ଜି. ଉଦୟଗିରି ୧୯।୧୨(ଶିଶିର ପଟ୍ଟନାୟକ ): ଜି ଉଦୟଗିରି ସହରେ ମଙ୍ଗଳବାର ପ୍ରବଳ ଶୀତ ଅନୂଭୂତ ହୋଇଛି। ମଙ୍ଗଳବାର ସର୍ବନିମ୍ନ ତାପମାତ୍ରା ୬.୫ ଡିଗ୍ରୀ ସେଲସିୟସ ରହିଛି ବୋଲି ଜି ଉଦୟଗିରି କୃଷି ଗବେଷଣା କେନ୍ଦ୍ରରେ ଥିବା ତାପ ମାପକ କେନ୍ଦ୍ର ଅଧିକାରୀ କହିଛନ୍ତି॥ କୁହୁଡ଼ି ଓ କୋହଲା ପବନ ଯୋଗୁ ଦିନବେଳା ମଧ୍ୟ ପ୍ରବଳ ଶୀତ ଅନୁଭୂତ ହେଉଛି । ଦିନ ୧୦ଟାରେ ମଧ୍ୟ ଘରୁ ବାହାରିବା କଷ୍ଟ ହେଉଛି । ଅନ୍ୟପଟେ ଶୀତର ମଜା ନେବା ପାଇଁ ପର୍ଯ୍ୟଟକ ମାନଙ୍କ ଭିଡ଼ ଲାଗି ରହୁଛି । କଳିଙ୍ଗା ବନ ଉଦ୍ୟାନ , ସିରିକି ଡେମ, କଫି ବଗିଚା , ହିଲଟପ ଦେଖିବାକୁ ଅଧିକ ସଂଖ୍ୟକ ପର୍ଯ୍ୟଟକମାନେ ଆସୁଛନ୍ତି । ଘନ କୁହୁଡି ଯୋଗୁ ଯାନବାହନ ଚଳାଚଳ ବାଧାପ୍ରାପ୍ତ ହେଉଛି । ସକାଳୁ ଚା ଦୋକାନ ଗୁଡିକରେ ଅଧିକ ଗହଳି ଲାଗିରହୁଛି । ହୋଟେଲ ଗୁଡିକ ଫେବୃୟାଆରୀ ମାସ ପର୍ଯ୍ୟନ୍ତ ବୁକ୍ ହୋଇଯାଇଛି ବୋଲ ସହରରେ ଥିବା ଏକ ବଡ଼ ହୋଟେଲର ମାଲିକ କହିଛନ୍ତି ।
