Posted inଖେଳ

ସେହ୍ବାଗ ଲଞ୍ଚ୍‌ କଲେ କ୍ରିକେଟ କୋଚିଂ ଓ୍ବେବ୍‌ସାଇଟ୍‌ କ୍ରିକୁରୁ

ନୂଆଦିଲ୍ଲୀ,୧୦।୬(ପି.ଟି.): ପୂର୍ବତନ ଭାରତୀୟ କ୍ରିକେଟର ବୀରେନ୍ଦ୍ର ସେହ୍ବାଗ ବୁଧବାର କ୍ରିକେଟ ସମ୍ପର୍କିତ ଶିକ୍ଷା ପାଇଁ ଦେଶରେ ପ୍ରଥମଥର ପାଇଁ ଲଞ୍ଚ୍‌ କରିଛନ୍ତି ନୂଆ ଓ୍ବେବ୍‌ସାଇଟ୍‌ ତଥା ଆପ୍‌। ଏହାର ନାମ କ୍ରିକୁରୁ ରହିଛି। ସେହ୍ବାଗଙ୍କ ସମେତ ପୂର୍ବତନ କ୍ରିକେଟର ସଞ୍ଜୟ ବାଙ୍ଗର ଏହି ଓ୍ବେବ୍‌ସାଇଟ ତଥା ଆପ୍‌ର ବିକାଶ ପାଇଁ ଏକାଠି କାର୍ଯ୍ୟ କରିଛନ୍ତି। ଉଦୀୟମାନ ଖେଳାଳିଙ୍କୁ କ୍ରିକେଟ ସମ୍ପର୍କରେ ଶିକ୍ଷା ଦେବାକୁ, ଅଭିଜ୍ଞ କ୍ରିକେଟରମାନଙ୍କ ଅଭିଜ୍ଞତାରୁ ଏମାନଙ୍କ ବିକାଶ ପାଇଁ ଏହି ଆପ୍‌ ମାଧ୍ୟମରେ ବ୍ୟବସ୍ଥା କରାଯାଇଛି। କ୍ରିକେଟକୁ କ୍ୟାରିୟର ରୂପେ ବାଛିବାକୁ ନିଷ୍ପତ୍ତି ନେଇଥିବା ଖେଳାଳିମାନେ ଏଥିରୁ ବହୁତ କିଛି ଶିକ୍ଷା କରିବାର ସୁଯୋଗ ପାଇବେ ଓ ଏହା ହିଁ ଏହି ଆପ୍‌ର ଲକ୍ଷ୍ୟ ରହିଛି। ଏହା ଦେଶରେ କ୍ରିକେଟର ବିପ୍ଳବ ଆଣିବ ବୋଲି ସେହ୍ବାଗ ଆଶାପ୍ରକାଶ କରିଛନ୍ତି।
ସେହ୍ବାଗ ଓ ପୂର୍ବତନ ବ୍ୟାଟ୍ସମ୍ୟାନ ତଥା ବ୍ୟାଟିଂ କୋଚ୍‌ ସଞ୍ଜୟ ବାଙ୍ଗର ପ୍ରତ୍ୟେକ ଖେଳାଳିଙ୍କ ପାଠ୍ୟକ୍ରମ ପ୍ରସ୍ତୁତ ତଥା ବିକଶିତ କରିଛନ୍ତି। ଦେଶର ଏହି ପ୍ରଥମ କ୍ରିକେଟ କୋଚିଂ ଓ୍ବେବ୍‌ସାଇଟ ଦ୍ୱାରା ଖେଳାଳିମାନଙ୍କୁ ଅଭିଜ୍ଞ କ୍ରିକେଟରମାନେ ନିଜ ଅଭିଜ୍ଞତା ସମ୍ପର୍କରେ ଶିକ୍ଷା ଦେବେ। ବିଶ୍ୱର ୩୦ ଜଣ ଖେଳାଳି ତଥା କୋଚ୍‌ଙ୍କଠାରୁ କିପରି କ୍ରିକେଟ ଖେଳାଯାଇପାରିବ ସେ ନେଇ ଉଦୀୟମାନ କ୍ରିକେଟରମାନେ ଶିକ୍ଷା କରିପାରିବେ। ପ୍ରତ୍ୟେକ କୋଚ୍‌ ୪ ଘଣ୍ଟାର ଭିଡିଓ ସହିତ ଶିକ୍ଷା ପ୍ରଦାନ କରିବେ। ଏହି ଓ୍ବେବ୍‌ସାଇଟ ବ୍ୟବହାର କରୁଥିବା ଖେଳାଳିମାନେ ପ୍ରସିଦ୍ଧ ଖେଳାଳିଙ୍କଠାରୁ ସେମାନଙ୍କ ସଫଳତା, ବିଫଳତା ଓ ଖ୍ୟାତି ସମ୍ପର୍କରେ ପ୍ରତ୍ୟକ୍ଷ ଅନୁଭୂତି ପାଇବେ।
ପ୍ରଶିକ୍ଷଣ ଦେବାକୁ ଥିବା ଏହି କୋଚ୍‌ମାନଙ୍କ ମଧ୍ୟରେ ସାମିଲ ରହିଛନ୍ତି ଏବି ଡିଭିଲର୍ସ, ବ୍ରେଟ ଲି, ବ୍ରାଏନ ଲାରା, କ୍ରିସ୍‌ ଗେଲ, ଡ୍ବେନ ବ୍ରାଭୋ, ହରଭଜନ ସିଂ, ଜଣ୍ଟି ରୋଡ୍ସଙ୍କ ଭଳି ପ୍ରଖ୍ୟାତ କ୍ରିକେଟର ଓ ଅନ୍ୟମାନେ। ଭାରତରେ କ୍ରିକେଟର ବିକାଶ ଓ ଶିକ୍ଷାକୁ ସମସ୍ତଙ୍କ ପାଖରେ ପହଞ୍ଚାଇବା ଓ ଏ ନେଇ ସ୍ଥିତି ଉପଲବ୍ଧ କରାଇବା କ୍ରିକୁରୁର ମୂଳ ଲକ୍ଷ୍ୟ ବୋଲି କୁହାଯାଇଛି। ବିଶ୍ୱର କୋଚିଂ ବିଶେଷଜ୍ଞମାନେ ବିନା ବାଧାରେ କ୍ରିକେଟ ପ୍ରତିଭାମାନଙ୍କୁ ବିଶ୍ୱସ୍ତରୀୟ ଶିକ୍ଷା ଦେବେ ବୋଲି ସେହ୍ବାଗ କହିଛନ୍ତି। ଦେଶର କୋଣ ଅନୁକୋଣରେ ରହୁଥିବା କ୍ରିକେଟ ପ୍ରତିଭାମାନେ ସିଧାସଳଖ ଏହି ଓ୍ବେବ୍‌ସାଇଟ୍‌ରୁ ଲାଭ ଉଠାଇପାରିବେ ବୋଲି ବାଙ୍ଗର କହିଛନ୍ତି। କ୍ରିକେଟ କୋଚିଂ ପାଇବା ପାଇଁ ସମସ୍ତଙ୍କର ଅଧିକାର ଅଛି ଓ କ୍ରିକୁରୁ ସମସ୍ତଙ୍କ ପାଇଁ ଉପଲବ୍ଧ ହେବ ବୋଲି ସେ କହିଛନ୍ତି। www.cricuru.com ଲଗ୍‌ ଅନ୍‌ କରି ଏହି ଓ୍ବେବ୍‌ସାଇଟ୍‌କୁ ଗୋଟିଏ ବର୍ଷ ପାଇଁ ସବ୍‌ସ୍କ୍ରାଇବ କରିହେବ। ଗୋଟିଏ ବର୍ଷ ଅବଧିର ସବ୍‌ସ୍କ୍ରାଇବ ପାଇଁ ସଦସ୍ୟତା ଦେୟ ୨୯୯ ଟଙ୍କା ଆରମ୍ଭ ହେବ।


Enter your email to get our daily news in your inbox.

All Right Reserved By Dharitri.Com

Posted inଖେଳ View All

ସନରାଇଜର୍ସ ମଙ୍ଗ ଧରିବେ ପ୍ୟାଟ୍‌ କମିନ୍ସ

ନୂଆଦିଲ୍ଲୀ,୨।୩: ଅଷ୍ଟ୍ରେଲିଆ ଅଧିନାୟକ ପ୍ୟାଟ୍‌ କମିନ୍ସ ଆଗାମୀ ଆଇପିଏଲ୍‌ ସିଜନ୍‌ରେ ସନ୍‌ରାଇଜର୍ସ ହାଇଦ୍ରାବାଦ ଅଧିନାୟକ ହୋଇପାରନ୍ତି। ଦଳର ମୁଖ୍ୟ ପ୍ରଶିକ୍ଷକ ଡାନିଏଲ ଭେଟୋରିଙ୍କ ସହ କମିନ୍ସଙ୍କ...

ଆଇପିଏଲ୍‌ ଖେଳିବେ କି ନାହିଁ ପନ୍ତ, ମାର୍ଚ୍ଚ ୫ରେ ଆସିପାରେ ବଡ଼ ଅପ୍‌ଡେଟ୍‌…

ନୂଆଦିଲ୍ଲୀ,୨।୩: ଋଷଭ ପନ୍ତ ଏକ ବର୍ଷରୁ ଅଧିକ ସମୟ ଧରି କ୍ରିକେଟରୁ ଦୂରରେ ଅଛନ୍ତି। ଏମିତିରେ ସମସ୍ତେ ତାଙ୍କ ପ୍ରତ୍ୟାବର୍ତ୍ତନକୁ ଅପେକ୍ଷା କରିଛନ୍ତି। ସୁସ୍ଥ ହେବା...

କୋହଲି ନ ଖେଳିବା ନେଇ ଆଣ୍ଡରସନ କାହିଁକି କହିଲେ ‘It’s a Shame’

ନୂଆଦିଲ୍ଲୀ,୨।୩: ବିରାଟ କୋହଲି ଇଂଲଣ୍ଡ ବିପକ୍ଷ ପାଞ୍ଚ ମ୍ୟାଚ୍‌ ବିଶିଷ୍ଟ ଟେଷ୍ଟ ସିରିଜ ଖେଳୁ ନାହାନ୍ତି। ବ୍ୟକ୍ତିଗତ କାରଣରୁ କୋହଲି ସିରିଜ ପୂର୍ବରୁ ତାଙ୍କ ନାମ...

ଇଂଲଣ୍ଡର ଏହି ଖେଳାଳିଙ୍କୁ ଉପହାରରେ ମିଳିଥିଲା ୧୦୦ ବୋତଲ ମଦ, କାରଣ ଜାଣିଲେ…

ନୂଆଦିଲ୍ଲୀ,୨।୩: ଯେତେବେଳେ ଜଣେ ଖେଳାଳୀ ଅବସର ନିଅନ୍ତି, ତାଙ୍କୁ ସାଥୀ କ୍ରିକେଟରମାନେ କିଛି ଉପହାର ଦିଅନ୍ତି। ଇଂଲଣ୍ଡର ପୂର୍ବତନ ଅଧିନାୟକ ଆଣ୍ଡ୍ରିୟୁ ଷ୍ଟ୍ରସ ଅବସର ନେବା...

ହାର୍ଦ୍ଦିକଙ୍କ ସହ ଈଶାନଙ୍କ ପ୍ରଶିକ୍ଷଣରେ ବିସିସିଆଇ ଅସନ୍ତୁଷ୍ଟ, ସାମ୍ନାକୁ ଆସିଲା ଆଶ୍ଚର୍ଯ୍ୟଜନକ ରିପୋର୍ଟ

ନୂଆଦିଲ୍ଲୀ,୨।୩: ନିକଟରେ ବିସିସିଆଇ ସେଣ୍ଟ୍ରାଲ କଣ୍ଟ୍ରାଣ୍ଟ ଘୋଷଣା କରାଯାଇଥିଲା। ଏହି ସେଣ୍ଟ୍ରାଲ କଣ୍ଟ୍ରାଣ୍ଟରେ ଈଶାନ କିଷନ ଏବଂ ଶ୍ରେୟସ ଆୟରଙ୍କୁ ଅନ୍ତର୍ଭୁକ୍ତ କରାଯାଇ ନାହିଁ ।...

ତୃତୀୟ ଥର ପାଇଁ ବାପା ହେଲେ ପାକିସ୍ତାନର ଏହି ପୂର୍ବତନ ଖେଳାଳି

ନୂଆଦିଲ୍ଲୀ,୨।୩: ପାକିସ୍ତାନର ପୂର୍ବତନ ଦ୍ରୁତ ବୋଲର ଶୋଏବ ଅଖତର ତୃତୀୟ ଥର ପାଇଁ ପିତା ହୋଇଛନ୍ତି। ଶୋଏବ ଅଖତରଙ୍କ ପତ୍ନୀ ରୁବାବ ଖାନ ଏକ କନ୍ୟା...

କ୍ରିକେଟ ପାଇଁ ରାଜନୀତିରୁ ଓହରିଗଲେ କି ଗମ୍ଭୀର

ନୂଆଦିଲ୍ଲୀ,୨।୩: ପୂର୍ବ ଦିଲ୍ଲୀରୁ ଭାଜପା ଏମ୍‌ପି ଗୌତମ ଗମ୍ଭୀର ଏଥର ଲୋକ ସଭା ନିର୍ବାଚନରେ ପ୍ରତିଦ୍ୱନ୍ଦ୍ୱିତା କରିବେ ନାହିଁ। ଶନିବାର ତାଙ୍କର ଏକ ଟୁଇଟ୍‌ ଏଭି...

ଆଇପିଏଲ ପୂର୍ବରୁ ବଡ଼ ପରିବର୍ତ୍ତନ କଲା ଲକ୍ଷ୍ନୌ, ଏବେ ଏହି ଭେଟେରାନଙ୍କ ହେଲା ଦଳରେ ଏଣ୍ଟ୍ରି

ନୂଆଦିଲ୍ଲୀ,୨।୩: ଇଣ୍ଡିଆନ ପ୍ରିମିୟର ଲିଗ ଅର୍ଥାତ୍‌ ଆଇପିଏଲ ୨୦୨୪ ଆଉ କିଛି ଦିନ ବାକି ରହିଲା। ଆଇପିଏଲ୨୦୨୪ର ପ୍ରଥମ ମ୍ୟାଚ ୨୨ ମାର୍ଚ୍ଚରେ ଚେନ୍ନାଇ ସୁପର...

Advertisement

ଧରିତ୍ରୀ କାର୍ଟୁନ

Archives
Model This Week

ପିଲାଙ୍କ ଧରିତ୍ରୀ

Why Dharitri