଯୋଗ୍ୟ ଯେ ଚଳିତ ବର୍ଷ ଜାନୁୟାରୀରୁ ନଭେମ୍ବର ଶେଷ ସୁଦ୍ଧା ସ୍କୋଡା ଅଟୋ ଇଣ୍ଡିଆ ୪୮,୯୩୩ ୟୁନିଟ ଗାଡି ବିକ୍ରି କରିଛି, ଯାହାକି ୨୦୨୧ରେ ବାର୍ଷିକ ବିକ୍ରି ହେଇଥିବା ୨୩,୮୫୮ କାରର ଦୁଇଗୁଣରୁ ଅଧିକ ଅଟେ ।
ଏହା ମଧ୍ୟ କମ୍ପାନୀକୁ ୨୦୨୨ ପାଇଁ ବାର୍ଷିକ ୫୦,୦୦୦କାର ଲକ୍ଷ୍ୟର ନିକଟତର କରିଛି ।
