ନୂଆଦିଲ୍ଲୀ,୧୦ ।୯: ଭାରତୀୟ ବାୟୁ ସେନାରେ ସାମିଲ ହୋଇଛି ଯୁଦ୍ଧ ବିମାନ ରାଫାଲ । ଭିଜୁଆଲ ରେଞ୍ଜ ବାହାରେ ବା ମିଟିଅର ବିମାନଭେଦୀ ତୋପ(ମିଶାଇଲ) ସହ ରାଫାଲ ଏସିଆର ବସୁଠାରୁ ଶକ୍ତିଶାଳୀ ଯୁଦ୍ଧ ବିମାନ ବୋଲି କୁହାଯାଉଛି । ତେବେ ଭାରତୀୟ ବାୟୁସେନାରେ ରାଫାଲ ସାମିଲ ହେବା ପରେ ସବୁଠାରୁ ଅଧିକ ଚିନ୍ତାରେ ପଡ଼ିଯାଇଛି ପଡ଼ୋଶୀ ଦେଶ ପାକିସ୍ତାନ । ଏହି ଚିନ୍ତାରେ ରାଫାଲୁ କଡ଼ା ଜବାବ ଦେବାକଥା ଚିନ୍ତା କରି ପାକିସ୍ତାନ ତା’ର ସବୁଠାରୁ ବିଶ୍ୱସ୍ତ ବନ୍ଧୁ ଚାଇନାକୁ ଏବେ ସାହାଯ୍ୟ ମାଗିଥିବା ଜଣାପଡିଛି । ପାକିସ୍ତାନ ଏବେ ଚାଇନାକୁ ଆଧୁନିକ ଫାଇଟର ଜେଟ୍ ଓ ବିମାନଭେଦୀ ତୋପ ମାଗିଥିବା ସୂଚନା ମିଳିଛି । ସୂଚନାଯୋଗ୍ୟ, ୨୦୧୦ରୁ ପାକିସ୍ତାନ ଚାଇନାକୁ ଆଧୁନିକ ଯୁଦ୍ଧ ବିମାନ ମାଗିଥିଲେ ସୁଦ୍ଧା ଚାଇନା ଏହାକୁ ଏତେଟା ଗୁରୁତ୍ୱ ଦେଇ ନ ଥିଲା । ଆଉ ଏବେ ଭାରତର ରାଫାଲ ବିମାନକୁ ଦେଖି ପାକିସ୍ତାନର ଚିନ୍ତା ବଢି ଯାଇଥିବା କୁହାଯାଉଛି । ପୂର୍ବରୁ ପାକିସ୍ତାନର ବୈଦେଶିକ ମନ୍ତ୍ରୀ ମଧ୍ୟ ରାଫାଲକୁ ନେଇ ଚିନ୍ତା ପ୍ରକଟ କରିଥିଲେ । ସେ କହିଥିଲେ ଭାରତୀୟ ସେନା ଆବଶ୍ୟକତାଠାରୁ ଅଧିକ କ୍ଷମତା ବୃଦ୍ଧି କରୁଛି । ତେଶୁ ବିଶ୍ୱ ଭାରତ ଉପରେ ଅଙ୍କୁଶ ଲଗାଉ ବୋଲି ସେ କହିଥିଲେ । ଅବଶ୍ୟ ରାଫାଲକୁ ଦେଖି ପାକିସ୍ତାନର ଚିନ୍ତା ବୃଦ୍ଧି ହେବା ସ୍ୱାଭାବିକ କଥା କାରଣ ଏବେ ଭାରତୀୟ ବାୟୁସେନାର ଏହି ଶକ୍ତି ପାକିସ୍ତାନର ସମସ୍ତ ଶକ୍ତିଠାରୁ ଉପରେ ବୋଲି ସେ ଜାଣି ନେଇଛି ।
