ନୂଆଦିଲ୍ଲୀ,୨୦।୧୧: ଫାଇନାଲ ମ୍ୟାଚରେ ଟିମ ଇଣ୍ଡିଆକୁ ପରାସ୍ତ କରି ଅଷ୍ଟ୍ରେଲିଆ ପୁଣି ଥରେ ବିଶ୍ୱକପ ଜିତିଛି। ରବିବାର ଟିମ ଇଣ୍ଡିଆ ଏବଂ ଅଷ୍ଟ୍ରେଲିଆ ମଧ୍ୟରେ ଅନ୍ତିମ ମ୍ୟାଚ ହୋଇଥିଲା ଯେଉଁଥିରେ ଭାରତୀୟ କ୍ରିକେଟ ଦଳକୁ ପରାଜୟର ସାମ୍ନା କରିବାକୁ ପଡିଥିଲା। ଲକ୍ଷ୍ୟ ଭାରତର ନିକଟତର ହେବା ପରେ ଟିମ ଇଣ୍ଡିଆ ହାରିଯିବା ପରେ ଦେଶବାସୀଙ୍କ ମଧ୍ୟରେ ନିରାଶାର ବାତାବରଣ ସୃଷ୍ଟି ହୋଇଛି। ଅନ୍ୟପକ୍ଷରେ ଅଷ୍ଟ୍ରେଲୀୟ କ୍ରିକେଟ ଦଳ ଏବଂ ଅଷ୍ଟ୍ରେଲୀୟମାନେ ବିଶ୍ୱକପର ବିଜୟ ଉତ୍ସବ ପାଳନ କରୁଛନ୍ତି। ସୋସିଆଲ ମିଡିଆରେ ଉତ୍ସବର ଫଟୋ ଏବଂ ଭିଡିଓ ସବୁଠାରେ ଦେଖିବାକୁ ମିଳୁଛି। ଏହି ସମୟରେ ଅଷ୍ଟ୍ରେଲୀୟ କ୍ରିକେଟ ଦଳର ଖେଳାଳି ମିଚେଲ ମାର୍ଶଙ୍କ ଫଟୋ ବେଳକୁ ବେଳ ଭାଇରାଲ ହେବାରେ ଲାଗିଛି।
ଫଟୋ ସମ୍ପର୍କରେ ଦାବି କରାଯାଇଛି ଯେ ମିଚେଲ ବିଶ୍ୱକପ ଟ୍ରଫିରେ ପାଦ ରଖିଛନ୍ତି। ଫଟୋ ସାମ୍ନାକୁ ଆସିବା ମାତ୍ରେ ସୋସିଆଲ ମିଡିଆ ୟୁଜର୍ସମାନେ ଏହାକୁ ସୋସିଆଲ ମିଡିଆରେ ଶେୟାର କରିବା ଆରମ୍ଭ କରିଛନ୍ତି। ମିଚେଲ ମାର୍ଶଙ୍କ ଉପରେ ଏମାନେ ଅତ୍ୟଧିକ କ୍ରୋଧିତ ଏବଂ ସେମାନେ କହିଛନ୍ତି ଯେ ଏହି ଖେଳାଳି ଟ୍ରଫିକୁ ଅପମାନିତ କରିଛନ୍ତି।
ମିସେଲଙ୍କ ଫଟୋକୁ ନେଇ ଅନେକ ମିମ୍ସ ପ୍ରସ୍ତୁତ କରାଯାଉଛି ଏବଂ ୟୁଜର୍ସ କମେଣ୍ଟ ମାଧ୍ୟମରେ ନିଜର କ୍ରୋଧ ପ୍ରକାଶ କରୁଛନ୍ତି।
ଜଣେ ୟୁଜର୍ସ ଲେଖିଛନ୍ତି, ଯଦି ସେମାନେ ବିଶ୍ୱକପକୁ ସମ୍ମାନ କରନ୍ତି ନାହିଁ, ତେବେ ଜିତିବା ପରେ ମଧ୍ୟ ସେମାନେ ହାରିଯାଆନ୍ତି, ଯେଉଁମାନଙ୍କ ପାଇଁ ଏହି ବିଜୟ ଏକ ଭାବନା ନୁହେଁ ବରଂ ଏକ ପ୍ରତିଯୋଗିତା, ଯାହା ସେମାନଙ୍କୁ କେବଳ ଜିତିବାକୁ ପଡ଼ିବ। ଆମ ଟିମ ଇଣ୍ଡିଆ ପାଇଁ ଏହା ଏକ ପ୍ରତିଯୋଗିତା ଅପେକ୍ଷା ଅଧିକ ଭାବପ୍ରବଣତା । ଅନ୍ୟଜଣେ ଲେଖିଛନ୍ତି, ‘ଅଷ୍ଟ୍ରେଲିଆ କ୍ରିକେଟ ଦଳର ଏହି ଗର୍ବ ଶୀଘ୍ର ଭାଙ୍ଗିଯିବ ଏବଂ ସେମାନଙ୍କର ଅବସ୍ଥା ଆଜି ଜିମ୍ବାୱେ ଭଳି ହେବ। ପ୍ରତାରଣା ଏବଂ ଅମ୍ପାୟାର ବିନା ସେମାନେ କୌଣସି ବଡ ଇଭେଣ୍ଟ ଜିତିପାରିବେ ନାହିଁ, ଯାହା ଫାଇନାଲରେ ପ୍ରମାଣିତ ହୋଇଥିଲା।
ଏହି ସମୟରେ, କେତେଜଣ ୧୯୮୩ରୁ ପୂର୍ବତନ ଭାରତୀୟ କ୍ରିକେଟର କପିଲ ଦେବଙ୍କ ଫଟୋ ମଧ୍ୟ ସେୟାର କରୁଛନ୍ତି, ଯେଉଁଥିରେ ସେ ଦୁଇ ହାତ ଧରି ବିଶ୍ୱକପ ଟ୍ରଫି ତାଙ୍କ ମୁଣ୍ଡ ଆଡକୁ ଧରିଥିବାର ନଜର ଆସିଛନ୍ତି। ଏଥିରେ ଲେଖାଯାଇଛି ଡିଫରେନ୍ସ। ଆଉ କେହି କେହି କହିଛନ୍ତି ବିଶ୍ୱକପ ଟଫିକୁ ସମ୍ମାନ କରିବା ଶିଖ। ଆଉ କେହି ମାଷ୍ଟର ବ୍ଲାଷ୍ଟର ସଚ୍ଚିନ ତେନ୍ଦୁଲକରଙ୍କ ଓ୍ବାର୍ଲଡ କପ ଟ୍ରଫି ସହ ଫଟୋ ଶେୟାର କରି ଲେଖିଛନ୍ତି ଦେଖ କ୍ରିକେଟର ଭଗବାନ କେମିତି ଟ୍ରଫିକୁ ଆଦର କରୁଛନ୍ତି।
