ଶନି ଗ୍ରହ ୨୭ ଜୁଲାଇ ୨୦୨୬ରେ ବକ୍ରୀ ହୋଇଥିଲେ। ଏବେ ୧୧ ଡିସେମ୍ୱରରେ ଶନି ମାର୍ଗୀ ହେବେ। ଏହି ସମୟ ମଧ୍ୟରେ ଶନିଙ୍କର ବକ୍ରୀ ଚଳନ ୫ଟି ରାଶି ପାଇଁ ସମସ୍ୟାପୂର୍ଣ୍ଣ ରହିପାରେ। ବକ୍ରୀ ଶନି ଏହି ୫ଟି ରାଶିର ଚିନ୍ତା ବଢ଼ାଇ ପାରନ୍ତି। ଶନିଙ୍କ ସାଢ଼େସାତୀ ଏବଂ ଶନିଙ୍କ ଢେୟା ଭୋଗୁଥିବା ଲୋକଙ୍କ ପାଇଁ ୧୧ ଡିସେମ୍ୱର ପର୍ଯ୍ୟନ୍ତ ସମୟ ଆହୱାନପୂର୍ଣ୍ଣ ରହିବ। ଏମାନଙ୍କୁ ଶନି ଦୋଷରୁ ମୁକ୍ତି ଏବଂ ଶନିଙ୍କ ଅଶୁଭ ପ୍ରଭାବରୁ ରକ୍ଷା ପାଇବା ପାଇଁ ଅନେକ ଉପାୟ କରିବାକୁ ପଡ଼ିବ ତଥା କେତେକ ସାବଧାନତା ଅବଲମ୍ୱନ କରିବାକୁ ହେବ।
ଶନି ଗ୍ରହଙ୍କ ସ୍ଥିତି ଅନୁସାରେ, ଏହି ସମୟରେ କୁମ୍ଭ, ମୀନ ଏବଂ ମେଷ ରାଶିର ଲୋକଙ୍କ ଉପରେ ଶନିଙ୍କ ସାଢ଼େସାତୀ ଚାଲିଛି। କୁମ୍ଭ ରାଶିର ବ୍ୟକ୍ତିଙ୍କ ଉପରେ ଶନିଙ୍କ ସାଢ଼େସାତୀର ଅନ୍ତିମ ପର୍ଯ୍ୟାୟ ରହିଛି। ମୀନ ରାଶି ଉପରେ ସାଢ଼େସାତୀର ଦ୍ୱିତୀୟ ପର୍ଯ୍ୟାୟ ଚାଲିଛି। ମେଷ ରାଶିର ଲୋକଙ୍କ ଉପରେ ଶନିଙ୍କ ସାଢ଼େସାତୀର ପ୍ରଥମ ପର୍ଯ୍ୟାୟ ଚାଲିଛି। ଏହା ସହିତ ସିଂହ ରାଶିର ଲୋକଙ୍କ ଉପରେ ଶନିଙ୍କ ଢେୟା ଚାଲିଛି। ଧନୁ ରାଶି ମଧ୍ୟ ଶନିଙ୍କ ଢେୟାର ପ୍ରଭାବରେ ରହିଛି। ଏହି ରାଶିଗୁଡ଼ିକୁ ସତର୍କ ରହିବାକୁ ହେବ।
ଶନିଦଶାରେ ପ୍ରଭାବିତ ରାଶିଗୁଡ଼ିକୁ ୧୧ ଡିସେମ୍ୱର ପର୍ଯ୍ୟନ୍ତ ଯୁକ୍ତିତର୍କ, ଝଗଡ଼ା କିମ୍ୱା କୋର୍ଟ-କଚେରୀ ସମ୍ୱନ୍ଧୀୟ ମାମଲାରୁ ଦୂରେଇ ରହିବାକୁ ହେବ। ଏହିସବୁ କାର୍ଯ୍ୟରେ ଅସୁବିଧାର ସମ୍ମୁଖୀନ ହେବାକୁ ପଡ଼ିପାରେ।
ଶନି ଗ୍ରହଙ୍କ ଅଶୁଭ ପ୍ରଭାବରୁ ରକ୍ଷା ପାଇବା ଏବଂ ସମସ୍ୟା ଦୂର କରିବା ପାଇଁ ଶନିଙ୍କ ସମ୍ୱନ୍ଧୀୟ ପ୍ରତିକାର କରିବା ଆବଶ୍ୟକ। ଆପଣ ଶନିବାର ଦିନ ରାଶି ତେଲ, କଳା ବିରି, କଳା ବସ୍ତ୍ର, ଯଅ ଇତ୍ୟାଦି ଦାନ କରନ୍ତୁ। ନିଃସୱାର୍ଥପର ଭାବେ ଅଭାବୀ ଲୋକଙ୍କ ସେବା କରନ୍ତୁ। ଶନିବାର ଏବଂ ମଙ୍ଗଳବାର ଦିନ ହନୁମାନଜୀଙ୍କ ପୂଜାର୍ଚ୍ଚନା କରନ୍ତୁ। ଶନିଦେବଙ୍କ ବୀଜ ମନ୍ତ୍ର ଜପ ଏବଂ ଶନି ସ୍ତୋତ୍ର ପାଠ କରନ୍ତୁ।
