ଲଣ୍ଡନ,୧୫ ।୧: ଲଣ୍ଡନର ଏକ ଚର୍ଚ୍ଚ ନିକଟରେ ଶନିବାର ହୋଇଥିବା ଗୁଳିକାଣ୍ଡରେ ଆହତଙ୍କ ସଂଖ୍ୟା ୬ରେ ପହଞ୍ଚିଛି । ଏହାର ସୂଚନା ଲଣ୍ଡନର ମେଟ୍ରୋପଲିଟାନ ପୋଲିସ ପକ୍ଷରୁ ଦିଆଯାଇଛି । ପୋଲିସ ଏକ ବୟାନରେ କହିଛି, ଫିନିକ୍ସ ରୋଡ, ଏନଡବ୍ଲୁ ୧ରେ ଦ୍ୱିପ୍ରହର ସମୟରେ ଗୁଳିକାଣ୍ଡ ହୋଇଥିଲା ଯେଉଁଥିରେ ୬ ଜଣ ଆହତ ହୋଇଛନ୍ତି । ଏମାନଙ୍କ ମଧ୍ୟରେ ଜଣେ ୭ ବର୍ଷର ବାଳିକା ରହିଛନ୍ତି, ଯେକି ଗୁରୁତର ରହିଛନ୍ତି । ପୋଲିସ କହିଛି ଆହତଙ୍କ ମଧ୍ୟରେ ୩ ମହିଳା ରହିଛନ୍ତି । ପ୍ରାଥମିକ ସୂଚନା ଅନୁସାରେ ଅନ୍ତିମ ସଂସ୍କାର ବେଳେ ଏହି ଗୁଳିକାଣ୍ଡ ହୋଇଛି । ଚର୍ଚ୍ଚ ନିକଟରେ ଏକଚଳନ୍ତା ଗାଡିରୁ ଗୁଳି ଚଳାଯାଇଥିଲା । ଏବେ ପର୍ଯ୍ୟନ୍ତ ଏହି ଘଟଣାରେ କେହି ଗିରଫ ହୋଇ ନାହାନ୍ତି ।
