ଦୁବାଇ,୨।୧୦: ଲୋକେଶ ରାହୁଲଙ୍କ ଅର୍ଦ୍ଧଶତକୀୟ ପାଳି ବଳରେ ପଞ୍ଜାବ କିଙ୍ଗ୍ସ ୫ ଉଇକେଟରେ କୋଲକାତା ନାଇଟ୍ ରାଇଡର୍ସ (କେକେଆର୍)କୁ ହରାଇ ଦେଇଛି। କେକେଆର୍ ପକ୍ଷରୁ ଧାର୍ଯ୍ୟ ୧୬୬ ରନ୍ର ବିଜୟ ଲକ୍ଷ୍ୟକୁ ପଞ୍ଜାବ ୧୯.୩ ଓଭରରେ ହାସଲ କରିଥିଲା। ପଞ୍ଜାବ ଶେଷ ଆଡ଼କୁ ଦିଗହରା ହୋଇଯିବ ଭଳି ଲାଗୁଥିଲା। କିନ୍ତୁ ଦଳକୁ ଶାହାରୁଖ ଖାନ ବଞ୍ଚାଇ ଦେଇଥିଲେ।
ଓପନର ଭେଙ୍କଟେଶ ଆୟାରଙ୍କ ୬୭ (୯ ଚୌକା ଓ ୧ ଛକା) ରନ୍ର ଅର୍ଦ୍ଧଶତକୀୟ ପାଳି ବଳରେ ପ୍ରଥମେ ବ୍ୟାଟିଂ କରିଥିବା କୋଲକାତା ଧାର୍ଯ୍ୟ ୨୦ ଓଭରରେ ୭ ଉଇକେଟ ହରାଇ ୧୬୫ ରନ୍ କରିବାକୁ ସକ୍ଷମ ହୋଇଥିଲା। ଦଳ ପାଇଁ ରାହୁଲ ତ୍ରିପାଠି ୩୪ (୩ ଚୌକା ଓ ୧ ଛକା) ଓ ନୀତିଶ ରାଣା ୩୧ (୨ ଲେଖାଏ ଚୌକା ଓ ଛକା) ରନ୍ କରିଥିଲେ। ପଞ୍ଜାବ ପକ୍ଷରୁ ରବି ବିଷ୍ଣୋଇ ୨ଟି ଉଇକେଟ ନେଇଥିବା ବେଳେ ଅର୍ଶଦୀପ ସିଂ ହାତେଇଥିଲେ ୩ ଉଇକେଟ।
ଜବାବରେ ପଞ୍ଜାବକୁ ଭଲ ଆରମ୍ଭ ଦେଇଥିଲେ ଲୋକେଶ ରାହୁଲ (୬୭ ରନ୍, ୪ ଚୌକା ଓ ୨ ଛକା) ଓ ମୟଙ୍କ ଅଗ୍ରଓ୍ବାଲ (୪୦)। ଦୁହେଁ ପ୍ରଥମ ଉଇକେଟ ପାଇଁ ୭୦ ରନ୍ ଯୋଡ଼ିଥିଲେ। ଓପନିଂ ଯୋଡ଼ି ଭାଙ୍ଗିବା ପରେ ଦଳ କ୍ରମାଗତ ବ୍ୟବଧାନରେ ୩ ଉଇକେଟ ହରାଇଥିଲା। ଶେଷ ଆଡ଼କୁ ଶାହାରୁଖ ଖାନ ଖେଳିଥିଲେ ୨୨ ରନ୍ର ବିସ୍ଫୋରକ ଖେଳିଥିଲେ। ତାଙ୍କ ପାଳିରେ ଥିଲା ୧ ଚୌକା ଓ ୨ ଛକା।
