ସେଲ୍‌ଫି ବେବୋ ଲିପ୍‌ସା

ସଙ୍ଗୀତ ଜଗତର ୟଙ୍ଗ୍‌ ଆଣ୍ଡ୍‌ ଷ୍ଟାଇଲିଷ୍ଟ କଣ୍ଠଶିଳ୍ପୀ ହେଉଛନ୍ତି ଲିପ୍‌ସା ମହାପାତ୍ର। ନିଜର ଚେଷ୍ଟା ଓ ପରିଶ୍ରମ ବଳରେ ଖୁବ୍‌ କମ୍‌ ଦିନରେ ଲୋକଙ୍କ ହୃଦୟ ଜିଣି ପାରିଛନ୍ତି। ଦଶମ ଶ୍ରେଣୀରେ ପଢ଼ିବାବେଳେ ରିଆଲିଟି ଶୋ ‘ଭଏସ୍‌ ଅଫ୍‌ ଓଡ଼ିଶା’ରେ ଅଂଶଗ୍ରହଣ କରି ଫାଇନାଲିଷ୍ଟ ହୋଇଥିଲେ। ଏହାପରେ ସମ୍ବଲପୁରୀ ଗୀତ ‘ସେଲ୍‌ଫି ବେବୋ’ ତାଙ୍କୁ ନୂଆ ପରିଚୟ ଦେଇଥିଲା। ଏହି ଗୀତ ଏତେ ହିଟ୍‌ ହୋଇଥିଲା ଯେ, ଏହାପରଠାରୁ ତାଙ୍କୁ ଅଫର୍‌ ପରେ ଅଫର୍‌ ମିଳି ଚାଲିଛି। ଇତିମଧ୍ୟରେ ସେ ୩୦ରୁ ଊର୍ଦ୍ଧ୍ୱ ଚଳଚ୍ଚିତ୍ର ଏବଂ ୫୦ରୁ ଅଧିକ ଓଡ଼ିଆ ଓ ସମ୍ବଲପୁରୀ ଗୀତ ଗାଇ ଓଡ଼ିଶା ସଙ୍ଗୀତ ଜଗତରେ ଏକ ସ୍ବତନ୍ତ୍ର ସ୍ଥାନ ଦଖଲ କରିଛନ୍ତି। କେବଳ ସେତିକି ନୁହେଁ, ଓ୍ବାଲର୍‌ଡକପ୍‌ ହକିର ଥିମ୍‌ ସଙ୍ଗ୍‌କୁ ବଲିଉଡ୍‌ ସିଙ୍ଗର ମିକା ସିଂହଙ୍କ ସହ ଗାଇ ଚର୍ଚ୍ଚାକୁ ଆସିଥିଲେ ଲିପ୍‌ସା। ବ୍ରହ୍ମପୁର ଗଜପତିନଗରର ମୂଳ ବାସିନ୍ଦା ଲିପ୍‌ସା ଏବେ କଟକର ସିଡିଏରେ ରହୁଛନ୍ତି। ତାଙ୍କ ସହ ଏଥରର ଧରିତ୍ରୀ ଆଳାପ…

କେବେଠାରୁ ସଙ୍ଗୀତ ସହ ସାଥୀ ହୋଇଗଲେ?
ଛୋଟବେଳୁ ମୋର ସଙ୍ଗୀତ ପ୍ରତି ରୁଚି ରହିଥିଲା। ୫ବର୍ଷ ବୟସରୁ ତାଲିମ୍‌ ନେବା ଆରମ୍ଭ କରିଥିଲି। ସଙ୍ଗୀତକୁ ଛାଡ଼ି ଆଉ କୌଣସି ଜିନିଷ ପ୍ରତି ମୋର ଆଗ୍ରହ ନ ଥିଲା। ବଡ଼ହୋଇ ଜଣେ ପ୍ରଚ୍ଛଦପଟ ଗାୟିକା ହେବାର ନିଶା ସବୁବେଳେ ରହୁଥିଲା। ଆମ ଘରେ କେହି ବି କଳା ସହିତ ଜଡ଼ିତ ନ ଥିଲେ ମଧ୍ୟ ଗୀତକୁ ଭଲ ପାଉଥିଲେ। ମାତ୍ର ମୋର ଆଗ୍ରହ ଦେଖି ସେମାନେ ଆଗକୁ ବଢ଼ିବାକୁ ପ୍ରୋତ୍ସାହିତ କରିଥିଲେ।
କେଉଁ ପ୍ରକାର ଗୀତ ଗାଇବାକୁ ଭଲଲାଗେ?
ସମ୍ବଲପୁରୀ, ରୋମାଣ୍ଟିକ୍‌, ସ୍ଲୋ ସଙ୍ଗ୍‌ ଓ ଭଜନ। ସବୁ ପ୍ରକାରର ଗୀତ ମୁଁ ଗାଇଛି। ବ୍ୟକ୍ତିଗତ ପସନ୍ଦ ହେଉଛି ରୋମାଣ୍ଟିକ୍‌ ଗୀତ। କିନ୍ତୁ ମଁୁ ସବୁ ପ୍ରକାରର ଗୀତ ଗାଇବାକୁ ଚାହେଁ। କାରଣ ଜଣେ ସଫଳ ପ୍ରଚ୍ଛଦପଟ ଗାୟିକା ହେବାକୁ ହେଲେ ଭର୍ସାଟାଇଲ୍‌ ସିଙ୍ଗର ହେବାକୁ ପଡ଼ିବ।
ସଙ୍ଗୀତରେ କାହାକୁ ଆଦର୍ଶ ମାନନ୍ତି?
ବଲିଉଡ୍‌ରେ କବିତା କ୍ରିଷ୍ଣମୂର୍ତ୍ତି, ଶ୍ରେୟା ଘୋଷାଲ ଓ ଓଲିଉଡ୍‌ରେ ଇରା ମହାନ୍ତି, ସ୍ବର୍ଗତ ତପୁ ମିଶ୍ରଙ୍କୁ ମୁଁ ମୋ ଆଦର୍ଶ ବୋଲି ମାନେ। ସେମାନଙ୍କର ପ୍ରତିଟି ଗୀତକୁ ମୁଁ ଶୁଣେ। ମୋର ଆଗାମୀ ଚଳଚ୍ଚିତ୍ର ‘ଷଷ୍ଠରୁ ନଷ୍ଟ’ରେ ବଲିଉଡ୍‌ ଗାୟକ ଉଦିତ୍‌ ନାରାୟଣଙ୍କ ସହ ମତେ ଗାଇବାର ସୁଯୋଗ ମିଳିଛି। ଭବିଷ୍ୟତରେ ସୋନୁ ନିଗମଙ୍କ ସହ ଗୀତ ଗାଇବାର ସ୍ବପ୍ନ ଅଛି। ତା’ଠାରୁ ବଡ଼ ସ୍ବପ୍ନ ହେଉଛି ମୁଁ ଏ.ଆର୍‌. ରେହମାନଙ୍କ ମ୍ୟୁଜିକ୍‌ ଶୁଟିଂରେ ବସିବାକୁ ଚାହିଁୁଛି।
ନୂଆ କଣ୍ଠଶିଳ୍ପୀଙ୍କ ପାଇଁ କ’ଣ ବାର୍ତ୍ତା ରହିବ?
ଆଗରୁ ନୂଆ ନୂଆ ଗୀତ ଆସିବାର ମାଧ୍ୟମ ଆଲବମ୍‌ ଥିଲା। ଏବେ ସେ ଜାଗା ୟୁଟ୍ୟୁବ୍‌ ନେଇଛି। ପ୍ରତିଦିନ ୬୦/୭୦ ନୂଆ ଗୀତ ୟୁଟ୍ୟୁବ୍‌ରେ ଆସୁଛି। ସେହିଭଳି ନୂଆ ନୂଆ ନିର୍ଦ୍ଦେଶକ, ସଙ୍ଗୀତକାର, କଣ୍ଠଶିଳ୍ପୀ ମଧ୍ୟ ଆସୁଛନ୍ତି। କହିବାକୁ ଗଲେ ଏ ଇଣ୍ଡଷ୍ଟ୍ରିରେ ଏବେ ବହୁତ ଭିଡ଼ ହୋଇଗଲାଣି। ତେଣୁ ଜଣେ ନୂଆ କଣ୍ଠଶିଳ୍ପୀ ଯାହା ପାଖରେ ପ୍ରକୃତ ଦକ୍ଷତା ଅଛି, ସେ ପ୍ରଥମେ ଉପଯୁକ୍ତ ଲୋକ ପାଖରେ ପହଞ୍ଚତ୍ବା ଦରକାର। କାରଣ ଏ ଇଣ୍ଡଷ୍ଟ୍ରିରେ ମିଛ ସତ କହି ଖରାପ ରାସ୍ତାକୁ ନେବାକୁ ବହୁତ ଲୋକ ଅଛନ୍ତି। ଅନ୍ଧଭଳି କାହାକୁ ବିଶ୍ୱାସ କରିବା କଥା ନୁହେଁ। ଏଠାରେ ତିଷ୍ଠିବାକୁ ହେଲେ ଦକ୍ଷତା ସହ ଚାଲାକ୍‌ ମଧ୍ୟ ହେବା ଆବଶ୍ୟକ।
ବଲିଉଡ୍‌ରେ ଏଣ୍ଟ୍ରି କରିବାର ଯୋଜନା ଅଛି କି?
ବଲିଉଡ୍‌ରେ ଗୀତ ଗାଇବାର ଇଚ୍ଛା ସବୁ କଣ୍ଠଶିଳ୍ପୀଙ୍କର ଥାଏ, ମୋର ବି ଅଛି। କିନ୍ତୁ ମୁଁ ଓଡ଼ିଶାରେ ରହି ପ୍ରଥମେ ଓଡ଼ିଆ ଲୋକଙ୍କ ହୃଦୟକୁ ଜିତିବାକୁ ଚାହୁଛି। ଯଦି ମତେ କେବେ ସୁଯୋଗ ମିଳେ ତେବେ ମୁଁ ବଲିଉଡ୍‌ରେ ଗାଇବି। ମାତ୍ର ଓଡ଼ିଶା ଓ ଓଡ଼ିଆ ଇଣ୍ଡଷ୍ଟ୍ରିକୁ ଛାଡ଼ି ସେଠାରେ ଷ୍ଟ୍ରଗଲ କରିବାର ଇଚ୍ଛା କି ଯୋଜନା ନାହିଁ।
ଖାଇବାକୁ କ’ଣ ଭଲଲାଗେ?
ଆମିଷ, ବିଶେଷକରି ଚିକେନ୍‌ର ସବୁ ଭେରାଇଟି ମୋର ପସନ୍ଦ। ମୁଁ ଜଣେ ଭଲ କୁକ୍‌। ଫ୍ରି ସମୟରେ ନୂଆ ନୂଆ ରୋଷେଇ ଉପରେ ଏକ୍ସପେରିମେଣ୍ଟ କରିବାକୁ ଭଲଲାଗେ। ୟୁଟୁବ୍‌ରୁ ଦେଖି ରେଷ୍ଟୁରାଣ୍ଟ ଖାଇବା ବନେଇକି ଖୁଆଇବାକୁ ଖୁସି ଲାଗେ। ନିଜେ ରାନ୍ଧି ଖାଇବାଠାରୁ ଅନ୍ୟମାନଙ୍କୁ ଖୁଆଇବାର ମଜା ନିଆରା।
ବିବାହ, ଜୀବନସାଥୀକୁ ନେଇ କ’ଣ କହିବେ?
ଏ ପ୍ରଶ୍ନ ଯେତେ ସହଜ, ଉତ୍ତର ସେତେ କଷ୍ଟ। ମୁଁ ଲଭ୍‌ ମ୍ୟାରେଜ୍‌ କରିବି। ପଇସାବାଲା, ସୁନ୍ଦର ଏପରି ବେଶି କିଛି ଖୋଜିବାର ନାହିଁ। ପିଲା ଭଲ ହୋଇଥିବ। ମତେ ବୁଝି ପାରୁଥିବ। ମୋର ଭଲ ଓ ଖରାପ ଗୁଣକୁ ନିଜର କରିପାରୁଥିବ। ଆମ ଭିତରେ ବୁଝାମଣା ଭଲ ରହୁଥିବ। ତେବେ ମୋ ଭଲପାଇବାକୁ ଘରୁ ସ୍ବୀକୃତି ମିଳିବା ନିହାତି ଆବଶ୍ୟକ।

– ସାକ୍ଷାତ୍‌କାର: ବନ୍ଦନା ସେଠୀ


Enter your email to get our daily news in your inbox.

All Right Reserved By Dharitri.Com

ଜିଲାପାଳଙ୍କ ଜନ ଅଭିଯୋଗ ଶୁଣାଣି: ମାତ୍ର ୯୦ଟି ଅଭିଯୋଗରେ ସୀମିତ, ପ୍ରଚାର ଅଭାବ ନା ସମାଧାନ ଉପରୁ ତୁଟିଲାଣି ଭରସା

ଥୁଆମୂଳ ରାମପୁର, ୧୬।୧୧ (ଦୁର୍ଗା କୀର୍ତ୍ତି): କଳାହାଣ୍ଡି ଜିଲାର ଅତି ଦୁର୍ଗମ ତଥା ଆଦିବାସୀ ବହୁଳ ଥୁଆମୂଳ ରାମପୁର ବ୍ଲକ ବୈଠକ ସଭା ଗୃହ ଠାରେ ସୋମବାର…

ଅମିତାଭ, ଅଭିଷେକ ବଚ୍ଚନଙ୍କୁ ହତ୍ୟା ଧମକ, ଦିଆଗଲା ଏଭଳି ଚେତାବନୀ

ମୁମ୍ବାଇ,୧୬ା୧୧: ଗ୍ୟାଙ୍ଗଷ୍ଟର ଗୋଲ୍ଡି ଧିଲୋନ୍‌ଙ୍କଠାରୁ ମେଗାଷ୍ଟାର ଅମିତାଭ ବଚ୍ଚନ ଏବଂ ଅଭିଷେକ ବଚ୍ଚନଙ୍କୁ ହତ୍ୟା ଧମକ ମିଳିଛି। ନିକଟରେ ଦିଲ୍ଲୀ ପୋଲିସ ଗୋଲ୍ଡି ଗ୍ୟାଙ୍ଗ୍‌ର ୨ ସଦସ୍ୟ…

ଶିକ୍ଷକ ନିଯୁକ୍ତି ଦାବି: ସମାଧାନ ନ ହେଲେ ସ୍କୁଲରେ ତାଲା ପକାଇବାକୁ ଗ୍ରାମବାସୀଙ୍କ ଚେତାବନୀ

ଗୁଡାରି, ୧୬।୧୧ (ପ୍ରମୋଦ କୁମାର ପତି): ଗୋଟିଏ ଶିକ୍ଷୟିତ୍ରୀଙ୍କ ଭରସାରେ ଚାଲିଛି ପ୍ରଥମରୁ ପଞ୍ଚମ ଶ୍ରେଣୀ ପର୍ଯ୍ୟନ୍ତ ପାଠପଢ଼ା। ବିଦ୍ୟାଳୟରେ ଆବଶ୍ୟକ ଶିକ୍ଷକ ନଥିବାରୁ ପିଲାଙ୍କ ପାଠପଢ଼ା…

ସଂସଦ ଭବନରେ ଗୁଞ୍ଜିଲା କଳାହାଣ୍ଡିର ଢାପ ନୃତ୍ୟ: କଳାକାରଙ୍କଠୁ ରାମକାଠି ନେଇ ବଜାଇଲେ ମୋଦି

ଭବାନୀପାଟଣା,୧୬।୧୧(ଉତ୍ତମ କୁମାର ଦାଶ): ଦିଲ୍ଲୀ ସଂସଦ ଭବନରେ ଜାତୀୟ ମଞ୍ଚରେ ଝଲସିଲା କଳାହାଣ୍ଡିର ପାରମ୍ପରିକ ଢାପ ନୃତ୍ୟ। ଜନଜାତୀୟ ଗୌରବ ଦିବସ ଅବସରରେ ଭବାନୀପାଟଣାର ପ୍ରତିଭା ଅନୁଷ୍ଠାନର…

ଯେଉଁଠି ପ୍ରଥମେ ଭେଟିଥିଲେ ସୋନିଆ-ରାଜୀବ, ସେହି ରେଷ୍ଟୁରାଣ୍ଟକୁ ଗର୍ଲଫ୍ରେଣ୍ଡଙ୍କ ସହ ଯାଇଥିଲେ ରାହୁଲ! ନିଜେ କଲେ ଖୁଲାସା

ନୂଆଦିଲ୍ଲୀ,୧୬।୧୧: କଂଗ୍ରେସ ସାଂସଦ ରାହୁଲ ଗାନ୍ଧୀ ତାଙ୍କ ମାଆ ସୋନିଆ ଗାନ୍ଧୀଙ୍କ ପୁସ୍ତକ ‘ବିଲଙ୍ଗିଂ: ଏ ଜର୍ଣ୍ଣି ଅଫ ଲଭ’ର ଉନ୍ମୋଚନ ଅବସରରେ ପରିବାର ସହ ଜଡ଼ିତ…

IPL ନିଲାମୀ ପୂର୍ବରୁ ବଡ଼ ଟ୍ରେଡ୍‌: ବଦଳିବ ଶାମିଙ୍କ ଠିକଣା, ଲକ୍ଷ୍ନୌ ଛାଡ଼ି ଏହି ଦଳକୁ ଯିବେ!

ନୂଆଦିଲ୍ଲୀ,୧୬।୧୧: IPL ନିଲାମୀ ପୂର୍ବରୁ ଖେଳାଳିଙ୍କ ଅଦଳବଦଳ ପ୍ରକ୍ରିୟା ଜୋର୍‌ ଧରିବାରେ ଲାଗିଛି। ଏହି କ୍ରମରେ ଭାରତୀୟ ଦ୍ରୁତ ବୋଲର ମହମ୍ମଦ ଶାମିଙ୍କୁ ନେଇ ଏକ ବଡ଼…

ଥାନାରେ ପଶି ପୋଲିସ ଅଧିକାରୀଙ୍କୁ ହତ୍ୟା ଉଦ୍ୟମ: ଗିରଫ ହୋଇ ଜେଲ ଗଲେ ଅଭିଯୁକ୍ତ

ଦିଗପହଣ୍ଡି,୧୬।୧୧(ଅଶେଷ ନାଥ ମିଶ୍ର): ଗଞ୍ଜାମ ଜିଲା ଦିଗପହଣ୍ଡି ଥାନାରେ ପଶି ଏସ୍‌ଆଇ ରାଜ କିଶୋର ପାତ୍ର ଏବଂ ହୋମଗାର୍ଡ ଲକ୍ଷ୍ମୀକାନ୍ତ ମହାପାତ୍ରଙ୍କୁ ହତ୍ୟା ଉଦ୍ୟମ ଘଟଣାରେ ସମ୍ପୃକ୍ତ…

ସେହୱାଗଙ୍କ ପୁଅ ଆର୍ଯ୍ୟବୀରଙ୍କୁ ଲାଗିଲା ବଡ଼ ଝଟ୍‌କା: ଭଲ ପ୍ରଦର୍ଶନ ସତ୍ତ୍ୱେ ଖେଳିପାରିବେନି ଅଣ୍ଡର-୧୯ ବିଶ୍ୱକପ, ଜାଣନ୍ତୁ କାରଣ…

ନୂଆଦିଲ୍ଲୀ,୧୬।୧୧: ଭାରତର ପୂର୍ବତନ ବିସ୍ଫୋରକ ଓପନର ବ୍ୟାଟର ବୀରେନ୍ଦ୍ର ସେହୱାଗଙ୍କ ପୁଅ ଆର୍ଯ୍ୟବୀର ସେହୱାଗ ନିକଟରେ ଅଣ୍ଡର-୧୯ ଏସିଆ କପରେ ନିଜର ଦମଦାର ପ୍ରଦର୍ଶନ ବଳରେ ସମସ୍ତଙ୍କ…

Advertisement

ଧରିତ୍ରୀ କାର୍ଟୁନ

Archives

 

Dharitri-Rashifala


ଛୁଟିଦିନ
ପିଲାଙ୍କ ଧରିତ୍ରୀ
Trending
Let's Pledge For A 'Plastic Free' Odisha Join The Movement Of 'Plastic Free' Odisha

Akash Das Nayak, supports a Plastic Free Odisha. Do you?