ବ୍ରଜରାଜନଗର,୧୯।୩(ଡି.ଏନ୍.ଏ.): ଝାରସୁଗୁଡ଼ା ଜିଲା ବ୍ରଜରାଜନଗର ଥାନା ଅଞ୍ଚଳରେ ଚୋରଙ୍କ ପ୍ରାଦୁର୍ଭାବ ଏତେ ବଢ଼ିଯାଇଛି ଯେ ଦୋକାନୀମାନେ ନିଜ ନିଜ ଦୋକାନକୁ ଆଉ ସୁରକ୍ଷିତ ମଣୁନାହାନ୍ତି। ପ୍ରତ୍ୟେକ ମାସରେ ସେ ଅଞ୍ଚଳରୁ ୮ରୁ ୧୦ଟି ଦୋକାନରୁ ଚୋରି ହେଉଛି। ଦୋକାନୀମାନେ ଏନେଇ ବାରମ୍ବାର ଥାନାରେ ଅଭିଯୋଗ କରୁଛନ୍ତି। ହେଲେ ପୋଲିସ କେବଳ ନୀରବଦ୍ରଷ୍ଟା ସାଜି ଚୁପ୍ହୋଇ ବସି ପଡ଼ୁଥିବା ସ୍ଥାନୀୟ ଲୋକେ ଅଭିଯୋଗ କରିଛନ୍ତି। ଫଳରେ ଚୋରଙ୍କ ସାହସ ଦିନକୁ ଦିନ ବଢ଼ିବାରେ ଲାଗିଛି। ଶୁକ୍ରବାର ଚୋରମାନେ ବ୍ରଜରାଜନଗରର ଏକ ହୋଟେଲ ଆଜ୍ବେଷ୍ଟସ୍ ଭାଙ୍ଗି ଚୋରି କରିଥିଲେ। ସେହିପରି ଶନିବାର ସମ୍ପୃକ୍ତ ଅଞ୍ଚଳରେ ଥିବା ଜଗବନ୍ଧୁ କବିଙ୍କ ରାଶନ ଦୋକାନଘର ପଛପଟ କାନ୍ଥ ଭାଙ୍ଗି ରାଶନ ସାମଗ୍ରୀ ଚୋରିକରି ନେଇଛନ୍ତି। ଏନେଇ ଥାନାରେ ଅଭିଯୋଗ ହୋଇଛି। ପୋଲିସ ଘଟଣାସ୍ଥଳରେ ପହଞ୍ଚି ଖୁବ୍ଶୀଘ୍ର ଚୋରମାନଙ୍କୁ ଧରିବା ନେଇ ପ୍ରତିଶ୍ରୁତି ଦେଇଛି।
